Filipos 3

1 Sa katapus-tapusan, mga kapatid ko, mangagalak kayo sa Panginoon. Ang pagsulat nga sa inyo ng mga gayon ding bagay, sa akin ay tunay na hindi ¹nakangangalay, at sa inyo ay ²katiwasayan.

2 ¹Magsipag-ingat kayo sa mga ²aso, magsipag-ingat kayo sa masasamang ²manggagawa, magsipag-ingat kayo sa mga sa ²paghihiwa;

3 Sapagka’t tayo ang sa ¹pagtutuli, na ²nagsisipaglingkod sa pamamagitan ng Espiritu ng Diyos, at nangagmamapuri kay Kristo Hesus, at ³walang anumang pagtitiwala sa ⁴laman,

4 Bagama’t ako ay makapagtitiwala sa laman; na kung ang iba ay nag-aakala na magkaroon ng pagtitiwala sa laman, ay lalo na ako:

5 Na tinuli nang ¹ikawalong araw; mula sa ²lahi ng Israel, mula sa ³lipi ni Benjamin, ⁴Hebreo sa mga Hebreo; tungkol sa ⁵kautusan, isang ⁶Fariseo;

6 Tungkol sa ¹pagsisikap, inuusig ang ekklesia; tungkol sa katuwiran na nasa kautusan, ²naging walang kapintasan.

7 ¹Gayunpaman, ang mga ²bagay na sa akin ay pakinabang ay inari kong ³kalugihan ⁴alang-alang kay Kristo.

8 ¹Oo nga, at ang lahat ng bagay ay ²inari ko ring kalugihan alang-alang sa ³dakilang kagalingan ng pagkakilala kay Kristo Hesus na aking Panginoon, ⁴na alang-alang sa Kanya ay tiniis ko ang kalugihan ng lahat ng bagay, at inari kong ⁵sukal lamang upang ⁶matamo ko si Kristo,

9 At ¹masumpungan ako sa loob Niya, ²na hindi ko tinataglay ang sarili kong ³katuwiran na ⁴sa kautusan, kundi ang katuwiran sa pamamagitan ng ⁵pananampalataya kay Kristo, ang ⁶katuwiran ngang ⁴sa Diyos na batay ⁷sa pananampalataya,

10 Upang ¹makilala ko Siya at ang ²kapangyarihan ng Kanyang pagkabuhay na muli, at ang ³pagsasalamuha ng Kanyang mga pagdurusa, na ako ay ⁴naiwawangis sa kanyang kamatayan,

11 Kung sa anumang paraan aking ¹matamo ang ²higit na pagkabuhay muli mula sa mga patay.

12 ¹Hindi sa ako ay ²nakapagtamo na, o ako ³ay ⁴nalubos na, kundi ⁵naghahabol ako, baka sakaling ⁶matanganan ko ⁷yaong ikinatatangan naman sa akin ni Kristo Hesus.

13 Mga kapatid, ¹hindi ko pa inaaring ako ay nakatangan na, datapuwa’t isang bagay ang ginagawa ko ²nililimot ang mga bagay na nasa likuran, at ³tinutungo ang mga bagay na hinaharap,

14 Ako ay ¹naghahabol tungo sa ²gol para sa ³gantimpala ng ⁴mataas na pagtawag ng Diyos na na kay Kristo Hesus.

15 Kaya nga, kung ilan tayong ¹lumago na nang lubusan, ay magkaroon ng ²ganitong kaisipan; at kung sa anuman ay nagkakaiba kayo ng iniisip ay ³ipahahayag naman ito sa inyo ng Diyos.

16 ¹Lamang, ²magsilakad tayo ayon sa ³gayunding alintuntunin, ⁴na ating naabot na.

17 Mga kapatid, kayo ay magkaisang maging tagatulad sa akin, at tandaan ninyo ang mga nagsisilakad nang gayon, ayon sa halimbawang nakikita ninyo sa amin.

18 Sapagka’t ¹marami ang mga nagsisilakad na siyang madalas kong sinasabi sa inyo, at ngayon ay sinasabi ko sa inyo na may pag-iyak, na sila ang mga kaaway ng ²krus ni Kristo,

19 Na ang ¹kanilang kahihinatnan ay ang kapahamakan, na ang kanilang diyos ay ang tiyan, at ang kanilang kaluwalhatian ay nasa kanilang kahihiyan, na naglalagak ng kanilang mga kaisipan sa ²mga makalupang bagay.

20 Sapagka’t ang ating ¹pagkamamamayan ²ay nasa mga ³kalangitan, na mula rin doon ay sabik nating hinihintay ang isang Tagapagligtas, ang Panginoong Hesu-Kristo,

21 Na Siyang ¹magbabagong-anyo ng ²katawan ng ating pagkamababa, upang mapawangis sa ³katawan ng Kanyang kaluwalhatian, ⁴ayon sa paggawa Niyaong makapagpapasuko ng lahat ng bagay sa Kanya.