Mga Gawa
KAPITULO 14
c. Sa Iconio
14:1-5
1 At nangyari sa Iconio na sila ay magkasamang nagsipasok 1sa loob ng 2sinagoga ng mga Hudyo, at nangagsalita nang gayon na lamang na anupa’t lubhang marami sa mga Hudyo at Griyego ang nagsisampalataya.
2 Datapuwa’t ginulo at nilason ng mga Hudyong suwail ang mga 1kaisipan ng mga Hentil laban sa mga kapatid.
3 Nagsitira nga sila roon nang mahabang panahon, nagsisipagsalita nang buong katapangan sa loob ng Panginoon, na nagpapatotoo sa salita ng Kanyang 1biyaya, ipinagkakaloob ang mga 2tanda at mga himala na magawa sa pamamagitan ng kanilang mga kamay.
4 Datapuwa’t nagkabaha-bahagi ang karamihan ng mga tao sa lunsod, at ang ilan ay nakisama sa mga Hudyo, subali’t ang iba ay nakisama sa mga apostol.
5 At nang nagkaroon ng masamang layunin kapwa ang mga Hentil at mga Hudyo, kasama ng kanilang mga pinuno, na tratuhin sila nang may karahasan at babatuhin sila,
d. Sa Listra at Derbe ng Licaonia
14:6-21a
6 At sa pagkaalam nito, nagsitakas sila patungo sa mga lunsod ng Licaonia, Listra at Derbe, at sa lupaing nasa palibot;
7 At doon sila ay nagsipagdala ng mabuting balita.
8 At sa Listra ay may isang lalakeng nakaupo, na sa kanyang mga paa ay walang lakas, lumpo mula sa sinapupunan ng kanyang ina, na kailanman ay hindi nakalakad.
9 Ang taong ito ay nakikinig kay Pablo na nagsasalita, na tumitig sa kanya at pagkakita na taglay niya ang pananampalataya ng 1ikagagaling,
10 Ay nagsabi sa isang malakas na tinig, Tumindig ka nang matuwid sa iyong mga paa! At siya ay lumukso at lumakad.
11 At nang makita ng mga kalipunan ang ginawa ni Pablo, nagsigawan sila, na sinasabi sa wikang Licaonia, Ang mga diyos ay naging katulad ng mga tao at nagsibaba sa atin!
12 At tinawag nilang 1Zeus si Bernabe, at 2Hermes si Pablo, sapagka’t siya ang 3pinunong tagapagsalita.
13 At ang saserdote ni Zeus, na ang templo ay nasa harapan ng lunsod, ay nagdala ng mga baka at mga putong ng bulaklak sa mga pintuang daan, at ibig maghaing kasama ng mga kalipunan.
14 Datapuwa’t nang marinig ito ng mga apostol, sina Bernabe at Pablo, pinunit nila ang kanilang mga damit at nagsipanakbo sa gitna ng kalipunan, na nagsisisigaw
15 At nagsisipagsabi, Mga ginoo, bakit ninyo ginagawa ang mga bagay na ito? Kami ay mga tao ring may mga damdaming gaya ninyo, at nangagdadala ng mabuting balita sa inyo upang mula sa mga walang kabuluhang 1bagay na ito ay magsibaling kayo sa Diyos na buhay, na gumawa ng langit at ng lupa at ng dagat, at ng lahat ng bagay na nasa mga yaon;
16 Na sa mga nagdaang henerasyon ay pinabayaan Niya na ang lahat ng bansa ay magsilakad sa kanilang mga sariling daan;
17 At gayon man ay hindi Niya hinayaan ang Kanyang sarili na walang saksi, gumagawa ng kabutihan, binibigyan kayo ng ulan na galing sa langit at ng mga panahong sagana, pinupuno ang inyong mga puso ng pagkain at kagalakan.
18 At sa pagsasalita ng mga bagay na ito, halos hindi nila mapigil ang mga kalipunan sa pag-aalay sa kanila.
19 Datapuwa’t nagsirating ang mga Hudyong buhat sa Antioquia at Iconio, at nang mahikayat nila ang mga kalipunan, kanilang binato si Pablo at kinaladkad siya sa labas ng lunsod, inaakalang siya ay patay na.
20 Datapuwa’t samantalang ang mga disipulo ay nangakatayo sa paligid niya, tumindig siya at pumasok sa lunsod. At nang kinabukasan ay umalis siyang kasama si Bernabe patungong Derbe.
21 At pagkadala ng mabuting balita sa lunsod na yaon at makahikayat ng maraming disipulo,
e. Pinagtitibay ang mga Disipulo
at Nagtatalaga ng mga Matanda sa bawa’t Ekklesia,
habang nasa Daan Pabalik sa Perga
14:21b-25a
sila ay nagsibalik sa cListra at sa dIconio at sa eAntioquia,
22 Na pinagtitibay ang mga 1kaluluwa ng mga disipulo, ipinamamanhik sa kanila na 2magsipanatili sa 3pananampalataya, at sinasabi na sa pamamagitan ng maraming kapighatian ay kinakailangang magsipasok tayo sa 4kaharian ng Diyos.
23 At nang makapagtalaga na sa kanila ng mga 1matanda 2sa bawa’t ekklesia, at nang makapanalangin nang may pag-aayuno, sila ay ipinagtagubilin nila sa Panginoong kanilang sinampalatayanan.
24 At sa pagtahak sa Pisidia, sila ay nagsiparoon sa Pamfilia.
25 At nang masabi na nila ang salita 1sa Perga,
f. Nagbalik sa Antioquia, Tinatapos ang Unang Paglalakbay
14:25b-28
sila ay nagsilusong sa Atalia;
26 At buhat doon ay nagsilayag sila tungo sa Antioquia, na roon ay itinagubilin sila sa 1biyaya ng Diyos dahil sa gawang kanilang natapos na.
27 At nang sila ay 1magsidating at 2matipon na ang ekklesia, isinaysay nila ang lahat ng bagay na ginawa ng Diyos sa kanila, at kung paano Niyang binuksan ang pintuan ng pananampalataya sa mga Hentil.
28 At sila ay tumira kasama ng mga disipulo nang hindi kakaunting panahon.