Apocalipsis 3

1 At sa sugo ng ekklesia sa ¹Sardis ay isulat mo: Ang mga bagay na ito ay sinasabi Niyaong may ²pitong Espiritu ng Diyos at may ²pitong bituin: Nalalaman Ko ang iyong mga gawa, na ikaw ay may ³pangalan na ikaw ay buhay, at ikaw ay patay.

2 Maging mapagbantay ka at pagtibayin mo ang mga ¹bagay na nalalabi, na malapit nang mamatay; sapagka’t hindi Ko nasumpungang ²kumpleto ang iyong mga gawa sa harapan ng Aking Diyos.

3 Alalahanin mo nga kung paano mo tinanggap at narinig, at ito ay tuparin mo, at magsisi ka. Kaya kung hindi ka magbabantay ay paririyan Akong gaya ng isang ¹magnanakaw, at wala kang paraan upang malaman kung anong oras Ako darating sa iyo.

4 Subali’t mayroon kang ilang pangalan sa Sardis na hindi ¹nangagdungis ng kanilang mga damit, at sila ay kasama Kong magsisilakad na may mga damit na ²puti, sapagka’t sila ay karapat-dapat.

5 Ang ¹magtagumpay ay ²daramtang gayon ng mga puting damit, at hindi Ko ³buburahin sa anumang paraan ang kanyang pangalan sa ⁴aklat ng buhay, at ⁵ipahahayag Ko ang kanyang pangalan sa harapan ng Aking Ama at sa harapan ng Kanyang mga anghel.

6 Ang may pakinig ay makinig sa sinasabi ng Espiritu sa mga ekklesia.

7 At sa sugo ng ekklesia sa ¹Filadelfia ay isulat mo: Ang mga bagay na ito ay sinasabi ng ²Banal na Isa, ang Totoong Isa, Niyaong may ³susi ni David, Niyaong nagbubukas at di-maisasara ninuman, at nagsasara at di-mabubuksan ninuman:

8 ^aNalalaman Ko ang iyong mga gawa; narito, ¹inilagay Ko sa harapan mo ang isang ^2bpintuang bukas, na ^cdi-maisasara ng sinuman, sapagka’t ikaw ay may ³kaunting kapangyarihan at ^dtinupad mo ang Aking ⁴salita at hindi mo ^eikinaila ang Aking ⁴pangalan.

9 Narito, ¹gagawin Ko, silang mga nasa ²sinagoga ni Satanas, ang mga nagsasabing sila ay mga Hudyo, at ³hindi naman, kundi nangagbubulaan; narito, sila ay Aking papaparituhin at ⁴pasasambahin sa harap ng iyong mga paa, at malalaman nila na ikaw ay Aking inibig na.

10 Sapagka’t tinupad mo ang ¹salita ng Aking pagtitiis, ikaw naman ay Aking ²iingatan sa panahon ng pagsubok na malapit nang dumating sa buong pinananahanang lupa, upang subukin ang mga nananahan sa ibabaw ng lupa.

11 Ako ay ¹dumarating nang madali; hawakan mong matibay ang nasa iyo, upang huwag kunin ninuman ang iyong ²putong.

12 Ang ¹magtagumpay ay gagawin Kong isang ²haligi sa templo ng Aking Diyos, at sa anumang paraan ay hindi na siya lalabas pa roon, at isusulat Ko sa kanya ang ³pangalan ng Aking Diyos at ang pangalan ng lunsod ng Aking Diyos, ang Bagong Herusalem, na mananaog buhat sa langit mula sa Aking Diyos, at ang Aking bagong pangalan.

13 Ang may pakinig ay makinig sa sinasabi ng Espiritu sa mga ekklesia.

14 At sa sugo ng ekklesia sa ¹Laodicea ay isulat mo: Ang mga bagay na ito ay sinasabi ng ²Amen, ng Saksing tapat at totoo, ng ³pasimula ng paglalang ng Diyos:

15 Nalalaman Ko ang iyong mga gawa, na ikaw ay hindi malamig ni ¹mainit man; ibig Ko sanang ikaw ay malamig o ¹mainit.

16 Kaya, sapagka’t ikaw ay malahininga at hindi mainit ni malamig man, malapit na kitang ¹isuka mula sa Aking bibig.

17 Sapagka’t ¹sinasabi mo, Ako ay mayaman, at yumaman na at hindi ako nangangailangan ng anuman, at hindi mo nalalamang ikaw ay ²baba at miserable at dukha at bulag at hubad;

18 Ipinapayo Ko sa iyo na ikaw ay ¹bumili sa Akin ng ²gintong dinalisay ng apoy upang ikaw ay yumaman, at ng mga puting ³damit upang iyong maisuot at nang sa gayon ay huwag mahayag ang kahihiyan ng iyong kahubaran, at ng ⁴pamahid-sa-mata upang ipahid sa iyong mga mata nang sa gayon ikaw ay makakita.

19 Ang lahat ng Aking iniibig ay Aking sinasaway at dinidisiplina; ikaw nga ay ¹magsikap, at magsisi.

20 Narito, Ako ay nakatayo sa ¹pintuan at kumakatok; kung ang sinuman ay duminig ng Aking tinig at ²magbukas ng pinto, Ako ay papasok sa kanya, at ³kakaing kasalo niya, at siya ay kasalo Ko.

21 Ang ¹magtagumpay ay Aking pagkakaloobang ²umupong kasama Ko sa Aking trono, gaya Ko naman na nagtagumpay at umupong kasama ng Aking Ama sa Kanyang trono.

22 Ang may pakinig ay makinig sa sinasabi ng Espiritu sa mga ¹ekklesia.