Galacia 3

1 O, mga mangmang na taga-Galacia, sino ang mga nagsigayuma sa inyo, na sa harapan ng inyong mga mata, si Hesu-Kristo na ¹naipako sa krus ay maliwanag na inihayag?

2 Ito lamang ang ibig kong malaman sa inyo, ¹Tinanggap ba ninyo ang ²Espiritu sa pamamagitan ng mga gawa ng ³kautusan o sa pamamagitan ng pakikinig ng ³pananampalataya?

3 Napakamangmang na ba ninyo? Sa ¹pagsisimula sa pamamagitan ng ²Espiritu, kayo ba ngayon ay ¹pinasasakdal sa pamamagitan ng ²laman?

4 ¹Natiis ba ninyo nang walang kabuluhan ang lubhang maraming bagay, kung tunay nga na walang kabuluhan?

5 Siya na ¹nagtutustos sa inyo ng ²Espiritu at ³gumagawa ng mga gawa ng kapangyarihan sa inyo, sa pamamagitan ba ito ng mga gawa ng ⁴kautusan o sa pamamagitan ng pakikinig ng pananampalataya?

6 Gaya nga ni ¹Abraham na sumampalataya sa Diyos, at ito ay ibinilang na katuwiran sa kanya.

7 Talastasin nga ninyo na ang mga sa pananampalataya, ang mga yaon ay mga ¹anak ni Abraham.

8 At ang Kasulatan, sa pagkikini-kinitang aariing-matuwid ng Diyos ang mga Hentil ¹sa pamamagitan ng pananampalataya, ay nagpahayag na noong una pa ng ²ebanghelyo kay Abraham, na sinasabi, Sa iyo ang lahat ng mga bansa ay pagpapalain.

9 Kaya’t ang mga sa pananampalataya ay ¹pinagpapala kasama ng ²nananampalatayang Abraham.

10 Sapagkat ang lahat ng sa mga gawa ng kautusan ay nasa ilalim ng ¹sumpa; sapagkat nasusulat, Sinusumpa ang bawat hindi sumusunod sa lahat ng mga bagay na nasusulat sa aklat ng kautusan na gawin ang mga ito.

11 Maliwanag nga na walang sinuman ang inaaring-matuwid ¹sa pamamagitan ng kautusan sa harapan ng Diyos, sapagkat, ²Sa pamamagitan ng pananampalataya ang matuwid ay ³mabubuhay;

12 At ang kautusan ay hindi ¹sa pananampalataya, kundi ang gumaganap ng mga yaon ay mabubuhay ²sa pamamagitan ng mga yaon.

13 Tinubos tayo ni Kristo sa sumpa ng kautusan na ¹naging sumpa sa ganang atin; sapagka’t nasusulat, Sinusumpa ang bawat ibinibitin ²sa punong-kahoy,

14 Upang ang ¹pagpapala ni Abraham ay dumating sa mga Hentil sa loob ni Hesu-Kristo, upang ²tanggapin natin ang pangako ng ³Espiritu sa pamamagitan ng pananampalataya.

15 Mga kapatid, nagsasalita ako ayon sa kaugalian ng tao, bagama’t ang tipan ay gawa lamang ng tao, gayunpaman kapag pinagtibay, walang sinuman ang makapagpapawalang-kabuluhan, o makapagdaragdag man.

16 Datapuwa’t kay Abraham nga sinabi ang mga pangako at sa kanyang binhi. Hindi Niya sinasabi, At sa mga binhi, na gaya ng hinggil sa marami, kundi gaya ng hinggil sa iisa lamang, At sa iyong binhi, na si ¹Kristo.

17 Ito nga ang aking sinasabi: Ang isang ¹tipang pinagtibay na noong una pa ng Diyos ay hindi mapawawalang-bisa ng ²kautusan, na dumating nang makaraan ang ³apat na raan at tatlumpung taon, anupa’t upang pawalang-saysay ang pangako.

18 Sapagka’t kung ang ¹mana ay sa pamamagitan ng kautusan, ito ay hindi na sa pamamagitan ng pangako; datapuwa’t ipinagkaloob ito ng Diyos kay Abraham sa pamamagitan ng pangako.

19 Bakit nga ibinigay ang kautusan? Ito ay ¹idinagdag dahil sa mga pagsalansang, hanggang sa pumarito ang binhi na siyang pinangakuan; ²itinalaga sa pamamagitan ng mga anghel sa kamay ng isang ³tagapamagitan.

20 Ngayon ang isang ¹tagapamagitan ay hindi tagapamagitan ng iisa, datapuwa’t ang Diyos ay iisa.

21 Ang kautusan nga ba ay laban sa mga pangako ng Diyos? Tiyak na hindi! Sapagkat kung ibinigay sana ang isang kautusang may kapangyarihang ¹magbigay-buhay, tunay ngang ang ²katuwiran sana ay naging sa pamamagitan ng kautusan;

22 Datapuwa’t ¹ikinulong ng Kasulatan ang ²lahat ng bagay sa ilalim ng kasalanan, upang ang pangako sa pamamagitan ng ³pananampalataya kay Hesu-Kristo ay maibigay sa mga nagsisisampalataya.

23 Ngunit bago dumating ang ¹pananampalataya ay ²nababantayan tayo sa ilalim ng kautusan, ³nakukulong ⁴tungo sa ¹pananampalatayang nalalapit na noong mahayag.

24 Anupa’t ang kautusan ay naging ating ¹tagapatnubay-ng-bata tungo kay Kristo, upang tayo ay ariing-matuwid ²sa pamamagitan ng pananampalataya.

25 Datapuwa’t ngayong dumating na ang pananampalataya, ¹wala na tayo sa ilalim ng tagapatnubay-ng-bata;

26 Sapagka’t kayong lahat ay mga ¹anak-na-lalake ng Diyos sa pamamagitan ng ²pananampalataya kay Kristo Hesus.

27 Sapagka’t ang lahat ng nabautismuhan ¹tungo sa loob ni Kristo ay ²ibinihis si Kristo.

28 ¹Hindi maaaring may ²Hudyo ni Griyego, hindi maaaring may ³alipin ni malaya, hindi maaaring may ⁴lalake at babae; sapagkat kayong lahat ay ⁵iisa sa loob ni Kristo Hesus.

29 At kung kayo ay kay Kristo, kayo nga ay ¹binhi ni Abraham, mga tagapagmana ayon sa ²pangako.