Filemon

1 Si Pablo, isang bilanggo ni Kristo Hesus, at si Timoteo na kapatid, kay Filemon na aming minamahal at kamanggagawa,

2 At kay ¹Apia na ating kapatid na babae, at kay ¹Arquipo na kapwa kawal namin, at sa ²ekklesia na nasa iyong bahay:

3 Sumainyo nawa ang biyaya at kapayapaang mula sa Diyos na ating Ama at sa Panginoong Hesu-Kristo.

4 Nagpapasalamat akong lagi sa aking Diyos, binabanggit ka sa aking mga panalangin,

5 Sa pagkabalita ko sa iyong ¹pag-ibig at sa iyong pananampalataya sa Panginoong Hesus at sa lahat ng mga banal,

6 ¹Upang ang pakikipagsalamuha ng iyong pananampalataya ay makakilos nang mabisa sa ²lubos na pagkaalam sa ³bawa’t mabuting bagay na nasa ⁴inyo ⁵para kay Kristo.

7 ¹Sapagka’t ako ay totoong nagalak at nabigyang-sigla ng iyong pag-ibig, sapagka’t ang mga ²puso ng mga banal ay ³napanariwa sa pamamagitan mo, kapatid.

8 Kaya, bagama’t kay Kristo ay mayroon akong labis na lakas ng loob nang ipagtagubilin ko sa iyo ang nauukol,

9 Gayunman, alang-alang sa pag-ibig, ay mamatamisin ko pa ang mamanhik, sa pagiging gayong isa na katulad ni Pablo ¹ang may gulang, at ngayon din naman, isang ²bilanggo ni Kristo Hesus.

10 Ipinamamanhik ko sa iyo ang aking anak, na aking ¹ipinanganak sa aking mga tanikala, si ²Onesimo,

11 Na noong una ay ¹hindi mo pinakinabangan, datapuwa’t ngayon ay ²kapaki-pakinabang na sa iyo at sa akin;

12 Siya na aking pinabalik sa iyo, samakatuwid ay, ang aking ¹sariling puso;

13 Na ibig ko sanang panatilihin sa aking piling, upang sa halip mo ay paglingkuran niya ako sa mga tanikala ng ebanghelyo,

14 Datapuwa’t kung ¹wala kang pasiya ay hindi ako gagawa ng anuman, upang ang iyong kabutihang-loob ay huwag maging tila sa pangangailangan, kundi sa kusang-loob.

15 ¹Sapagka’t ²marahil sa ganito, siya ay napahiwalay sa iyo sa sandaling panahon, upang siya ay ³lubusang mapasa iyo ⁴magpakailanman,

16 ¹Hindi na bilang alipin, kundi ²higit sa isang alipin, isang kapatid na ³minamahal, lalung-lalo na sa akin, at gaano pa kaya sa iyo, ⁴kapwa sa laman at sa loob ng Panginoon.

17 Kung ako nga ay inaari ¹mong ²kasama, tanggapin mo siyang parang ako rin.

18 At kung siya ay ¹nagkasala sa iyo sa anumang bagay, o may utang sa iyo ng anuman, ay ²ibilang mo sa akin;

19 Akong si Pablo, na sumusulat nito ng aking sariling kamay, ang siyang ¹magbabayad sa iyo; hindi sa sinasabi ko sa iyo na maging ang ²iyong sarili ay utang mo pa sa akin.

20 Oo, kapatid, magkaroon nawa ako ng ¹pakinabang sa iyo sa Panginoon; ²panariwain mo ang aking ³puso kay Kristo.

21 Sa pagkakaroon ng tiwala sa iyong pagtalima ay sinulatan kita, palibhasa ay nalalaman ko na gagawin mo ang higit pa kaysa sa aking sinasabi.

22 At kasabay nito ipaghanda mo rin ako ng matutuluyan; sapagka’t ¹inaasahan kong sa pamamagitan ng inyong mga panalangin ay ²mabiyayang ipagkakaloob ako sa inyo.

23 Binabati ka ni ¹Epafras, na aking kasama sa pagkabilanggo sa loob ni Kristo Hesus;

24 At gayundin ni Marcos, ni Aristarco, ni Demas, at ni Lucas na aking mga kamanggagawa.

25 Ang ¹biyaya ng Panginoong Hesu-Kristo ay sumainyong ²espiritu. ³