Mateo 11

1 At nangyari, nang matapos ang pagtatagubilin ni Hesus sa Kanyang labindalawang disipulo, umalis Siya mula roon upang magturo at mangaral sa kanilang mga lunsod.

2 Ngayon nang marinig ni Juan sa bilangguan ang mga gawa ng Kristo, nagpasugo siya sa pamamagitan ng kanyang mga gawa ng Kristo, nagpasugo siya sa pamamagitan ng kanyang mga disipulo

3 At sinabi sa Kanya, ¹Ikaw ba ang darating na Isa, o maghihintay pa kami ng iba?

4 At sumagot si Hesus at sinabi sa kanila, Humayo kayo, iulat ninyo kay Juan ang inyong naririnig at nakikita:

5 Ang ¹mga bulag ay nakatatanggap ng paningin, at ang ²mga pilay ay nakalalakad, ang ³mga ketongin ay nalilinis, at ang ⁴mga bingi ay nakaririnig, at ang ⁵mga patay ay naibabangon, at ang ⁶mga dukha ay napangangaralan ng ebanghelyo;

6 At pinagpala siya na hindi ¹matitisod sa Akin.

7 At samantalang ang mga ito ay papalayo, nagsimulang magsalita si Hesus sa mga kalipunan ¹hinggil kay Juan, Ano ang pinuntahan ninyo sa ilang upang ²mamasdan? Isang ³tambo na inuuga ng hangin?

8 Nguni’t ano ang nilabas ninyo upang ¹makita? Isang ²tao na nakadamit ng malambot na pananamit? Narito, yaong mga nagsusuot ng malambot na pananamit ay nasa mga bahay ng mga hari.

9 Nguni’t bakit kayo lumabas? Upang makakita ng isang propeta? Oo, sinasabi Ko sa inyo, at ¹lalo pang higit kaysa sa isang propeta.

10 Ito yaong tungkol sa kanya ay naisulat, Narito, isinusugo Ko ang Aking tagapagbalita sa Iyong harapan, na siyang maghahanda ng Iyong daan sa unahan Mo.

11 Katotohanang sinasabi Ko sa inyo, Sa gitna ng mga ipinanganak ng mga babae ay walang bumangong higit na dakila kaysa kay Juan Bautista; subali’t ang ¹pinaka-maliit ²sa kaharian ng mga kalangitan ay higit na dakila kaysa sa kanya.

12 At mula sa mga araw ni Juan Bautista hanggang sa ngayon, ang kaharian ng mga kalangitan ay napapasok sa pamamagitan ng ¹karahasan, at sinusunggaban ito ng mararahas na tao.

13 Sapagka’t ang lahat ng mga propeta at ang kautusan ay nagpropesiya ¹hanggang kay Juan;

14 At kung ninanais ninyong tanggapin ¹ito, siya ay si ²Elias, na siyang darating.

15 Ang may mga pandinig na ipakikinig ay makinig.

16 Subali’t sa ano Ko itutulad ang henerasyong ito? Ito ay katulad ng mga batang nakaupo sa mga pamilihan, na tumatawag sa iba.

17 At nagsasabi, ¹Tinugtugan namin kayo ng plauta, at hindi kayo sumayaw; ¹nanambitan kami, at hindi ninyo dinagukan ang inyong dibdib.

18 Sapagka’t naparito si Juan na ¹hindi kumakain ni umiinom, at sinasabi nila, Siya ay may isang ²demonyo.

19 Ang Anak ng Tao ay naparito na ¹kumakain at umiinom, at sinasabi nila, Narito, isang matakaw na Tao at isang manginginom ng alak, ²kaibigan ng mga maniningil ng buwis at ng mga makasalanan. At ang ³karunungan ay naipakitang matuwid ng kanyang ⁴mga gawa.

20 Noon nga ay sinimulan Niyang sumbatan ang mga lunsod na kung saan naganap ang pinakamarami sa Kanyang mga ^agawa ng kapangyarihan, sapagka’t hindi sila nagsisi:

21 Sa aba mo, Corazin! Sa aba mo, Betsaida! Sapagka’t kung ang mga gawa ng kapangyarihan na naganap sa inyo ay naganap sa Tiro at Sidon, malaon na sana silang nagsisi na nakasuot ng damit na yari sa telang-sako at mga abo.

22 Higit pa rito sinasabi Ko sa inyo, ¹Higit na mapagtitiisan ang Tiro at Sidon sa araw ng paghuhukom kaysa sa inyo.

23 At ikaw, Capernaum, hindi ka itataas hanggang sa langit. Ikaw ay ibababa hanggang sa ¹Hades. Sapagka’t kung ang mga gawa ng kapangyarihan na nangyari sa iyo ay nangyari sa Sodoma, nanatili sana ito hanggang sa ngayon.

24 Higit pa rito, sinasabi Ko sa inyo na ¹higit na mapagtitiisan ang lupain ng Sodoma sa araw ng paghuhukom kaysa sa inyo.

25 Sa oras na yaon ay ¹sumagot si Hesus at nagsabi, ²Pinupuri Kita, Ama, ³Panginoon ng langit at ng lupa, sapagka’t inilihim Mo ⁴ang mga bagay na ito sa ⁵mga pantas at matatalino at ipinahayag Mo ang mga ito sa ⁶mga sanggol;

26 Oo, Ama, sapagka’t gayon ang nakalulugod ¹sa Iyong paningin.

27 Ang ¹lahat ay ibinigay sa Akin ng Aking Ama, at walang sinumang ²nakakikilala sa Anak maliban sa Ama, ni walang sinuman ang ²nakakikilala sa Ama maliban sa Anak at sa kanya na kung kanino ninanais ng Anak na ipahayag Siya.

28 Pumarito sa Akin ang lahat na mga ¹nagpapagal at nabibigatan, at Ako ay magbibigay sa inyo ng ²kapahingahan.

29 ¹Pasanin ninyo ang Aking ²pamatok at matuto kayo sa Akin; sapagka’t Ako ay ³maamo at may ³mapagpakumbabang puso, at makasusumpong kayo ng kapahingahan para sa inyong mga ⁴kaluluwa;

30 Sapagka’t ang Aking ¹pamatok ay ²kalugud-lugod at ang Aking ¹pasanin ay magaan.