Tito 2

1 Ngunit ikaw, salitain mo ang mga bagay na umaangkop sa ¹malusog na pagtuturo.

2 Ang matatandang lalake ay maging ¹mapagpigil, ²may kahinahunan-ng-pagiging-kagalang-galang, ³mahinahon ang kaisipan, ⁴malusog sa pananampalataya, sa pag-ibig, sa pagtitiis;

3 Gayundin ang matatandang babae, sa kanilang ¹pagkilos ay maging gaya ng umaangkop sa ²sagrado, hindi ³mapanirang-puri, ni ⁴nagpapa-alipin sa sobrang alak, mga ⁵guro ng kung ano ang mabuti,

4 Upang kanilang ¹masanay ang mga kabataang babae na ²maging mga mangingibig ng kanilang mga asawa, mangingibig ng kanilang mga anak,

5 Mahinahon ang kaisipan, malinis, masipag sa bahay, ¹mabuti, nagpapasakop sa kani-kaniyang asawa, upang huwag ²malapastangan ang ³salita ng Diyos.

6 Tagubilinan mo rin naman ang mga kabataang lalake na sila ay magpakahinahon sa kaisipan.

7 Sa lahat ng mga bagay ay magpakita kang ikaw ay isang tularan ng mabubuting gawa; at sa iyong pagtuturo ay ipakita mo ang ¹walang-katiwalian, ang ²kahihahunan-ng-pagiging-kagalang-galang,

8 Malusog na pananalita na hindi ¹makokondena, upang mapahiya ang ²tagasalungat nang ³walang anumang masamang masabi tungkol sa atin.

9 Tagubilinan mo ang mga ¹alipin na sila ay pasakop sa kani-kanilang panginoon sa lahat ng mga bagay, maging kalugud-lugod at huwag mga palasagot,

10 Huwag mang-umit, kundi magpakita ng buong buting ¹katapatan, upang ²mapalamutian ang mga pagtuturo ng ating ³Tagapagligtas na Diyos sa lahat ng mga bagay.

11 ¹Sapagkat ²nagpakita ang ³biyaya ng Diyos, na ⁴may dalang kaligtasan sa lahat ng mga tao,

12 Na nagsasanay sa atin upang sa pagtanggi natin sa ¹di-pagkamakadiyos at sa mga ²pita ng sanlibutan, tayo ay makapamuhay ³nang may pagpipigil at ⁴matuwid at makadiyos sa kasalukuyang panahon,

13 ¹Na naghihintay sa ²pinagpalang pag-asa, maging ang pagpapakita ng ³kaluwalhatian ng ⁴dakilang Diyos at ating Tagapagligtas na si Kristo Hesus,

14 Na nagbigay ng Kanyang sarili ¹para sa atin, upang tayo ay ²matubos Niya sa lahat ng mga kalikuan, at malinis Niya sa Kanyang Sarili ang isang ³bayang masikap sa mabubuting gawa, upang maging Kanyang sariling pag-aari.

15 ¹Ang mga bagay na ito ay iyong salitain, at ipanghikayat at ²ipansaway nang may buong ³awtoridad. ⁴Huwag hayaang may humamak sa iyo.