Efeso 2

1 ¹At kayo, nang kayo ay mga ²patay sa inyong mga ³pagsalansang at mga kasalanan,

2 Na inyong nilakaran noong una ayon sa ¹lakad ng sanlibutang ito, ayon sa ²pinuno ng awtoridad ng hangin, ng ³espiritu na ngayon ay gumagawa sa mga ⁴anak ng pagsuway;

3 Sa gitna ng mga ¹yaon, ²tayo rin naman, noong una, ay nangabubuhay sa mga ³pita ng ating laman, ginagawa ang mga pagnanasa ng laman at ng mga pag-iisip, at sa kalikasan ay mga ⁴anak ng kapootan, gaya naman ng iba;

4 ¹Nguni’ t ang Diyos, palibhasa ay mayaman sa ²awa dahil sa Kanyang malaking pag-ibig na Kanyang ipinang-ibig sa atin,

5 Bagama’t tayo ay mga patay sa loob ng ating mga pagsalansang tayo ay ¹binuhay ²nang magkakasama kalakip ni Kristo (sa pamamagitan ng ³biyaya kayo ay ⁴nangaligtas),

6 At tayo ay ¹ibinangong ²magkakasama, at ³pinaupong magkakasama sa ⁴sangkalangitan, ⁵sa loob ni Kristo Hesus,

7 Upang sa ¹mga kapanahunang darating ay ²maipakita Niya ang humihigit na mga ³kayamanan ng Kanyang biyaya sa ⁴kagandahang-loob sa atin sa loob ni Kristo Hesus.

8 ¹Sapagka’ t sa pamamagitan ng ²biyaya kayo ay nangaligtas sa pamamagitan ng ³pananampalataya; at ⁴ito ay hindi sa inyong sarili; ito ay ang kaloob ng Diyos:

9 ¹Hindi sa pamamagitan ng mga gawa, upang ang sinuman ay huwag magmapuri.

10 Sapagka’t tayo ang Kanyang ¹obra, na ²nilikha sa loob ni Kristo Hesus para sa mabubuting gawa, na mga inihanda ng Diyos ³noong una pa upang siya nating lakaran.

11 Kaya nga alalahanin ninyo, na kayo noong una, na mga Hentil sa laman, yaong mga tinatawag na ¹di-pagtutuli ng mga yaong tinatawag na pagtutuli sa laman na ginagawa ng mga kamay,

12 Na kayo nang panahong yaon ay mga ¹hiwalay kay Kristo, mga banyaga sa ²bansang Israel, at mga estranghero tungkol sa mga ³tipan ng pangako, na ⁴walang pag-asa at ⁵walang Diyos sa ⁶sanlibutan,

13 ¹Datapwa’ t ngayon sa loob ni Kristo Hesus, kayo na noong una ay ²nalalayo ay naging ³malapit sa pamamagitan ng ⁴dugo ni Kristo.

14 Sapagka’t Siya mismo ang ¹ating ²kapayapaan, na nagpaging-bisa sa ³dalawa, at naggiba ng nasa gitnang naghihiwalay na ⁴pader, samakatuwid ay, ang ⁵pagkakaalit.

15 Na ¹pinawalang-bisa sa pamamagitan ng Kanyang ²laman, ang ³kautusan ng mga utos sa mga ⁴ordinansa, upang ⁵malalang Niya ang ⁶dalawa ⁷sa loob ng Kanyang Sarili ⁸tungo sa ⁹isang bagong tao, sa ganito ay ¹⁰gumagawa ng kapayapaan,

16 At maipagkasundo ang ¹dalawa sa loob ng ²isang Katawan tungo sa ³Diyos sa pamamagitan ng ⁴krus, ⁵pinapatay ang pagkakaalit ⁶sa pamamagitan nito;

17 At Siya ay ¹naparito at ipinahayag ang ebanghelyo ng kapayapaan sa inyong mga ²nangalalayo, at ang kapayapaan sa mga ³nangalalapit;

18 Sapagka’t ¹sa pamamagitan Niya kapwa tayo may ²pagpasok ³sa isang Espiritu sa harapan ng ⁴Ama.

19 Kaya nga, hindi na ¹kayo mga ²estranghero at mga manlalakbay, kundi kayo ay mga ³kababayan ng mga banal at mga ⁴miyembro ng sambahayan ng Diyos,

20 Na mga ¹itinatayo sa ibabaw ng ²pundasyon ng mga apostol at ng mga propeta, na si Kristo Hesus Mismo ang siyang ³batong panulok,

21 Na ¹sa loob Niya, ang ²buong gusali, na ³nagkakalapat nang magkasama, ay ⁴lumalago upang maging isang ⁵templong banal ⁶sa loob ng Panginoon,

22 Na sa loob Niya, ¹kayo ²naman ay itinatayo nang sama-sama upang maging isang ³tahanan ng Diyos sa ⁴espiritu.