Galacia 4

1 Ngunit sinasabi ko, samantalang ang tagapagmana ay ¹bata, siya ay walang anumang pagkakaiba sa alipin, bagama’t siya ay panginoon ng lahat;

2 Datapuwa’t siya ay nasa ilalim ng mga ¹tagapag-alaga at ng mga katiwala hanggang sa ²panahong itinakda ng ama.

3 Gayundin naman tayo, nang tayo ay mga bata pa, tayo ay nasasakop ng pagkaalipin sa ilalim ng ¹mga panimulang aral ng sanlibutan;

4 Datapuwa’t nang dumating ang ¹kapunuan ng panahon, isinugo ng Diyos ang Kanyang Anak, na ipinanganak ng isang ²babae, na ipinanganak sa ilalim ng ³kautusan.

5 Upang ¹matubos Niya ang nangasailalim ng kautusan, upang matanggap natin ang ²pagka-anak.

6 At sapagkat kayo ay ¹mga anak, isinugo ng Diyos ang ¹Espiritu ng Kanyang Anak tungo sa loob ng ating mga ²puso, na ³sumisigaw, ⁴Abba, Ama!

7 Anupa’t ¹hindi ka na alipin, kundi anak; at kung ²anak, ay ³tagapagmana rin ⁴sa pamamagitan ng Diyos.

8 Gayunman nang panahong yaon, sa hindi ninyo pagkakilala sa Diyos, kayo ay mga alipin ng sa ¹kalikasan ay mga hindi diyos;

9 Datapuwa’t ngayon, yamang nakikilala na ninyo ang Diyos, o ang lalong mabuting sabihin, kayo ay nangakikilala ng Diyos, bakit kayo nangagbabalik doon sa mahihina at mga walang isang panimulang aral, na sa mga yaon ay ninanasa ninyong magbalik sa ¹pagkaalipin?

10 ¹Ipinangingilin ninyo ang mga ²araw, at mga ³buwan, at mga ⁴panahon at mga ⁵taon.

11 Ako ay natatakot para sa inyo, baka sa anumang paraan ay nagpagal ako sa inyo nang ¹walang kabuluhan.

12 Ipinamamanhik ko sa inyo, mga kapatid, na kayo ay ¹mangagsitulad sa akin, sapagkat ako ay ²katulad din ninyo. ³Wala kayong ginawang anumang kasamaan sa akin;

13 At nalalaman ninyo na ¹dahil sa karamdaman sa laman, ipinangaral ko sa inyo ang ebanghelyo noong una;

14 At yaong sa aking laman na naging isang pagsubok sa inyo ay hindi ninyo minata ni ¹itinakwil man, kundi ako ay tinanggap ninyong tulad sa isang ²sugo ng Diyos, tulad kay Kristo Hesus.

15 Saan nga naroroon ang inyong ¹pagiging pinagpala? Sapagkat pinatototohanan ko sa inyo, kung maaari nga lamang, ay inyo na sanang dinukit ang inyong mga ²mata at ibinigay sa akin.

16 Kaya nga ako ba ay naging kaaway ninyo sa pagsasabi ko sa inyo ng katotohanan?

17 May mga ¹nangagmamalasakit sa inyo ²nang hindi wasto, subali’t ang ibig nila ay ³ihiwalay kayo upang ⁴pagmalasakitan ninyo sila.

18 Datapuwa’t mabuti ang magmalasakit sa mabuting bagay sa lahat ng panahon, at ¹hindi lamang kapag ako ay kaharap ninyo.

19 Mga ¹anak ko, na muli kong ²ipinagdaramdam sa panganganak hanggang si ³Kristo ay ⁴maihubog sa loob ninyo;

20 At, ibig kong makaharap ninyo ako ngayon, at ¹baguhin ang aking tinig, sapagkat ako ay ²natitilihan tungkol sa inyo.

21 ¹Sabihin ninyo sa akin, kayong nagsisipagnasang mapasa ²ilalim ng kautusan, hindi ba ninyo naririnig ang ³kautusan?

22 Sapagkat nasusulat na si Abraham ay nagkaroon ng dalawang anak, ang isa ay sa babaeng alipin, at ang isa ay sa babaeng malaya.

23 Gayunpaman, ang anak sa babaeng alipin ay ipinanganak ¹ayon sa laman, ngunit ang anak sa babaeng malaya ay ¹sa pamamagitan ng pangako.

24 Ang mga bagay na ito ay isang alegorya; sapagka’t ang mga ¹babaeng ito ay ²dalawang tipan, ang isa ay mula sa ³Bundok Sinai, nanganganak ng mga anak tungo sa ⁴pagkaalipin, na si ⁵Agar.

25 Ang Agar ngang ito ay ang Bundok Sinai sa Arabia, at katulad ng ¹Herusalem ngayon, sapagkat siya ay nasa ²pagkaalipin kasama ng kanyang mga anak.

26 Ngunit ang ¹Herusalem na nasa itaas ay malaya, na siyang ina natin;

27 Sapagkat nasusulat, Magsaya ka, o baog na hindi nanganganak; magalak at humiyaw ka, ikaw na hindi nagdaramdam sa panganganak, sapagkat ¹higit pa ang mga anak ng ²pinabayaan kaysa sa mga anak ng may asawa.

28 Nguni’t kayo, mga kapatid, tulad ni Isaac, ay mga ¹anak sa pangako.

29 Datapuwa’t kung papaanong yaong ipinanganak ¹ayon sa laman ay ²umusig sa ipinanganak ¹ayon sa ³Espiritu, ⁴gayundin naman ngayon.

30 Gayunpaman, ano ang sinasabi ng Kasulatan? Palayasin ang babaeng alipin at ang kanyang anak; sapagka’t hindi magmamana ang ¹anak ng babaeng alipin na kasama ng ²anak ng babaeng malaya.

31 Kaya nga, mga kapatid, ¹hindi tayo mga anak ng babaeng alipin, kundi ng babaeng malaya.