Mateo 25

1 Sa panahong yaon ay maihahalintulad ang ¹kaharian ng mga kalangitan sa ²sampung ³birhen, na nagdala ng kanilang ⁴mga ilawan at ⁵nagsilabas upang salubungin ang ⁶kasintahang lalake.

2 At ang ¹lima sa kanila ay ²mangmang, at ang ¹lima ay may-maingat-na-katalinuhan.

3 Sapagka’t ang mga mangmang, nang dalhin nila ang kanilang mga ilawan, ay hindi nagdala ng ¹langis;

4 Subali’t ang mga may-maingat-na-katalinuhan ay nagdala ng langis sa kanilang ¹mga sisidlan kasama ng kanilang mga ilawan.

5 Ngayon samantalang naantala ang kasintahang lalake, silang lahat ay ¹inantok at ²nakatulog.

6 Subali’t nang ¹hatinggabi na ay may isang ²sigaw, Narito, ang kasintahang lalake! Humayo kayo upang ³salubungin siya!

7 Noon nga ay ¹nagsibangon lahat ang mga birheng yaon at ²inayos ang kanilang mga ilawan.

8 At sinabi ng mga mangmang sa mga may-maingat-na-katalinuhan, ¹Bigyan naman ninyo kami ng kaunti ninyong langis, sapagka’t ²namamatay ang aming mga ilawan.

9 Subali’t sumagot ang mga may-maingat-na-katalinuhan, na nagsasabi, Baka ¹hindi makasapat sa amin at sa inyo, lalong mainam na magtungo kayo sa ²mga nagbibili at ³bumili kayo ng para sa inyo.

10 At samantalang sila ay nagsisiparoon sa pagbili, ¹dumating ang kasintahang lalake, at ang ²mga ³nakahanda ay ⁴nagsipasok kasama niya sa ⁵piging ng kasalan, at ang ⁶pintuan ay ipininid.

11 At pagkatapos ay ¹nagsirating din ang mga natitira pang birhen, na nagsasabi, Panginoon, Panginoon, pagbuksan mo kami!

12 Subali’t sumagot siya at nagsabi, Katotohanang sinasabi ko sa inyo, ¹hindi ko kayo nakikilala.

13 Kaya’t ¹magbantay kayo, sapagka’t hindi ninyo nalalaman ang araw ni ang oras.

14 Sapagka’ t ¹ang kaharian ng mga kalangitan ay katulad ng isang ²tao na, nang paroroon sa ²ibang lupain, ay nagtawag ng kanyang mga sariling ³alipin at ipinamahala sa kanila ang kanyang ⁴mga ari-arian.

15 At sa isa ay ibinigay niya ang limang ¹talento, at sa isa pa ay dalawa, at sa isa pa ay isa; sa bawa’t isa, ayon sa kani-kaniyang ²kakayahan; at siya ay pumaroon sa ibang lupain.

16 Ang tumanggap ng limang talento ay kaagad na umalis at ¹ipinangalakal ang mga yaon at ²nakinabang ng lima pa;

17 Sa gayon din naman, ang tumanggap ng dalawa ay nakinabang ng dalawa pa.

18 Subali’t ang tumanggap ng ¹isa ay yumaon at ²humukay sa lupa at ³itinago ang pilak ng kanyang panginoon.

19 Ngayon pagkatapos ng isang ¹mahabang panahon ay ²nangyaring ³dumating ang panginoon ng mga aliping yaon at ⁴nakipagsulit sa kanila.

20 At ang tumanggap ng limang talento ay ¹lumapit at nagdala ng lima pang talento, na nagsasabi, Panginoon, binigyan mo ako ng limang talento; narito, ako ay nakinabang ng ²lima pang talento.

21 Sinabi sa kanya ng kanyang panginoon, Magaling, mabuti at tapat na alipin; naging tapat ka sa ¹kakaunting bagay, ²pamamahalain kita sa ³maraming bagay; pumasok ka sa ⁴kagalakan ng iyong panginoon.

22 At lumapit din ang tumanggap ng dalawang talento at nagsabi, Panginoon, binigyan mo ako ng dalawang talento; narito, ako ay nakinabang ng dalawa pang talento.

23 Sinabi sa kanya ng kanyang panginoon, ¹Magaling, mabuti at tapat na alipin; naging tapat ka sa kakaunting bagay, ²pamamahalain kita sa maraming bagay; pumasok ka sa kagalakan ng iyong panginoon.

24 At ¹lumapit din ang tumanggap ng isang talento at nagsabi, Panginoon, ²kilala kita, na ikaw ay isang ³matigas na tao, gumagapas sa ⁴hindi mo tinamnan at nag-aani sa ⁴hindi mo ⁵hinasikan;

25 At ako ay ¹natakot, at ²lumisan at itinago sa lupa ang iyong talento; tingnan mo, ³ang sa iyo ay nasa iyo na.

26 Subali’t sumagot ang kanyang panginoon at sinabi sa kanya, Masama at tamad na alipin, nalalaman mo na ¹ako ay gumagapas sa hindi ko tinamnan at nag-aani sa hindi ko hinasikan.

27 Kaya’t dapat sanang ¹inilagak mo ang aking pilak sa mga bangkero ng salapi, at nang sa aking pagdating ay tanggapin ko ang sa akin nang may ²tubo.

28 ¹Kaya’t kunin ninyo sa kanya ang talento, at ²ibigay ninyo sa may sampung talento:

29 Sapagka’t ¹ang bawa’t mayroon ay bibigyan, at siya ay mananagana; subali’t ang wala, maging ang taglay niya ay kukunin sa kanya.

30 At ¹itapon ang walang kabuluhang alipin sa ²kadiliman sa labas; ³doroon ang ⁴pagtangis at ang pagngangalit ng mga ngipin.

31 ¹Subali’t kapag ang ²Anak ng Tao ay ³pumarito sa ⁴Kanyang kaluwalhatian, at kasama Niya ang lahat ng anghel, sa panahong yaon, Siya ay luluklok sa Kanyang ⁵trono ng kaluwalhatian;

32 At ang lahat ng ¹mga bansa ay titipunin sa harap Niya, at sila ay pagbubukud-bukurin Niya, gaya ng pagbubukod ng ²pastol sa mga tupa mula sa mga kambing;

33 At ilalagay Niya ang mga tupa sa Kanyang ¹kanan at ang mga kambing sa kaliwa.

34 Sa panahong yaon ay sasabihin ng Hari sa mga nasa kanan Niya, Magsiparito kayo, mga pinagpala ng Aking Ama, ¹manahin ninyo ang kahariang inihanda sa inyo ²mula nang itatag ang sanlibutan:

35 Sapagka’t Ako ay ¹nagutom, at binigyan ninyo Ako ng makakain; Ako ay nauhaw, at binigyan ninyo Ako ng maiinom; Ako ay isang dayuhan, at pinatuloy ninyo Ako;

36 Hubad, at binihisan ninyo Ako; Ako ay nagkasakit, at dinalaw ninyo Ako; Ako ay nasa bilangguan, at pumaroon kayo sa Akin.

37 Sa panahong yaon ay sasagot sa Kanya ang matutuwid, na magsasabi Panginoon, kailan Ka namin nakitang nagugutom at pinakain Ka, o nauuhaw at pinainom Ka?

38 At kailan Ka namin nakitang dayuhan at pinatuloy Ka, o hubad at binihisan Ka?

39 At kailan Ka namin nakitang may sakit, o nasa bilangguan, at dinalaw Ka?

40 At sasagot ang Hari at sasabihin sa kanila, Katotohanang sinasabi Ko sa inyo, Yamang ¹ginawa ninyo ito sa isa sa ²mga ito, maging sa pinakamaliit sa Aking ³mga kapatid, ay sa ⁴Akin ninyo ito ginawa.

41 Sa panahong yaon ay sasabihin din Niya sa mga nasa kaliwa, Magsilayo kayo sa Akin, kayong mga isinumpa, at pasa ¹apoy na walang hanggan na ²inihanda para sa Diyablo at sa kanyang mga anghel:

42 Sapagka’t Ako ay nagutom, at hindi ninyo Ako binigyan ng makakain; Ako ay nauhaw, at hindi ninyo Ako binigyan ng maiinom;

43 Ako ay isang dayuhan, at hindi ninyo Ako pinatuloy; hubad, at hindi ninyo ako binihisan; may sakit, at nasa bilangguan, at hindi ninyo Ako dinalaw.

44 Sa panahong yaon ay sasagot din sila, na magsasabi, Panginoon, kailan Ka namin nakitang nagutom o nauhaw, o isang dayuhan, o hubad, o may sakit, o nasa bilangguan, at hindi Ka namin pinaglingkuran?

45 Sa panahong yaon ay sasagutin Niya sila, na magsasabi, Katotohanang sinasabi Ko sa inyo, sa ¹hindi ninyo paggawa nito sa isa sa mga ito, maging sa pinakamaliit na kapatid, hindi rin ninyo ito ginawa sa Akin.

46 At ang mga ito ay magtutungo sa walang hanggang ¹kaparusahan, subali’t ang ²matutuwid ay ³sa loob ng buhay na walang hanggan.