Colosas 2

1 Sapagkat ibig ko na inyong malaman kung gaano kalaki ang aking pagpupunyagi dahil sa inyo, at sa nangasa Laodicea, at sa lahat ng hindi nakakikita ng mukha ko sa laman,

2 Upang ¹mangaaliw ang kanilang mga puso, sa kanilang pagkakabuklod sa ²pag-ibig at ³tungo sa lahat ng mga kayamanan ng ⁴lubos na katiyakan ng pagkaunawa, tungo sa lubos na pagkaalam sa ⁵hiwaga ng Diyos, samakatwid ay si Kristo,

3 Na sa Kanya ang lahat ng mga kayamanan ng ¹karunungan at ng kaalaman ay nakatago.

4 Ito ay sinasabi ko upang huwag kayong ¹madaya ng sinuman ng ²mga mapanghikayat na pananalita.

5 Sapagkat bagaman tunay na ako ay wala riyan sa laman, gayunman sa ¹espiritu ako ay kasama ninyo, na nagagalak at nakikita ang inyong kaayusan, at ang katatagan ng inyong pananampalataya ²kay Kristo.

6 Kung paano nga ninyong ¹tinanggap si Kristo Hesus na Panginoon, ay ²magsilakad kayong gayon sa loob Niya,

7 Na ¹nangauugat at nangatatayo sa loob Niya, at nangatitibay ²sa pananampalataya, gaya ng pagkaturo sa inyo, na nananagana sa pagpapasalamat.

8 Magsipag-ingat kayo, baka may bumihag sa inyo sa pamamagitan ng kanyang ¹pilosopiya at hungkag na pandaraya, ayon sa ²tradisyon ng mga tao, ayon sa mga ³pasimulang aral ng sanlibutan, at hindi ayon kay ⁴Kristo;

9 Sapagkat sa Kanya ay nananahan ang buong ¹kapuspusan ng ²Pamunuang-Diyos ³sa kahayagan-ayon-sa-laman,

10 At kayo sa loob Niya ay ¹nangapuspos, na Siyang Ulo ng ²lahat ng pamunuan at awtoridad,

11 Na sa Kanya ay tinuli rin naman kayo sa ¹pagtutuling ²hindi gawa ng mga kamay, sa ³paghuhubad ng katawan ng laman, sa pagtutuli ni Kristo,

12 Na ¹inilibing kalakip Niya sa bautismo, na ²ibinangon rin naman kayo nang sama-sama kalakip Niya, sa pamamagitan ng ³pananampalataya ng paggawa ng Diyos, na nagbangon sa Kanya mula sa mga patay.

13 At kayo, nang mga ¹patay pa sa gitna ng mga pagsalansang at sa di-pagkatuli ng inyong laman, ay Kanyang ²binuhay nang sama-sama kalakip Niya, na pinatawad tayo sa lahat ng pagsalansang;

14 Na ¹binura ang mga ²ordinansang ³nasusulat na tumutuligsa sa atin, na laban sa atin; at ito ay Kanyang inalis, na ⁴ipinako sa krus;

15 Na ¹inalis ang mga ²pinuno at ang mga awtoridad, Kanyang ginawa silang isang hayag na ³pagtatanghal, na nagtatagumpay Siya sa kanila sa loob ⁴nito.

16 Sa gayon, huwag hayaan ang sinuman na hatulan kayo ¹sa pagkain, at sa pag-inom, o tungkol sa ²kapistahan, o ³bagong buwan o mga ⁴Sabbath,

17 Na isang ¹anino ng mga bagay na darating, nguni’t ang ²katawan ay si ³Kristo.

18 Huwag hayaan ang sinuman na ¹dayain kayo sa inyong gantimpala, sa pamamagitan ng sadyang ²pagpapakumbaba at pagsamba sa mga anghel, na ³nananatili sa mga bagay na kanyang ⁴nakita, na nagpapalalo nang walang kabuluhan sa pamamagitan ng kaisipan ng kanyang laman,

19 At ¹hindi tinatanganan ang Ulo, na ²mula sa Kanya ang buong ³Katawan, na natutustusan at nagkakalakip-lakip sa pamamagitan ng mga ⁴kasu-kasuan at mga ⁵litid, ay ⁶lumalago sa ⁷paglago ng Diyos.

20 ¹Kung kayo ay ²nangamatay kalakip ni Kristo mula sa mga ³pasimulang aral ng sanlibutan, bakit gayong kayo ay nangabubuhay sa sanlibutan ay nagpapasakop ng inyong mga sarili sa mga ⁴ordinansa:

21 Gaya ng: ¹Huwag ²hawakan, huwag tikman, huwag ³hipuin,

22 Mga bagay na pawang ¹masisira sa ²paggamit, ayon sa mga utos at mga pagtuturo ng mga tao?

23 ¹Mga bagay na sa katunayan ay may ²anyo ng karunungan sa sariling ipinataw na pagsamba, at pagpapakumbaba, at ³lubhang pagpapahirap sa katawan, ngunit ⁴walang anumang kabuluhan laban sa kalayawan ng laman.