Efeso 4

1 Namamanhik nga ako sa inyo, ¹akong ²bilanggo sa loob ng Panginoon, na kayo ay ³magsilakad nang nararapat sa pagkakatawag na sa inyo ay itinawag,

2 Nang buong ¹kapakumbabaan at kaamuan, na may pagpapahinuhod, mangagbatahan kayo sa isa’t isa sa loob ng pag-ibig,

3 Na pagsumakitan ninyong ¹ingatan ang ²pagkakaisa sa Espiritu sa loob ng nagpapaging-isang ³tali ng kapayapaan:

4 ¹Isang Katawan at isang Espiritu, gaya naman ng pagkatawag sa inyo sa isang ²pag-asa ng pagtawag sa inyo;

5 Isang ¹Panginoon, isang ²pananampalataya, isang bautismo;

6 Isang ¹Diyos at Ama ng ²lahat, na Siyang ³sumasaibabaw ng lahat, at lumalagos sa lahat, at nasa loob ng lahat.

7 ¹Datapuwa’t ang bawat isa sa atin ay binigyan ng ²biyaya ayon sa ³sukat ng kaloob ni Kristo.

8 Kaya’t sinasabi Niya, Nang umakyat Siya sa ¹itaas, dinala Niyang bihag ²yaong mga nabihag, at nagbigay ng mga ³kaloob sa mga tao.

9 (Ngayon ito, Umakyat Siya ano ito, kundi Siya ay bumaba rin naman sa mga dakong ¹kalaliman ng lupa?

10 Ang bumaba ay Siya rin namang umakyat sa kaiba-ibabawan ng buong sangkalangitan, upang Kanyang ¹mapuspos ang lahat ng mga bagay.

11 At pinagkalooban Niya ang ¹ilan na maging mga apostol, at ang ilan ay mga propeta, at ang ilan ay mga ebanghelista, at ang ilan ay mga ²pastol at mga guro,

12 Para sa ¹ikasasakdal ng mga banal ²tungo sa gawain ng ³ministeryo, tungo sa ⁴ikatatayo ng Katawan ni Kristo;

13 Hanggang sa ¹marating nating lahat ang ²pagkakaisa sa pananampalataya, at ang lubos na pagkakilala sa ³Anak ng Diyos hanggang sa ⁴lubos na paglago ng tao, hanggang sa sukat ng pangangatawan ng ⁵kapuspusan ni ³Kristo,

14 Upang tayo ay huwag nang maging mga ¹musmos pa, na sinisiklot ng ²alon at dinadala sa magkabi-kabila ng lahat ng ³hangin ng aral, sa pamamagitan ng mga ⁴daya ng mga tao, sa katusuhan, na may gawi na madala ang mga tao sa ⁵sistema ng ⁶kamalian;

15 Kundi sa ¹pagtangan sa katotohanan sa loob ng ²pag-ibig, tayo ay ³mangagsilaki sa lahat ng mga bagay tungo sa loob Niya, na Siyang ⁴Ulo, samakatwid ay si Kristo,

16 ¹Na mula sa Kanya, ang buong Katawan na nakalapat nang mabuti at nagkakalakip sa pamamagitan ng ²mayamang panustos ng bawa’t ³kasukasuan, at ⁴sa pamamagitan ng ⁵pagawa na nasa sukat ng ⁶bawat iba’t ibang sangkap, ay ⁷sinasanhi ng ⁸paglaki ng Katawan tungo sa ikatatayo ng sarili nito sa loob ng ⁹pag-ibig.

17 Ito nga ang sinasabi ko, at ¹ipinapatotoo sa loob ng Panginoon, na kayo ay hindi na ²nagsisilakad pa na gaya naman ng paglalakad ng mga Hentil, sa ³kawalang kabuluhan ng kanilang kaisipan.

18 Palibhasa ay ¹napadilim ang kanilang pang-unawa, nangahiwalay sa ²buhay ng Diyos, dahil sa ³kahangalang nasa kanila, dahil sa ⁴pagmamatigas ng kanilang puso;

19 Na sila na ¹nawalan na ng pakiramdam ay nagpaubaya ng kanilang mga sarili sa kahalayan, upang isagawa ng lahat ng karumihan sa loob ng di-mapigilang masakim na pita.

20 Ngunit kayo ay hindi ¹nangatuto ng ganito kay Kristo,

21 Kung tunay na Siya ay inyong pinakinggan at naturuan kayo sa loob Niya, katulad ng ang ¹katotohanan ay na kay Hesus,

22 ¹At inyong ²hinubad na, tungkol sa paraan ng inyong ³pamumuhay noon, ang ⁴lumang tao, na sumasama nang sumasama ayon sa mga kahalayan ng ⁵daya;

23 At kayo ay ¹nababago sa ²espiritu ng inyong kaisipan,

24 At inyong ¹ibinihis na ang ²bagong tao, na ayon sa ³Diyos ay nilalang sa loob ng ⁴katuwiran at ⁴kabanalan ng ⁵katotohanan.

25 ¹Kaya nga, pagkahubad ng ²kasinungalingan, magsalita ang bawa’t isa sa inyo ng katotohanan sa kanyang kapwa, sapagka’t tayo sa isa’t isa ay sangkap ng iba.

26 Kayo ay ¹mangagalit, at huwag kayong mangagkasala; ²huwag hayaan ang araw na lumubog sa inyong ³galit,

27 Ni ¹bigyan man ng puwang ang Diyablo.

28 Ang nagnanakaw ay ¹huwag nang magnakaw pa, bagkus ²magpagal, ginagamit ang kanyang sariling mga kamay sa paggawa ng mabuting bagay, upang siya ay may ²maibahagi sa nangangailangan.

29 Anumang ¹nakasasamang salita ay huwag lumabas sa inyong bibig, kundi tangi lamang yaon mabuti sa ²ikatatayo ayon sa pangangailangan, upang mabigyan ng ³biyaya ang mga nagsisipakinig.

30 ¹At huwag ninyong ²pighatiin ang ³Espiritu Santo ng Diyos, na ⁴sa loob Niya kayo ay ⁵tinatakan ⁶hanggang sa kaarawan ng ⁷pagkatubos,

31 At lahat ng sama ng loob, galit, at poot, at bulyawan, at panlilibak ay maalis nawa sa inyo, kasama ang lahat ng masasamang akala;

32 At magmagandang-loob kayo sa isa’t isa, mga ¹mahabagin, ²nagpapatawaran sa isa’t isa, gaya naman ng ³pagpapatawad sa inyo ng ⁴Diyos sa loob ni Kristo.