Galacia 5

1 Para sa ¹kalayaan ay pinalaya tayo ni Kristo; ²magsitibay nga kayo at huwag na kayong muling ³magpasakop pa sa ⁴pamatok ng pagka-alipin.

2 Narito, akong si Pablo ay nagsasabi sa inyo, na, kung kayo ay ¹tinuli, si Kristo ay ²hindi makikinabang sa inyo ng anuman.

3 At aking pinatototohanang muli sa bawa’t taong natuli, na siya ay may pagkakautang na tuparin ang buong kautusan.

4 ¹Naputol na ang inyong pakikipag-ugnayan kay Kristo, kayong mga inaaring-matuwid ng kautusan; ²nangahulog kayo mula sa biyaya.

5 Sapagka’t tayo ¹sa pamamagitan ng Espiritu ²sa pamamagitan ng pananampalataya ay sabik na naghihintay sa ³pag-asa ng katuwiran.

6 Sapagka’t kay Kristo Hesus, ang pagtutuli ay ¹walang kabuluhan, ni ang di-pagtutuli man, kundi ang pananampalatayang ²gumagawa sa pamamagitan ng ³pag-ibig.

7 Nagsisitakbo kayong mabuti noong una; sino ang pumigil sa inyo upang kayo ay huwag magsisunod sa ¹katotohanan?

8 Ang ¹paghihikayat na ito ay hindi nagmumula sa Kanya na tumatawag sa inyo.

9 Ang kaunting ¹lebadura ay nagpapaumbok sa buong ²limpak.

10 Ako ay may pagtitiwala sa inyo sa Panginoon, na hindi kayo magsisipag-isip ng iba pa; datapuwa’t tataglayin ng lumiligalig sa inyo ang kanyang kahatulan, maging sinuman siya.

11 Ngunit ako, mga kapatid, kung ipinangangaral ko pa ang ¹pagtutuli, bakit ako ay pinag-uusig pa? Kung gayon ay natapos na ang katitisuran sa ¹krus.

12 Ibig ko sanang ¹putulin din ng mga nagsisigulo sa inyo ang kanilang mga sarili.

13 Sapagka’t kayo, mga kapatid, ay tinawag sa ¹kalayaan; huwag lamang gamitin ang inyong kalayaan upang mabigyan ng pagkakataon ang ²laman, kundi sa pamamagitan ng pag-ibig ay maglingkod kayo sa isa’t isa bilang mga alipin.

14 Sapagka’t ang buong kautusan ay natutupad sa isang salita, samakatwid ay ito: Iibigin mo ang iyong kapwa gaya ng iyong sarili.

15 Ngunit kung kayu-kayo rin ang nangagkakagatan at nangagsasakmalan, magsipag-ingat kayo at baka kayo ay mangaglipulan sa isa’t isa.

16 Datapuwa’t sinasabi ko, ¹Magsilakad kayo sa pamamagitan ng ²Espiritu, at hindi ninyo gagawin ang pita ng ²laman.

17 Sapagka’t ang ¹laman ay nagpipita laban sa ²Espiritu, at ang Espiritu laban sa laman; sapagka’t ang mga ito ay ³naglalabanan, upang huwag ninyong gawin ang mga bagay na inyong ibigin.

18 Datapuwa’t kung kayo ay pinapatnubayan ng ¹Espiritu, wala kayo sa ilalim ng ¹kautusan.

19 At hayag ang mga ¹gawa ng laman, samakatwid ay ang mga ito: ²pakikiapid, karumihan, kahalayan,

20 ¹Pagsamba sa diyos-diyosan, pangkukulam, ²mga pagtataniman ng galit, mga pagtatalo, mga paninibugho, mga pag-aalitan, ³mga pagkakampi-kampi, mga pagkakabaha-bahagi, ⁴mga hidwaang pananampalataya,

21 Mga pagkainggit, ¹paglalasing, mga kalayawan, at mga bagay na katulad ng mga ito; at tungkol sa mga bagay na ito ay aking ipinagpapaunang ipaalaala sa inyo, tulad sa aking pagpapaalaala noong una sa inyo, na ang mga ²nagsisigawa ng mga gayong bagay ay hindi magsisipagmana ng ³kaharian ng Diyos.

22 Datapuwa’t ang ¹bunga ng Espiritu ay pag-ibig, kagalakan, kapayapaan, pagpapahinuhod, kagandahang-loob, kabutihan, katapatan,

23 Kaamuan, pagpipigil-sa-sarili; laban sa mga gayong bagay ay walang kautusan.

24 ¹Datapuwa’ t ²ipinako sa ³krus ng mga na kay Kristo Hesus ang laman kasama ang masasamang nasa at mga pita nito.

25 Kung tayo ay ¹namumuhay sa pamamagitan ng Espiritu, ²magsilakad naman tayo sa pamamagitan ng Espiritu.

26 ¹Huwag tayong maging mga mapaghangad sa gloryang walang kabuluhan, na nangagmumungkahian sa galit sa isa’t isa, nangagkakainggitan.