Mateo 9

1 At nang makalulan sa daong, Siya ay tumawid at tumuloy sa Kanyang ¹sariling lunsod.

2 At narito, kanilang dinala sa Kanya ang isang paralitiko na nakaratay sa higaan. At nang ¹makita ni Hesus ang kanilang pananampalataya, sinabi Niya sa paralitiko, Anak, lakasan mo ang iyong loob, pinatawad na ang iyong mga ²kasalanan.

3 At narito, ang ilan sa ¹mga eskriba ay nagsabi sa kani-kanilang sarili, Ang Taong ito ay ²nanlalapastangan.

4 At nang ¹mabatid ni Hesus ang kanilang mga ²panloob na pangangatuwiran, Kanyang sinabi, Bakit kayo nag-iisip ng masasamang bagay sa inyong mga puso?

5 Sapagka’t alin ang ¹higit na madali, ang sabihing, Pinatawad na ang iyong mga kasalanan; o ang sabihing, ²Bumangon ka at lumakad?

6 Subali’t upang malaman ninyo na ang Anak ng Tao ay may ¹awtoridad sa lupa na magpatawad ng mga kasalanan—noon nga ay sinasabi Niya sa paralitiko, Bumangon ka, ²buhatin mo ang iyong higaan at ³umuwi ka sa iyong bahay.

7 At siya ay ¹bumangon at umalis patungo sa kanyang bahay.

8 At nang makita ito ng mga kalipunan, sila ay natakot at kanilang niluwalhati ang Diyos, na Siyang nagbigay ng gayong awtoridad sa mga tao.

9 At pag-alis ni Hesus mula roon, nakakita Siya ng isang tao na tinatawag na ¹Mateo, na nakaupo sa singilan ng buwis, at sinabi Niya sa kanya, ²Sumunod ka sa Akin. At siya ay tumayo at ³sumunod sa Kanya.

10 At nangyari, samantalang Siya ay nakadulang sa loob ng ¹bahay, narito, maraming ²maniningil ng buwis at mga makasalanan ang nagsirating at dumulang kasalo ni Hesus at ng Kanyang mga disipulo.

11 At nang makita ito ng ¹mga Fariseo, sinabi nila sa Kanyang mga disipulo, ²Bakit sumasalo sa pagkain ang inyong Guro sa mga maniningil ng buwis at mga makasalanan?

12 Ngayon nang ito ay marinig Niya, Kanyang sinabi, Yaong ¹malalakas ay hindi nangangailangan ng isang ²manggagamot, kundi yaong mga ³may sakit.

13 Ngayon humayo kayo at ¹pag-aralan kung ano ang kahulugan nito, ²Awa ang ibig ¹Ko at hindi hain, sapagka’t hindi Ako naparito upang tawagin ang ³matutuwid, kundi ang mga makasalanan.

14 Noon nga ay lumapit sa Kanya ang mga disipulo ni Juan, na nagsasabi, ¹Bakit kami at ang mga Fariseo ay ²nag-aayuno ³nang madalas, subali’t ang Iyong mga disipulo ay ⁴hindi nag-aayuno?

15 At sinabi sa kanila ni Hesus, Maaari bang magdalamhati ang ¹mga abay sa kasalan habang kasama nila ang ²kasintahanang lalake? Subali’t ang mga araw ay darating, kapag ang kasintahang lalake ay ³aalisin sa kanila, at sa panahong yaon ay mag-aayuno sila.

16 Ngayon ay walang sinumang nagtatagpi ng ¹hindi pa umuurong na tela sa ²lumang damit, sapagka’t ang ipinangtagpi ay bumabatak sa damit, at lalong malala ang nagiging punit.

17 Hindi rin sila naglalagay ng ¹bagong alak sa mga ²lumang sisidlang-balat; kung hindi, ang mga sisidlang-balat ay pumuputok, at ang alak ay tumatapon, at ang mga sisidlang-balat ay nasisira; nguni’t sila ay naglalagay ng bagong alak sa mga ³sariwang sisidlang-balat, at kapwa nagsisitagal.

18 ¹Habang nagsasalita Siya ng mga bagay na ito sa kanila, narito, isang ²pinuno ang dumating at sumamba sa Kanya, na nagsasabi, Ang aking anak na babae ay kamamatay pa lamang, nguni’t halika at ipatong Mo ang Iyong kamay sa kanya, at siya ay mabubuhay.

19 At tumindig si Hesus at sumunod sa kanya, gayundin ang Kanyang mga disipulo.

20 At narito, isang babaeng may ¹pag-aagas nang ²labindalawang taon ang ³lumapit sa Kanyang likuran at humipo sa ⁴laylayan ng Kanyang damit;

21 Sapagka’t sinabi niya sa kanyang sarili, Kung mahihipo ko lamang ang Kanyang damit, ¹ako ay ²gagaling.

22 At paglingon ni Hesus at pagkakita sa kanya, Siya ay nagsabi, Anak, lakasan mo ang iyong loob, ang iyong pananampalataya ang ¹nagpagaling sa iyo. At ²gumaling ang babae sa oras na yaon.

23 At nang pumasok si Hesus sa ¹bahay ng pinuno at nakita ang mga manunugtog ng plauta at ang maraming taong nagkakagulo,

24 Kanyang sinabi, Magsialis kayo, sapagka’t hindi namatay ang dalagita, kundi natutulog. At Siya ay kanilang tinuya.

25 Subali’t nang mapalabas na ang ¹maraming tao, pumasok Siya at hinawakan ang kanyang kamay, at ang dalagita ay ²ibinangon.

26 At lumaganap ang balitang ito sa buong lupaing yaon.

27 At pag-alis ni Hesus mula roon, sinundan Siya ng dalawang lalakeng ¹bulag na nagsisisigaw at nagsasabi, Maawa Ka sa amin, ²Anak ni David!

28 At nang pumasok Siya sa ¹bahay, lumapit sa Kanya ang mga lalakeng bulag; at sinasabi sa kanila ni Hesus, Kayo ba ay nananampalataya na magagawa Ko ito? Sinabi nila sa Kanya, Oo, Panginoon.

29 Noon nga ay hinipo Niya ang kanilang mga mata, na nagsasabi, Alinsunod sa inyong pananampalataya, mangyari sa inyo.

30 At nabuksan ang kanilang ¹mga mata. At mahigpit na pinagbilinan sila ni Hesus, na nagsasabi, Ingatan ninyong walang sinumang makaalam nito!

31 Subali’t sila ay lumabas, Siya ay kanilang ipinangalandakan sa buong lupaing yaon.

32 At samantalang sila ay papalabas, narito, kanilang dinala sa Kanya ang isang lalakeng ¹pipi na inalihan ng demonyo.

33 At nang mapalayas ang demonyo, ang lalakeng pipi ay ¹nagsalita. At nanggilalas ang mga kalipunan, na nagsisipagsabi, Kailanman hindi pa nakakita ng ganito sa Israel.

34 Subali’t ang mga Fariseo ay nagsabi, Nagpapalayas Siya ng mga demonyo sa pamamagitan ng ¹pinuno ng mga demonyo.

35 At nilibot ni Hesus ang lahat ng mga lunsod at ang mga nayon, na nagtuturo sa kanilang mga sinagoga at nangangaral ng ¹ebanghelyo ng kaharian at nagpapagaling ng ²bawa’ t sakit at bawa’t karamdaman.

36 At nang makita Niya ang mga kalipunan, Siya ay nahabag sa kanila, sapagka’t sila ay ¹niligalig at tinapon na parang mga ²tupa na walang ²pastol.

37 Noon nga ay sinasabi Niya sa Kanyang mga disipulo, Tunay nga na marami ang ¹aanihin subali’t kakaunti ang mga manggagawa.

38 Kaya ¹magsumamo sa ²Panginoon ng aanihin upang magpalabas Siya ng mga manggagawa na ³mag-aani ng Kanyang mga aanihin.