Mga Gawa 13

1 Ngayon ay mayroon sa Antioquia, sa ¹ekklesia na naroroon, na mga ²propeta at mga ³guro: sina ⁴Bernabe at Simeon na tinawag na ⁵Niger, at si ⁶Lucio na taga-Cirene, at si ⁷Manaen na kapatid sa gatas ni ⁸Herodes na tetrarka, at si ⁹Saulo.

2 At habang sila ay ¹naglilingkod sa Panginoon at nag-aayuno, ang ²Espiritu Santo ay nagsabi, ³Ibukod ninyo para sa Akin si Bernabe at si Saulo sa gawaing itinawag Ko sa kanila.

3 Nang magkagayon, nang sila ay ¹nakapag-ayuno na at nakapanalangin at ²naipatong ang kanilang mga kamay sa kanila, kanilang pinayaon sila.

4 Sila nga, palibhasa ay isinugo ng ¹Espiritu Santo,

5 At nang sila ay napasa Salamina, ipinahayag nila ang salita ng Diyos ¹sa mga ²sinagoga ng mga Hudyo. At kasama rin nila si Juan bilang kanilang taga-paglingkod.

6 At nang matahak na ang buong pulo hanggang Pafos, natagpuan nila ang isang tao, isang ¹salamangkero, isang Hudyong bulaang propeta na nagngangalang Bar-jesus,

7 Na kasama ng ¹proconsul na si Sergio Paulo, isang matalinong tao. Ang taong ito ang nagpatawag kina Bernabe at Saulo at nagmithing makarinig ng salita ng Diyos.

8 Datapuwa’t si Elimas na salamangkero sapagka’t ganito ang pakahulugan ng kanyang pangalan) ay kumakalaban sa kanila, pinagsisikapang ihiwalay ang proconsul sa ¹pananampalataya.

9 Datapuwa’t si Saulo, na si ¹Pablo rin, na ²napuspusan ng Espiritu Santo, ay tumitig sa kanya

10 At nagsabi, O anak ng Diyablo, punô ng kasinungalingan at lahat ng kabuhungan, kaaway ng lahat ng katuwiran, hindi ka ba maglulubay sa pagpipilipit ng mga ¹daang matuwid ng Panginoon?

11 At ngayon, masdan mo, ang kamay ng Panginoon ay nasasaiyo, at ikaw ay mabubulag na hindi makikita ang araw sa kaunting panahon. At kapagdaka ay dumapo sa kanya ang isang ulap at isang kadiliman, at siya ay naglibot na humahanap ng aakay sa kanyang kamay.

12 Nang magkagayon, ang proconsul, nang makita niya kung ano ang naganap, ay nanampalataya na nanggigilalas sa aral ng Panginoon.

13 At paglunsad sa dagat buhat sa Pafos, si Pablo at ang kanyang mga kasamahan ay dumating sa Perga ng Pamfilia; at ¹iniwan sila ni Juan at nagbalik sa Herusalem.

14 At sa pagdaan buhat sa Perga, sila ay dumating sa Antioquia ng Pisidia; at pagpunta sa sinagoga ¹sa araw ng Sabbath, sila ay nangagsiupo.

15 At pagkatapos ng pagbasa ng Kautusan at ng mga Propeta, ang mga pinuno sa sinagoga ay nagpautos sa kanila, na nagsasabi, Mga ginoo, mga kapatid, ¹kung kayo ay may anumang salita ng paghihikayat para sa tao, sabihin ito.

16 At si Pablo, sa kanyang pagtindig at paghudyat ng kanyang kamay, ay nagsabi, Mga ginoo, mga Israelita, at ¹yaong mga natatakot sa Diyos, makinig kayo:

17 Ang Diyos nitong bayang Israel ang humirang sa ating mga magulang, at dinakila ang mga tao sa kanilang pagtigil sa lupain ng Ehipto, at sa pamamagitan ng isang ¹mataas na bisig, pinangunahan Niya sa paglabas ang mga ito.

18 At nang panahong halos apatnapung taon, ¹kinalinga Niya sila sa ilang;

19 At nang malupig Niya ang pitong bansa sa lupain ng Canaan, ipinamahagi Niya ang kanilang mga lupa bilang isang pamana, (nang halos ¹apat na raan at limampung taon).

20 At makalipas ang mga bagay na ito binigyan Niya sila ng mga hukom hanggang kay Samuel na propeta.

21 At sila ay humingi ng isang hari, at ibinigay ng Diyos sa kanila si Saul, ang anak ni Kis, isang lalake sa lipi ni Benjamin, sa loob ng apatnapung taon.

22 At nang Kanyang alisin siya, ibinangon Niya si David para sa kanila bilang hari, na siya rin namang Kanyang pinatotohanan at sinabi, Nasumpungan Ko si David, ang anak ni Jesse, isang lalakeng ayon sa Aking ¹puso, na gagawin ang lahat ng Aking kalooban.

23 Buhat sa binhi ng taong ito, ang Diyos, ayon sa pangako, ay nagdala sa Israel ng isang Tagapagligtas, si Hesus;

24 Noong una, ipinahayag ni Juan ¹bago ang Kanyang pagdating ang isang ²bautismo ng pagsisisi sa buong bayan ng Israel.

25 Nang ginaganap na ni Juan ang kanyang ¹katungkulan, sabi niya, Sino ba ako sa ²akala ninyo? Hindi ako Siya. Nguni’t masdan ninyo, may Isang darating sa hulihan ko, na ang mga panyapak ng Kanyang mga paa ay hindi ako karapat-dapat na magkalag.

26 Mga ginoo, mga kapatid, mga anak ng lahi ni Abraham, at ¹yaong sa inyo na nangatatakot sa Diyos, sa atin ang salitang ito ng kaligtasan ay ipinararating.

27 Sapagka’t yaong mga nananahan sa Herusalem at ang kanilang mga pinuno, na walang pagkakilala sa Isang ito at sa mga tinig ng mga propeta na binabasa tuwing Sabbath, ang gumanap ng mga ito sa pamamagitan ng ¹paghuhukom sa Kanya.

28 At pagkasumpong ng walang kadahilanan ng kamatayan sa Kanya, hiningi nila kay Pilato na patayin Siya.

29 At nang matupad na nila ang lahat ng nasusulat tungkol sa Kanya, ibinaba nila Siya sa punong-kahoy at inilagay Siya sa isang libingan.

30 Datapuwa’t ibinangon Siya ng ¹Diyos mula sa mga patay.

31 Na sa maraming araw Siya ay nakita noong mga nagsiahong kasama Niya buhat sa Galilea hanggang sa Herusalem, na siya ngayong Kanyang mga saksi sa mga tao.

32 At dinadala namin sa inyo ang mabuting balita ng pangako na ginawa sa mga magulang,

33 Na lubusang tinupad ng Diyos ang pangakong ito sa atin, na kanilang mga anak, sa pagbangon kay Hesus, gaya ng nasusulat din sa ikalawang awit, Ikaw ay Aking Anak; sa araw na ito ay ¹ipinanganak Kita.

34 At tungkol sa Kanyang pagkabangon mula sa mga patay, kailanman ay hindi na babalik sa kabulukan, nagsalita Siya sa ganitong paraan, Ibibigay Ko sa iyo ¹ang mga ²banal at tapat na bagay ni David.

35 Sapagka’t sinasabi rin Niya sa ibang awit, Hindi Mo ¹hahayaan na ang Iyong Banal ay makakita ng kabulukan.

36 Sapagka’t si David nga, nang ¹mapaglingkuran niya ang sarili niyang lahi sa pamamagitan ng payo ng Diyos, ay nakatulog at ²inilibing kasama ng kanyang mga magulang at nakakita ng kabulukan;

37 Nguni’t Siya na ibinangon ng ¹Diyos ay hindi nakakita ng kabulukan.

38 Kaya maging hayag nawa sa inyo, mga ginoo, mga kapatid, na sa pamamagitan ng Isang ito ibinabalita sa inyo ang kapatawaran ng mga kasalanan,

39 At sa lahat ng mga bagay na hindi kayo maaaring ariing-matuwid ng kautusan ni Moises, sa Isang ito ang bawa’t nananampalataya ay ¹inaaring-matuwid.

40 Kung gayon, magsipag-ingat kayo na kung ano ang sinalita sa mga Propeta ay hindi magsisapit sa inyo:

41 Tingnan ninyo, mga mapang-alipusta, at magsipanggilalas kayo, at kayo ay mangaparami; sapagka’t ako ay gumagawa ng isang gawa sa inyong mga kaarawan, isang gawang sa anumang paraan ay hindi ninyo paniniwalaan, bagama’t salaysayin ito sa inyo nang puspusan.

42 At sa kanilang pag-alis, ipinamanhik nila na ang mga salitang ito ay salitain sa kanila sa susunod na Sabbath.

43 At nang ang kapisanan sa sinagoga ay nangag-alisan, marami sa mga Hudyo at ¹mga Hentil na napasampalataya sa Hudaismo na nagsisisamba ang sumunod kina Pablo at Bernabe, na sa pagsasalita sa kanila ay humimok sa kanila na magsipanatili sa ²biyaya ng Diyos.

44 At nang sumunod na Sabbath ay nagkatipon halos ang buong lunsod upang pakinggan ang salita ng Panginoon.

45 Datapuwa’t nang makita ng mga Hudyo ang mga kalipunan, sila ay nangapuno ng pananaghili, at tinutulan ang mga bagay na sinalita ni Pablo, nagsisipaglapastangan sa Diyos.

46 At nagsipagsalita nang buong katapangan sina Pablo at Bernabe at nagsabi, Kinakailangang ang salita ng Diyos ay salitain muna sa inyo; yayamang itinatakwil ninyo ito at hinahatulan ang inyong mga sarili na ¹di-karapat-dapat sa walang hanggang buhay, narito, kami ay pasasa mga Hentil.

47 Sapagka’t ganito ang ipinag-utos sa amin ng Panginoon, na sinasabi: Inilagay ¹kitang isang ilaw ng mga Hentil, upang ikaw ay maging sa ikaliligtas hanggang sa kadulu-duluhang hangganan ng lupa.

48 At nang marinig ito ng mga Hentil ay nagsigalak sila, at niluwalhati ang salita ng Panginoon; at nagsisampalataya ang lahat ng mga ¹itinalaga sa buhay na walang hanggan.

49 At lumaganap ang salita ng Panginoon sa buong lupain.

50 Datapuwa’t sinulsulan ng mga Hudyo ang mga sumasambang kababaihan na may mataas na katayuan, at ang mga namumunong kalalakihan ng lunsod, at nangagbangon ng isang pag-uusig laban kina Pablo at Bernabe, at pinalayas sila sa kanilang mga hangganan.

51 Datapuwa’t ipinagpag nila ang alabok ng kanilang mga paa laban sa kanila, at nagsiparoon sa Iconio.

52 At ang mga disipulo ay ¹nangapuspos ng kagalakan at ng Espiritu Santo.