Santiago 1

1 Si ¹Santiago, isang alipin ng Diyos at ng ²Panginoong Hesu-Kristo, sa ³labindalawang liping nasa ⁴pangangalat: ⁵magalak nawa kayo!

2 Ariin ninyong buong kagalakan, mga kapatid ko, kung kayo ay mangahulog sa sari-saring ¹pagsubok,

3 Yamang nalalaman na ang pagsubok sa inyong ¹pananampalataya ay nagbubunga ng pagtitiis.

4 At inyong hayaan na ang pagtitiis ay magkaroon ng ganap na paggawa, upang kayo ay maging ¹ganap at buo, na walang anumang kakulangan.

5 Ngunit kung nagkukulang ng ¹karunungan ang sinuman sa inyo, hayaan siyang ²humingi sa Diyos, na nagbibigay sa lahat ³nang bukas-palad at ⁴hindi nanunumbat, at ito ay ibibigay sa kanya.

6 Ngunit humingi siyang may pananampalataya, nang walang anumang ¹pag-aalinlangan, sapagkat yaong ¹nag-aalinlangan ay katulad ng isang alon ng dagat na itinutulak ng hangin at ipinapadpad sa magkabi-kabila.

7 Sapagkat huwag isipin ng taong yaon na siya ay tatanggap ng anumang bagay mula sa Panginoon;

8 Ang isang taong may ¹dalawang-kaluluwa ay walang katatagan sa lahat ng kanyang mga paglakad.

9 At hayaan ang kapatid na may mababang-kapalaran na ¹magmapuri sa kanyang ²pagtaas,

10 At ang mayaman, dahil sa siya ay ¹pinababa; sapagka’t gaya ng bulaklak ng damo siya ay lilipas.

11 Sapagka’t sumisikat ang ¹araw na may ²init na nakapapaso, at niluluoy ang damo, at nangalalagas ang bulaklak nito, at nawawala ang kariktan ng anyo nito; gayundin naman ang ³mayaman ay lilipas sa kanyang mga gawain.

12 ^aPinagpala ang taong nagtitiis ng ¹pagsubok, sapagkat sa pagiging ²naaprubahan, siya ay tatanggap ng ^3bputong ng ⁴buhay, na ^cipinangako Niya sa mga ^5dnagsisiibig sa Kanya.

13 Huwag sabihin ng sinuman kapag siya ay ¹tinutukso, Ako ay tinutukso ²ng Diyos; sapagkat ang Diyos ay ³hindi matutukso sa masamang bagay, at hindi rin naman Siya ⁴nanunukso sa kaninuman.

14 Kundi ang bawat tao ay ¹natutukso, kapag nahihila at nararahuyo ng sariling masamang pita;

15 Kung magkagayon, ang masamang pita, kung makapaglihi na ay ¹nanganganak ng kasalanan; at ang kasalanan kapag malaki na ay namumunga ng kamatayan.

16 Huwag kayong padaya, mga minamahal kong kapatid.

17 Ang lahat ng mabuting ¹pagbibigay at ang bawat sakdal na ¹kaloob ay buhat sa itaas, na bumababa mula sa ²Ama ng mga ilaw, na walang ³pagpapabago-bago, ni kahit anino man ng pagpipihit.

18 ¹Pagkalayon Niya, ²isinilang Niya tayo sa pamamagitan ng ³salita ng katotohanan, upang tayo ay maging isang uri ng ⁴unang bunga sa Kanyang mga nilalang.

19 ¹Nalalaman ninyo ito, minamahal kong mga kapatid; ngunit magmaliksi ang bawat tao sa pakikinig, ²magmakupad sa pagsasalita, magmakupad sa pagkagalit;

20 Sapagkat ang ¹galit ng tao ay hindi gumagawa ng katuwiran ng Diyos.

21 Kaya’t aalisin ninyo ang lahat ng karumihan at ang pag-apaw ng kasamaan, at tanggapin ninyo nang may kaamuan ang salitang ¹naitanim, na ²makapagliligtas ng inyong mga kaluluwa.

22 Datapuwa’t maging mga tagatupad kayo ng salita at huwag mga tagapakinig lamang, na inyong dinadaya ang inyong sarili.

23 Sapagkat kung ang sinuman ay tagapakinig ng salita at hindi tagatupad, siya ay katulad ng isang tao na tinitingnan ang kanyang talagang mukha sa salamin;

24 Sapagkat minamasdan niya ang kanyang sarili, at siya ay umaalis at pagdaka ay kanyang nalilimutan kung ano siya.

25 Ngunit ang ¹nagsisiyasat sa ²sakdal na kautusan, ang kautusan ng kalayaan, at nagpapatuloy rito, na hindi nagiging isang makakalimuting tagapakinig, kundi isang tagatupad ng gawa, ay pagpapalain sa kanyang ginagawa.

26 Kung iniisip ninuman na siya ay ¹relihiyoso, samantalang ²hindi pinipigil ang kanyang dila, kundi dinadaya ang kanyang sariling puso, ang ¹relihiyon ng taong ito ay walang kabuluhan.

27 Ang dalisay at walang dungis na relihiyon sa harapan ng Diyos at Ama ay ito, ang dalawin ang mga ¹ulila at mga babaeng balo sa kanilang kapighatian, ang pag-ingatang ²walang dungis ang sarili mula sa ³sanlibutan.