Mateo 24

1 At lumabas si Hesus ¹mula sa ²templo at papayaon sa Kanyang lakad, at nagsilapit sa Kanya ang Kanyang mga disipulo upang ipamalas sa Kanya ang mga gusali ng ²templo.

2 Subali’t Siya ay sumagot at sinabi sa kanila, Hindi ba ninyo nakikita ang lahat ng bagay na ito? Katotohanang sinasabi Ko sa inyo, Dito ay walang maiiwang isang bato sa ibabaw ng kapwa bato, na hindi ¹ibabagsak.

3 At samantalang nakaupo Siya sa ¹Bundok ng mga Olivo, nagsilapit sa Kanya nang bukod ang mga disipulo, na nagsasabi, Sabihin Mo sa amin, ²Kailan mangyayari ang mga bagay na ito, at ano ang tanda ng Iyong ³pagdating at ng kaganapan ng kapanahunan?

4 At ¹sumagot si Hesus at sinabi sa kanila, ²Mangag-ingat kayo na huwag kayong mailigaw ninuman.

5 Sapagka’t maraming magsisiparito sa Aking pangalan, na magsasabi, Ako ang Kristo, at marami silang ililigaw.

6 At makaririnig kayo ng tungkol sa ¹mga digmaan at mga alingawngaw tungkol sa mga digmaan; ingatan ninyo na huwag kayong mabahala; sapagka’t kinakailangang mangyari ang mga bagay na ito, nguni’t ang ²wakas ay hindi pa.

7 Sapagka’t magbabangon ang ¹bansa laban sa bansa, at ang ¹kaharian laban sa kaharian, at magkakaroon ng mga ²taggutom at mga ³lindol sa iba’t ibang dako;

8 Subali’t ang lahat ng bagay na ito ay mga pasimula ng ¹mga kirot ng panganganak.

9 Sa panahong yaon ay ibibigay nila ¹kayo sa kapighatian at kayo ay papatayin, at kayo ay kapopootan ng lahat ng mga bansa dahil sa Aking pangalan.

10 At sa panahong yaon ay maraming matitisod at magkakanuluhan sa isa’t isa, at magkakapootan sa isa’t isa.

11 At maraming bulaang propeta ang magbabangon at magliligaw ng marami.

12 At dahil sa pagdami ng katampalasanan, ang pag-ibig ng marami ay manlalamig.

13 Subali’t ang makapagtitiis hanggang sa wakas ay siyang ¹maliligtas.

14 At ipangangaral ang ¹ebanghelyo ito ng kaharian sa buong pinananahanang lupa bilang ²patotoo sa lahat ng mga bansa, at pagkatapos ang ³wakas ay darating.

15 Kaya ¹kapag nakita ninyo ang ²kasuklam-suklam na ³paninira, na sinalita sa pamamagitan ng propeta Daniel, na nakatayo sa ⁴banal na dako (unawain ng bumabasa),

16 Sa panahong yaon ay magsitakas na nga sa mga bundok ang mga nasa Judea;

17 Ang nasa bubungan ay huwag nang bumaba upang ilabas ang mga bagay mula sa kanyang bahay;

18 At ang nasa bukid ay huwag nang magbalik upang kunin ang kanyang damit.

19 Subali’t sa aba ng mga ¹nagdadalang-tao at ng mga nagpapasuso sa mga araw na yaon.

20 At ipanalangin ninyo na huwag mangyari ang inyong pagtakas sa ¹taglamig, ni sa ²Sabbath man;

21 Sapagka’t sa panahong yaon ay magkakaroon ng ¹matinding kapighatian, na ang gayon ay hindi pa nangyayari buhat sa pasimula ng sanlibutan hanggang ngayon, ni hinding-hindi na mangyayari pa.

22 At malibang ¹paikliin ang mga araw na yaon, walang laman na makaliligtas; subali’t dahil sa mga ²hinirang, paiikliin ang mga araw na yaon.

23 Sa panahong yaon, kung sabihin sa inyo ninuman, Tingnan ninyo, ¹narito ang Kristo, o, Narito; huwag ninyong paniwalaan.

24 Sapagka’t may mangagsisilitaw na ¹mga bulaang Kristo at mga ²bulaang propeta at ³magpapakita ng mga dakilang tanda at mga kababalaghan; anupa’t ililigaw, kung maaari, pati ang mga hinirang.

25 Narito, naipagpauna Ko nang sabihin sa inyo.

26 Kaya’t kung sabihin nila sa inyo, Tingnan ninyo, Siya ay nasa ¹ilang, huwag kayong magsipunta; Tingnan ninyo, Siya ay nasa ²mga panloob na silid; huwag ninyong paniwalaan.

27 Sapagka’t tulad ng ¹kidlat na nanggagaling sa silangan at nagliliwanag hanggang sa kanluran, gayon din naman ang magiging ²pagdating ng Anak ng Tao.

28 Saan man naroroon ang ¹bangkay, doon magkakatipun-tipon ang ¹mga buwitre.

29 At kaagad ¹pagkatapos ng kapighatian ng mga araw na yaon, ang ²araw ay magdidilim, at ang buwan ay hindi magbibigay ng kanyang liwanag, at ang mga bituin ay malalaglag mula sa langit, at ang mga kapangyarihan ng mga kalangitan ay mayayanig.

30 At ang ¹tanda ng Anak ng Tao ay lilitaw sa langit, at sa panahong yaon ang lahat ng ²mga lipi ng ²lupa ay ³mananaghoy at makikita nila ang Anak ng Tao na napariritong ⁴nasa ibabaw ng mga alapaap ng langit na may ⁵kapangyarihan at dakilang kaluwalhatian.

31 At Kanyang susuguin ang Kanyang mga anghel nang may malakas na pagtawag ng trumpeta, at kanilang ¹titipunin ang Kanyang ²mga hinirang mula sa apat na hangin, mula sa mga kadulu-duluhan ng mga kalangitan hanggang sa kanilang mga kadulu-duluhan.

32 ¹Subali’t pag-aralan ninyo ang talinghaga mula sa ²puno ng igos: kapag ³nanariwa na ang sanga nito at ⁴nag-uusbong na ng mga dahon, nalalaman ninyo na malapit na ang ⁵tag-init.

33 Gayundin naman kayo, kapag nakita ninyo ang ¹lahat ng bagay na ito, talastasin ninyo na ²ito ay malapit na, nasa mga pintuan.

34 Katotohanang sinasabi Ko sa inyo, Hinding-hindi lilipas ang ¹henerasyong ito hanggang sa maganap ang lahat ng bagay na ito.

35 Ang langit at ang lupa ay lilipas, subali’t ang Aking mga salita ay hinding-hindi lilipas.

36 Subali’t hinggil sa araw at oras na yaon ay walang sinumang nakaaalam, maging ang mga anghel man ng mga kalangitan, ¹ni ang Anak, kundi ang Ama lamang.

37 Sapagka’t katulad ng ¹mga araw ni Noe, gayon din ang magiging pagdating ng Anak ng Tao.

38 ¹Sapagka’t tulad nila sa mga araw na yaon bago ang baha, ²nagsisikain at nagsisiinom, nagsisipag-asawa at pinapag-aasawa, hanggang sa araw na pumasok si Noe sa loob ng arka,

39 At hindi nila nalalaman hanggang sa dumating ang baha at tinangay lahat; gayundin ang magiging pagdating ng Anak ng Tao.

40 ¹Sa panahong yaon may dalawang ²lalake ang ³sasabukid; ang isa ay ⁴kukunin, at ang isa ay iiwan.

41 Dalawang ¹babae ang ²magsisigiling sa gilingan; ang isa ay ³kukunin, at ang isa ay iiwan.

42 ¹Magbantay nga kayo, sapagka’t hindi ninyo nalalaman kung anong araw darating ang ¹inyong Panginoon.

43 Subali’t ito ay alamin ninyo, na kung nalalaman ng ¹panginoon ng sambahayan kung anong panahon darating ang ²magnanakaw, siya ay nagbantay sana at hindi sana niya pinabayaan ang kanyang ¹bahay na malooban.

44 Samakatuwid kayo rin ay maging handa, sapagka’t ¹darating ang Anak ng Tao sa oras na hindi ninyo iniisip.

45 Kaya’t sino nga ang aliping ¹tapat at ¹may-maingat-na-katalinuhan na itinalaga ng panginoon sa kanyang ²sambahayan upang ³ibigay sa kanila ang pagkain sa nakatalagang oras?

46 ¹Pinagpala ang aliping yaon na kapag dumating ang kanyang panginoon ay masusumpungan siyang gumagawa ng gayon.

47 Katotohanang sinasabi Ko sa inyo, na siya ay itatalaga niya ¹sa lahat ng kanyang ari-arian.

48 Subali’t kung ang ¹masamang aliping yaon ay magsasabi sa kanyang puso, Ang aking panginoon ay maaantala sa kanyang pagdating.

49 At sisimulang ¹bugbugin ang kanyang mga kapwa alipin, at ²makipagkainan at makipag-inuman sa mga lasing;

50 Ang panginoon ng aliping yaon ay darating sa araw na hindi niya inaasahan, at sa oras na hindi niya nalalaman,

51 At siya ay ¹puputulin at itatalaga ang kanyang ²bahagi sa ³mga mapagpaimbabaw; doroon ang ⁴pagtangis at ang pagngangalit ng mga ngipin.