Apocalipsis 8

1 At nang buksan Niya ang ikapitong tatak nagkaroon ng ¹katahimikan sa langit nang may mga kalahating oras.

2 At nakita ko ang pitong anghel na nangakatayo sa harapan ng Diyos, at sila ay binigyan ng ¹pitong trumpeta.

3 At dumating ang ¹ibang Anghel at tumayo sa harap ng ²dambana, na may hawak na isang ³gintong insensaryo at binigyan siya ng ⁴maraming insenso upang ⁵idagdag Niya ito sa mga panalangin ng lahat ng mga ⁶banal sa ibabaw ng ⁷dambanang ginto, na nasa harapan ng trono.

4 At ang ¹usok ng ²insenso, kalakip ng mga panalangin ng mga banal, ay napailanglang mula sa kamay ng Anghel, sa harapan ng Diyos.

5 At kinuha ng Anghel ang insensaryo at ¹pinuno Niya ito ng apoy ng dambana, at ²inihagis ito sa lupa; at nagkaroon ng mga kulog at mga tinig at mga kidlat at ng isang lindol.

6 At ang pitong anghel na may pitong trumpeta ay nagsihanda ng kanilang sarili upang ¹magtrumpeta.

7 At nagtrumpeta ang una: at nagkaroon ng granizo at apoy na may halong dugo, at itinapon ito sa lupa; at ang ¹ikatlong bahagi ng ng lupa ay nasunog, at ang ¹ikatlong bahagi ng mga punong-kahoy ay nasunog, at ang lahat ng luntiang damo ay nasunog.

8 At nagtrumpeta ang ikalawang anghel: at ang tila isang malaking bundok na nagliliyab sa apoy ay inihagis sa dagat; at ang ikatlong bahagi ng ¹dagat ay naging dugo,

9 At ang ikatlong bahagi ng mga nilalang na nasa dagat at mga may ¹buhay ay namatay, at ang ikatlong bahagi ng mga daong ay nawasak.

10 At nagtrumpeta ang ikatlong anghel: at nahulog mula sa langit ang isang malaking bituin na nagliliyab na gaya ng isang sulo, at nahulog ito sa ikatlong bahagi ng mga ilog, at sa mga bukal ng mga tubig.

11 At ang pangalan ng bituin ay ¹Ajenjo; at ang ikatlong bahagi ng mga tubig ay naging , at maraming tao ang namatay dahil sa mga ²tubig, sapagka’t ginawang mapait ang mga ito.

12 At nagtrumpeta ang ¹ikaapat na anghel: at nasaktan ang ²ikatlong bahagi ng araw, at ang ikatlong bahagi ng buwan, at ang ikatlong bahagi ng mga bituin, upang magdilim ang ikatlong bahagi ng mga ito, at upang ang ikatlong bahagi ng maghapon ay huwag lumiwanag, at gayundin naman ang gabi.

13 At nakita ko, at narinig ko ang isang agila na lumilipad sa ng lupa’t langit, na nagsasabi sa malakas na tinig, ¹Sa aba, sa aba, sa aba ng mga nananahan sa ibabaw ng lupa, dahil sa mga natitirang tunog ng trumpeta ng tatlong anghel na malapit nang magtrumpeta.