Mateo 1

1 Ang aklat ng salinlahi ni ¹Hesu-²Kristo, ang ³Anak ni David, ang ⁴Anak ni Abraham.

2 Si Abraham ¹ang ama ni ²Isaac; at si Isaac ang ama ni ³Jacob; at si Jacob ang ama nina ⁴Juda at ng kanyang mga ⁵kapatid na lalake;

3 At naging anak ni Juda kay ¹Tamar sina ²Fares at Zara; at si Fares ang ama ni Hesron; at si Hesron ang ama ni Aram;

4 At si Aram ang ama ni Aminadab; at si Aminadab ang ama ni Naason; at si Naason ang ama ni Salmon;

5 At naging anak ni Salmon kay ¹Rahab si Booz; at naging anak ni ²Booz kay ³Ruth si Obed; at si Obed ang ama ni ⁴Jesse;

6 At si Jesse ang ama ni ¹David na ²hari; at naging anak ni David si ³Salomon doon sa ⁴asawa ni Urias;

7 At si Salomon ang ama ni ¹Rehoboam; at si Rehoboam ang ama ni Abias; at si Abias ang ama ni Asa;

8 At si Asa ang ama ni Jehoshaphat; at si Jehoshaphat ang ama ni Joram; at si ¹Joram ang ama ni Ozias;

9 At si Ozias ang ama ni Jotham; at si Jotham ang ama ni Ahas; at si Ahas ang ama ni Hezekias;

10 At si Hezekias ang ama ni Manases; at si Manases ang ama ni Amon; at si Amon ang ama ni Josias;

11 At si ¹Josias ang ama ni ²Jeconias at ng Kanyang ³mga kapatid na lalake sa panahon ng ⁴pagkakadalang-bihag sa Babilonia.

12 At matapos ang ¹pagkakadalang-bihag sa Babilonia, si Salatiel ay naging anak ni Jeconias; at si Salatiel ang ama ni ²Zorobabel;

13 At si Zorobabel ang ama ni Abiud; at si Abiud ang ama ni Eliakim; at si Eliakim ang ama ni Azor;

14 At si Azor ang ama ni Zadok; at si Zadok ang ama ni Akim; at si Akim ang ama ni Eliud;

15 At si Eliud ang ama ni Eleazar; at si Eleazar ang ama ni Mathan; at si Mathan ang ama ni Jacob;

16 At si ¹Jacob ang ama ni ²Jose na asawa ni ³Maria, na siyang nanganak kay Hesus, na Siyang tinatawag na ⁴Kristo.

17 Sa gayon ang ¹lahat ng mga salinlahi mula kay Abraham ²hanggang kay David ay labing-apat na salinlahi; at mula kay David ³ hanggang sa pagkakadalang-bihag sa Babilonia ay labing-apat na salinlahi; at mula sa pagkakadalang-bihag sa Babilonia ⁴hanggang kay Kristo ay labing-apat na salinlahi.

18 Ngayon ang pinagmulan ni Hesu-Kristo ay sa ganitong paraan: ang Kanyang ina, si Maria, na nakatakda nang ikasal kay Jose, bago sila magsama, ay nasumpungang may taglay na ¹Anak ²ng Espiritu Santo sa sinapupunan.

19 At si Jose, na kanyang asawa, palibhasa ay isang ¹matuwid na lalake, at hindi nagnanais na ipahiya siya nang hayagan, ay naglayon na ²paalisin siya nang lihim.

20 Subali’t samantalang iniisip niya ang mga bagay na ito, narito, isang anghel ng Panginoon ang nagpakita sa kanya sa panaginip, na nagsasabi, Jose, anak ni David, huwag kang mangambang tanggapin si Maria bilang iyong asawa, sapagka’t ang yaon na ¹ipinanganak sa kanya ay ²sa ^cEspiritu Santo.

21 At siya ay magsisilang ng isang Anak na lalake, at tatawagin mong ¹Hesus ang Kanyang pangalan, sapagka’t ililigtas Niya Mismo ang Kanyang bayan mula sa kanilang mga kasalanan.

22 Ngayon ang lahat ng ito ay naganap upang ang sinalita ng Panginoon sa pamamagitan ng ¹propeta ay matupad, na nagsasabi,

23 Narito, ang birhen ay magdadalang-tao at magsisilang ng isang ¹Anak na lalake, at kanilang tatawaging ²Emmanuel ang Kanyang pangalan, na kung isasalin ay ³sumasaatin ang Diyos.

24 At nang magising si Jose mula sa pagkakatulog, ginawa niya ang ayon sa ipinag-utos sa kanya ng anghel ng Panginoon, at tinanggap niya ang kanyang asawa;

25 At hindi niya siya nakilala hanggang sa siya ay ¹nagsilang ng isang Anak na lalake; at tinawag niyang Hesus ang Kanyang pangalan.