Mateo 5

1 At nang makita Niya ang mga kalipunan, Siya ay umakyat sa ¹bundok; at nang Siya ay naupo, ang Kanyang ²mga disipulo ay lumapit sa Kanya.

2 At Kanyang binuksan ang Kanyang bibig at tinuruan sila, na nagsasabi,

3 ¹Pinagpala ang ²mga dukha sa ³espiritu, sapagka’t kanila ang ⁴kaharian ng mga kalangitan.

4 Pinagpala ang ¹mga nagdadalamhati, sapagka’t sila ay ²aaliwin.

5 Pinagpala ang ¹mga maaamo, sapagka’t kanilang ²mamanahin ang lupa.

6 Pinagpala ang mga nagugutom at nauuhaw sa ¹katuwiran, sapagka’t sila ay ²bubusugin.

7 Pinagpala ang ¹mga maawain, sapagka’t sila ay ²tatanggap ng awa.

8 Pinagpala ang mga ¹dalisay sa puso, sapagka’t ²makikita nila ang Diyos.

9 Pinagpala ang ¹mga mapagpayapa, sapagka’t sila ay tatawaging ²mga anak na lalake ng Diyos.

10 Pinagpala ang ¹mga pinag-uusig dahil sa katuwiran, sapagka’t ²kanila ang kaharian ng mga kalangitan.

11 Pinagpala kayo kapag sila ay ¹nang-aalimura at nang-uusig sa inyo, at nagwiwika ng lahat ng kasamaan laban sa inyo, na pawang kasinungalingan, ²dahil sa Akin.

12 Magalak kayo at matuwa, sapagka’t malaki ang inyong ¹gantimpala sa mga kalangitan; sapagka’t ganoon nila pinag-usig ang mga propetang nauna sa inyo.

13 ¹Kayo ang ²asin ng lupa; subali’t kung ang asin ay ³mawalan ng lasa, ano ang ipampapaalat dito? Ito ay wala nang kabuluhan kundi ang ⁴itapon sa labas at ⁵yurakan ng mga tao.

14 Kayo ang ¹ilaw ng sanlibutan. Ang isang ²lunsod na nakatayo sa ibabaw ng isang bundok ay hindi maitatago;

15 Ni paniningasin ang isang ilawan at ilalagay ito sa ilalim ng ¹modios, kundi sa ²patungan-ng-ilawan, at ito ay lumiliwanag sa lahat ng nasa bahay.

16 Sa gayon hayaan ang inyong ilaw na lumiwanag sa harap ng mga tao, upang sila ay makakita ng inyong ¹mabubuting gawa, at ²luwalhatiin ang ³inyong Ama na nasa mga kalangitan.

17 ¹Huwag ninyong isipin na Ako ay pumarito upang pawalan ng saysay ang kautusan o ang mga propeta; Ako ay hindi pumarito upang pawalan ng saysay ang mga yaon, kundi upang ganapin ang mga yan.

18 Sapagka’t katotohanang sinasabi Ko sa inyo, Hanggang sa lumipas ang ¹langit at ang lupa, isang ²tuldik o isang ³kudlit man ay hinding-hindi lilipas mula sa kautusan hanggang sa maganap ang lahat.

19 Kaya ang sinumang magpapawalang-bisa sa isa sa pinakamaliit sa ¹mga utos na ito, at ituturong gayon sa mga tao, ay tatawaging pinakamaliit sa kaharian ng mga kalangitan; subali’t ang sinumang nagsasagawa at nagtuturo ng mga yaon, siya ay tatawaging dakila sa kaharian ng mga kalangitan.

20 Sapagka’t sinasabi Ko sa inyo, na kung hindi hihigit ang inyong ¹katuwiran sa ²katuwiran ng ³mga eskriba at mga Fariseo, ay hinding-hindi kayo ⁴makapapasok sa kaharian ng mga kalangitan.

21 Narinig ninyo na sinabi sa mga tao noong una, Huwag kang papatay, at ang sinumang pumatay ay mapapasapanganib sa kahatulan.

22 Subali’t ¹sinasabi Ko sa inyo na ang bawa’t ²mapoot sa kanyang ³kapatid ay mapapasapanganib sa ⁴kahatulan; at ang sinumang magsasabing Raca sa kanyang kapatid ay mapapasapanganib sa Sanhedrin; at ang sinumang magsasabing Moreh ay mapapasapanganib sa Gehenna ng apoy.

23 Kaya’t kung ikaw ay naghahandog ng iyong ¹kaloob sa ²dambana at doon ay maalala mo na ang iyong kapatid ay may ³anumang laban sa iyo.

24 Iwanan mo roon sa harap ng dambana ang iyong kaloob at yumaon ka; ¹makipagkasundo ka muna sa iyong kapatid, at kung magkagayon ay magbalik ka at ihandog mo ang iyong kaloob.

25 Makipagkasundo ka ¹kaagad sa iyong ²kaalit, samantalang ikaw ay kasama niya ³sa daan, baka ⁴ibigay ka ng iyong kaalit sa hukom, at ibigay ka ng hukom sa punong kawal, at ikaw ay ipasok sa bilangguan.

26 Katotohanang sinasabi Ko sa iyo, Hinding-hindi ka ¹makalalabas doon hanggang sa mabayaran mo ang kahuli-hulihang ²kodrantes.

27 Narinig ninyo na sinabi, Huwag kang mangangalunya.

28 Subali’t sinasabi Ko sa inyo, na ang bawa’t tumingin sa isang babae nang may pagnanasa sa kanya ay nakapangalunya na sa kanya sa loob ng kanyang ¹puso.

29 Kaya kung ang iyong kanang mata ay nagsasanhi sa iyo na matisod, ¹dukitin ito at itapon; sapagka’t makabubuti pa sa iyo na ang isa sa iyong mga sangkap ang mapahamak at hindi ang iyong buong katawan ang maihagis sa ²Gehenna.

30 At kung ang iyong kanang kamay ay nagsasanhi sa iyo na matisod putulin ito at itapo; sapagkat makabubuti pa sa iyo na ang isa sa iyong mga sangkap ang mapahamak at hindi ang iyong buong katawan ang mapasa Gehenna.

31 At ito ay nasabi: Ang sinumang lalakeng ¹pahihiwalayin ang kanyang asawa, siya ay bigyan niya ng kasulatan ng paghihiwalay.

32 Subali’t sinasabi Ko sa inyo na ang ¹bawa’t lalakeng maghiwalay ng kanyang asawa, maliban sa isang kaso ng ²pakikiapid, ay nagtutulak sa kanya na mangalunya, at ang sinumang mag-asawa sa isang hiniwalayan ay nakagagawa ng pangangalunya.

33 Muli, narinig ninyo na sinabi sa mga tao sa una: ¹Huwag kang manunumpa ng kasinungalingan. kundi iyong ²tutupdin sa Panginoon ang iyong mga sumpa.

34 Subali’t sinasabi Ko sa inyo, Huwag na kayong sumumpa, ni sa pamamagitan ng ¹langit, sapagka’t ito ay trono ng Diyos,

35 Ni sa pamamagitan ng lupa, sapagka’t ito ay patungan ng Kanyang mga paa, ni sa pamamagitan ng Herusalem, sapagka’t ito ay lunsod ng dakilang Hari.

36 Ni huwag kang susumpa sa pamamagitan ng iyong ulo, sapagka’t hindi mo magagawang puti o itim ang isang buhok.

37 Kundi ang inyong pananalita ay maging, ¹Oo, oo; Hindi, hindi; sapagka’t ang labis pa rito ay ²mula sa masamang isa.

38 Narinig ninyo na sinabi, Mata sa mata, at ngipin sa ngipin.

39 Subali’t sinasabi Ko sa inyo, Huwag ninyong labanan ang masamang tao; kundi sa sinumang sumampal sa iyo sa kanan mong pisngi, ¹ibaling mo rin sa kanya ang kabila.

40 At sa magnanais na ipagsakdal ka at kunin ang iyong ¹tunika, ay iwan mo rin sa kanya ang iyong balabal.

41 At sa sinumang pipilit sa iyo na lumakad ng isang ¹milya, lumakad ka ng dalawang milya kasama niya.

42 Sa humihingi sa iyo, ¹magbigay ka; at sa nagnanais manghiram sa iyo, huwag kang tumalikod.

43 Narinig ninyo na sinabi, Mahalin mo ang iyong kapwa at kamuhian mo ang iyong kaaway.

44 Subali’t sinasabi Ko sa inyo, Mahalin ninyo ang inyong mga kaaway, at ipanalangin ninyo ang mga umuusig sa inyo,

45 Upang kayo ay maging ¹mga anak na lalake ng inyong Ama na nasa mga kalangitan, sapagka’t pinasisikat Niya ang Kanyang araw sa masasama at mabubuti, at ²pagpapaulan sa mga matutuwid at mga di-matutuwid.

46 Sapagkat kung minamahal ninyo ang nagmamahal sa inyo, anong gantimpala ang inyong kakamtin? Hindi ba’t gayundin ang ginagawa ng mga maniningil ng buwis.

47 At kung ang mga kapatid lamang ninyo ang inyong binabati, ano ang pambihira na inyong ginagawa? Hindi ba’t gayundin ang ginagawa ng mga Hentil?

48 Kayo nga ay ¹magpakasakdal, tulad ng inyong makalangit na Ama na sakdal.