Apocalipsis 2

1 ¹Sa ²sugo ng ekklesia sa ^3aEfeso ay isulat mo: Ang mga bagay na ito ay ⁴sinasabi ng may ⁵hawak ng ^bpitong bituin sa Kanyang kanang kamay, na ⁵lumalakad sa ^cgitna ng ^dpitong gintong patungan-ng-ilawan:

2 Nalalaman Ko ang iyong mga gawa, at ang iyong pagpapagal at pagtitiis, at yaong hindi mo matiis ang masasamang tao; at sinubok mo ang mga ¹nagpapanggap na apostol at sila ay hindi nga mga gayon, at nasumpungan mo silang bulaan;

3 At may pagtitiis ka at nagbatá ka dahil sa Aking pangalan at hindi ka napagod.

4 Nguni’t mayroon Akong laban sa iyo, na iyong iniwan ang iyong ¹unang ²pag-ibig.

5 Kaya aalalahanin mo kung saan ka nahulog at magsisi ka at gawin mo ang mga unang gawa; o kung hindi ay paririyan Ako sa iyo at ¹aalisin Ko ang iyong patungan-ng-ilawan sa kinalalagyan nito, malibang magsisi ka.

6 Subali’t ito ay nasa iyo, na iyong kinamumuhian ang mga gawa ng mga ¹Nikolaita, na kinamumuhian Ko rin naman.

7 Ang may ¹pakinig ay makinig sa sinasabi ng ²Espiritu sa mga ³ekklesia. Ang ⁴magtagumpay ay siya Kong ⁵pakakainin ng ⁶puno ng buhay, na nasa ⁷paraiso ng Diyos.

8 At sa ¹sugo ng ekklesia sa ²Esmirna ay isulat mo: Ang mga bagay na ito ay sinasabi ng ³Una at ng Huli na namatay, at ⁴muling nabuhay:

9 Nalalaman Ko ang iyong ¹kapighatian at ²karukhaan, datapuwa’t ikaw ay ²mayaman; at ang ³paninirang-puri ng mga yaong ⁴tumatawag sa kanilang mga sarili na mga Hudyo at ⁵hindi nga sila mga gayon, kundi isang ⁶sinagoga ni ⁷Satanas.

10 Huwag mong katakutan ang mga bagay na malapit mo nang tiisin. Narito, malapit nang ilagay ng ¹Diyablo ang ilan sa inyo sa bilangguan upang kayo ay masubok, at magkaroon kayo ng kapighatiang ²sampung araw. Maging tapat ka hanggang sa kamatayan, at ibibigay ko sa iyo ang ³putong ng buhay.

11 Ang may pakinig ay makinig sa sinasabi ng Espiritu sa mga ekklesia. Ang ¹magtagumpay ay hindi ²masasaktan sa anumang paraan ng dikalawang kamatayan.

12 At sa sugo ng ekklesia sa ¹Pergamo ay isulat mo: Ang mga bagay na ito ay sinasabi ng may matalas na tabak na may dalawang talim:

13 Nalalaman Ko kung saan ka tumatahan, samakatuwid ay, sa kinaroroonan ng ¹trono ni Satanas; at iniingatan mong matibay ang Aking ²pangalan, at hindi mo ikinaila ang Aking ²pananampalataya, maging sa mga araw man ni ³Antipas na Aking saksi, na Aking tapat na isa na pinatay sa gitna ninyo na tinatahanan ni Satanas.

14 Datapuwa’t mayroon Akong ilang bagay na laban sa iyo, sapagka’t mayroon ka riyang ilang humahawak sa ¹pagtuturo ni ²Balaam, na siyang nagturo kay Balak na maglagay ng katitisuran sa harapan ng mga anak ni Israel upang magsikain ng mga bagay na inihahain sa mga ³diyos-diyosan, at ³makiapid.

15 Kaya, gayundin naman na mayroon kang ilan na humahawak sa ¹pagtuturo ng mga ²Nikolaita.

16 ^aMagsisi ka nga; o kung hindi ay madaling ^1bpaririyan Ako sa iyo, at babakahin ko sila ng ^ctabak ng Aking bibig.

17 Ang may pakinig, ay makinig sa sinasabi ng Espiritu sa mga ekklesia. Ang ¹magtagumpay ay bibigyan Ko ng ²natatagong manna, at siya ay bibigyan Ko ng isang puting ³bato, at sa bato ay may nakasulat na isang ⁴bagong pangalan, na walang nakaaalam kundi yaong tumatanggap.

18 At sa sugo ng ekklesia sa ¹Tiatira ay isulat mo: Ang mga bagay na ito ay sinasabi ng ²Anak ng Diyos, na may mga ³matang gaya ng ningas ng apoy, at ang Kanyang mga paa ay gaya ng tansong binuli:

19 Nalalaman Ko ang iyong mga ¹gawa at pag-ibig at pananampalataya at paglilingkod at ang iyong pagtitiis, at ang iyong mga huling gawa ay higit kaysa sa mga una.

20 Datapuwa’t mayroon Akong laban sa iyo, na pinahihintulutan mo ang ¹babaeng si Jezebel, na ²tumatawag sa kanyang sarili na ³propetisa at siya ay ⁴nagtuturo at ginagabayang palihis ang Aking mga lingkod upang ⁵makiapid at kumain ng mga bagay na inihahain sa mga ⁵diyos-diyosan.

21 At binigyan Ko siya ng panahon upang makapagsisi, at bayaw niyang magsisi sa kanyang pakikiapid.

22 Narito, Akin siyang iraratay sa isang ¹higaan, at ang mga nakikipangalunya sa kanya sa malaking ²kapighatian, maliban kung sila ay magsisipagsisi sa kanyang mga gawa;

23 At ¹papatayin Ko ng kamatayan ang kanyang mga anak, at malalaman ng lahat ng mga ekklesia na Ako ay ang yaong sumasaliksik ng mga ²panloob na bahagi at ng mga puso; at bibigyan Koang bawa’t isa sa inyo nang ayon sa inyong mga gawa.

24 Datapuwa’t sinasabi Ko sa inyo, sa mga iba na nasa Tiatira, (sa lahat ng walang pagtuturong ito, na hindi nakaaalam ng ¹malalalim na bagay ni Satanas, gaya ng sinasabi nila) hindi na Ako magpapasan sa inyo ng iba pang pasan;

25 Gayunman, ang nasa inyo ay panghawakan ninyong matibay ¹hanggang sa Ako ay pumariyan.

26 At ang ¹magtagumpay, at ang tumupad ng ²Aking mga gawa hanggang sa katapusan, ay bibigyan Ko ng ³awtoridad sa mga bansa,

27 At sila ay kanyang ¹papastulin ng isang bakal na tungkod, gaya ng pagkadurog ng mga sisidlang lupa ng magpapalayok, gaya naman ng ²tinanggap Ko sa Aking Ama;

28 At sa kanya ay ibibigay Ko ang ¹tala sa umaga.

29 Ang may ¹pakinig ay makinig sa sinasabi ng Espiritu sa mga ekklesia.