Roma 8

1 ¹Ngayon nga ay wala nang anumang ²kondenasyon sa mga ³nasa loob ni Kristo Hesus.

2 Sapagka’t ang ¹kautusan ng ²Espiritu ng ³buhay sa loob ni Kristo Hesus ang ⁴nagpalaya sa ⁵akin sa ⁶kautusan ng kasalanan at ng kamatayan.

3 Sapagka’t, ang ¹kautusan na mahina dahil sa laman ay may ²di-kayang gawin, ang Diyos yamang isinugo ang Sariling Anak sa ³anyo ng laman ng kasalanan at dahil sa kasalanan ay kinondena ang kasalanan sa laman,

4 Upang ang matuwid na kahilingan ng kautusan ay ¹matupad sa atin, na hindi ²nangagsisilakad ayon sa laman, kundi ayon sa ³espiritu.

5 Sapagka’t ang mga ayon sa ¹laman ay nangagsisipag-isip ng mga bagay ng laman; datapuwa’t ang mga ²ayon sa espiritu ay nangagsisipag-isip ng ³mga bagay ng Espiritu.

6 Sapagka’t ang ¹kaisipang inilagak sa laman ay ²kamatayan, datapuwa’t ang ³kaisipang inilagak sa espiritu ay ²buhay at kapayapaan.

7 Sapagka’t ang kaisipang inilagak sa laman ay pakikipag-alit sa Diyos; sapagka’t hindi napasasakop sa kautusan ng Diyos, ni hindi nga maaari.

8 At ang ¹nangasa ²laman ay hindi makalulugod sa Diyos.

9 Datapuwa’t kayo ay wala sa laman kundi nasa espiritu, kung gayon ang ¹Espiritu ng Diyos ay ²nananahan sa inyo. Datapuwa’t ³kung ang sinuman ay walang Espiritu ni ⁴Kristo, siya ay hindi ⁵sa Kanya.

10 At kung si ¹Kristo ay ²nasa loob ninyo, bagama’t ang ³katawan ay ⁴patay dahil sa kasalanan, gayunpaman ang ⁵espiritu ay ⁶buhay dahil sa ⁷katuwiran.

11 Nguni’t kung ang ¹Espiritu ²niyaong nagbangon kay Hesus mula sa mga patay ay ³nananahan sa loob ninyo, Siyang nagbangon kay Kristo Hesus mula sa mga patay ang ⁴magbibigay-buhay naman sa inyong mga katawang may kamatayan, sa pamamagitan ng Kanyang Espiritung nananahan sa inyo.

12 Kaya nga, mga kapatid, tayo ay mga may utang, hindi sa laman, upang ¹mabuhay ayon sa laman.

13 Sapagka’t kung mangabubuhay kayo nang ayon sa laman ay ¹mangamamatay kayo; datapuwa’t kung sa pamamagitan ng Espiritu ay ²inilalagay ninyo sa kamatayan ang mga ³gawa ng katawan ay mangabubuhay kayo.

14 Sapagka’t ang lahat ng mga ¹nagpapapatnubay sa ²Espiritu ng Diyos, sila ang mga ³anak na lalake ng Diyos.

15 Sapagka’t hindi ninyo tinanggap ang espiritu ng pagkaalipin sa ikatatakot muli, datapuwa’t tinanggap ninyo ang isang ¹espiritu ng pagka-anak, na dahil dito ay sumisigaw tayo, ²Abba, Ama!

16 Ang Espiritu Mismo ang sumasaksi ¹kasama ang ²ating espiritu na ³tayo ay mga anak ng Diyos.

17 At kung mga anak, mga tagapagmana rin; mga tagapagmana ng Diyos at mga kasamang tagapagmana ni Kristo, ¹kung gayon nga ²makipagtiis tayo kasama Niya upang tayo ay maluwalhati namang kasama Niya.

18 Sapagka’t ibinilang ko na ang ¹mga pagtitiis sa panahong ito ay hindi karapat-dapat maitumbas sa darating na kaluwalhatiang mahahayag sa atin.

19 Sapagka’t ang maningas na pagmimithi ng sangnilikha ay sabik na naghihintay sa ¹pagkahayag ng mga anak na lalake ng Diyos.

20 Sapagka’t ang sangnilikha ay nasakop ng kawalang-kabuluhan, hindi sa sarili nitong kalooban, kundi dahil doon sa Kanya na sumakop nito,

21 Sa pag-asang ang sangnilikha naman ay ¹mapalalaya mula sa pang-aalipin ng kabulukan tungo sa kalayaan ng kaluwalhatian ng mga anak ng Diyos.

22 Sapagka’t nalalaman natin na ang sangnilikha ay sama-samang humihibik at sama-samang nagdaramdam sa kasakitan hanggang ngayon.

23 At hindi lamang gayon, kundi pati naman tayo mismong may ¹unang bunga ng Espiritu, samakatuwid ay tayo naman mismo na ²nagsisihibik din sa ating mga sarili, na sabik na naghihintay ng ³pagka-anak, na dili iba’t, ang pagtutubos sa ating katawan.

24 Sapagka’t tayo ay iniligtas sa loob ng pag-asa; datapuwa’t ang pag-asang nakikita ay hindi pag-asa; kaya’t sino nga ang umaasa sa nakikita?

25 Datapuwa’t kung nagsisiasa tayo sa hindi natin nakikita, kung magkagayon ay sabik na hinihintay natin ito nang may ¹pagtitiis.

26 At ¹gayundin naman ang Espiritu ay tumutulong sa atin sa ating ²kahinaan; sapagka’t hindi tayo marunong manalangin nang nararapat, nguni’t ang Espiritu Mismo ang namamagitan para sa atin nang may mga hibik na hindi maisasaysay sa pananalita;

27 At ang Siyang nakasisiyasat ng mga puso ang nakaaalam kung ano ang ¹kaisipan ng Espiritu, sapagka’t Siya ang namamagitan para sa mga banal ²ayon sa Diyos.

28 At nalalaman nating ang ¹lahat ng bagay ay magkalakip na ²gumagawa sa ³ikabubuti ng mga ⁴nagsisiibig sa Diyos, samakatuwid ay sa yaong mga tinawag alinsunod sa Kanyang ⁵layon.

29 Sapagka’t yaong mga ¹nang una pa ay Kanyang nakilala ay ²itinalaga naman Niya nang una pa na ³mapawangis sa larawan ng Kanyang Anak, upang Siya ang maging ⁴Panganay sa ⁵maraming magkakapatid;

30 At yaong itinalaga Niya nang una pa ay Kanyang tinawag naman; at ang mga tinawag ay ¹inaring-matuwid naman Niya; at ang mga inaring-matuwid ay ²niluwalhati rin naman Niya.

31 Ano ang ating sasabihin sa mga bagay na ito? Kung ang Diyos ay para sa atin, sino ang makalalaban sa atin?

32 Siya, na hindi ipinagkait ang Kanyang sariling Anak, kundi ibinigay dahil sa ating lahat, bakit hindi naman ibibigay sa atin nang walang bayad ang lahat ng bagay?

33 Sino ang magsasakdal ng anuman laban sa mga hinirang ng Diyos? Ang Diyos ang nag-aaring-matuwid.

34 Sino ang hahatol? Si Kristo Hesus na namatay, oo, yaong ibinangon na Siyang ¹nasa kanan ng Diyos, na Siya namang ²namamagitan para sa atin.

35 Sino ang maghihiwalay sa atin sa pag-ibig ni Kristo? Ang kapighatian, o ang kahapisan, o ang pag-uusig, o ang kagutom, o ang kahubaran, o ang panganib, o ang tabak?

36 Gaya ng nasusulat, Dahil sa Iyo kami ay pinapatay sa buong araw, kami ay nabilang na parang mga tupa sa patayan.

37 Datapuwa’t sa lahat ng mga bagay na ito tayo ay higit pang ¹nakapananagumpay sa pamamagitan Niyaong sa atin ay umibig.

38 Sapagka’t ako ay naniniwalang lubos, na kahit ang kamatayan man, kahit ang buhay, kahit ang mga anghel, kahit ang mga pamunuan, kahit ang mga bagay sa kasalukuyan, kahit ang mga bagay na darating, kahit ang mga kapangyarihan,

39 Kahit ang kataasan, kahit ang kalaliman, kahit ang alinmang ibang nilikha, ay hindi makapaghihiwalay sa atin sa ¹pag-ibig ng Diyos na nasa loob ni Kristo Hesus na Panginoon natin.