Apocalipsis 6

1 At nakita ko nang ¹buksan ng Kordero ang isa sa pitong tatak, at narinig ko ang isa sa apat na ²nilalang na buhay, na nagsasalitang gaya ng sa tunog ng kulog, Halika.

2 At nakita ko, at narito, ang isang ¹puting kabayo, at ²yaong nakasakay rito ay may isang ³busog; at binigyan siya ng isang ⁴putong, at siya ay humayong ^5dnagtatagumpay, at upang magtagumpay.

3 At nang buksan Niya ang ikalawang tatak, narinig ko ang ikalawang nilalang na buhay na nagsasabi, Halika.

4 ¹At nakita ko, at narito, ang isa pa, isang ²pulang kabayo ang humayo; at ang nakasakay rito ay pinagkaloobang ³mag-alis ng kapayapaan sa lupa, at upang mangagpatayan ang isa’t isa; at binigyan siya ng isang malaking tabak.

5 At nang buksan Niya ang ikatlong tatak, narinig ko ang ikatlong nilalang na buhay na nagsasabi, Halika. At nakita ko, at narito, ang isang ¹itim na kabayo; at yaong nakasakay rito ay may isang ²timbangan sa kanyang kamay.

6 At narinig ko ang gaya ng isang tinig sa gitna ng apat na nilalang na buhay na nagsasabi: Sa isang ¹denario ay isang ²takal na trigo, at sa isang ¹denario ay tatlong ²takal na sebada; at huwag mong pinsalain ang ³langis at ang alak.

7 At nang buksan Niya ang ikaapat na tatak, narinig ko ang tinig ng ikaapat na nilalang na buhay na nagsasabi, Halika.

8 At nakita ko, at narito, ang isang ¹maputlang kabayo, at ang nakasakay rito ay may pangalang Kamatayan; at ang ²Hades ay sumusunod sa kanya. At sila ay pinagkalooban ng awtoridad sa ikaapat na bahagi ng lupa, na pumatay sa pamamagitan ng tabak, at ng taggutom, at ng ³salot, at ng mga ⁴ganid na hayop sa lupa.

9 At nang buksan Niya ang ¹ikalimang tatak, nakita ko sa ²ilalim ng dambana ang mga kaluluwa ng mga pinatay dahil sa salita ng Diyos, at dahil sa patotoong kanilang pinanghawakan;

10 At sila ay ¹sumigaw sa isang ²malakas na tinig na nagsasabi, Hanggang kailan ba, Oh makapangyarihang Panginoong banal at totoo, hindi Mo hahatulan at ipaghihiganti ang aming dugo sa mga nananahan sa ibabaw ng lupa?

11 At binigyan ang bawa’t isa sa kanila ng isang ¹puting balabal; at sa kanila ay sinabi na mangagpahinga pa nang kaunting panahon, hanggang sa makumpleto na rin ang bilang ng kanilang mga kapwa alipin at ng kanilang mga kapatid, na mga ²papatayin namang gaya nila.

12 At nakita ko nang buksan Niya ang ¹ikaanim na tatak, at nagkaroon ng isang malakas na ²lindol; at ang araw ay umitim na gaya ng isang magaspang na kayong yari sa buhok na maitim, at ang buong buwan ay naging gaya ng dugo;

13 At ang mga bituin sa langit ay nangahulog sa lupa, gaya ng puno ng igos na nagsasambulat ng kanyang mga bungang bubot kapag hinahampas ng malakas na hangin.

14 At ang langit ay bumalumbong gaya ng isang lulong aklat na binalumbon, at ang bawa’t bundok at pulo ay naalis sa kanilang kinalalagyan.

15 At ang mga hari sa lupa, at ang mga dakilang tao, at ang mga ¹kapitan, at ang mayayaman, at ang malalakas, at ang bawa’t alipin at ang bawa’t laya, ay nagsipagtago sa mga yungib at sa mga bato ng mga bundok,

16 At ¹sinasabi nila sa mga bundok at sa mga bato, Mahulog kayo sa amin, at itago ninyo kami mula sa mukha Niyaong nakaupo sa trono at sa kapootan ng Kordero;

17 Sapagka’t dumating na ang dakilang araw ng Kanilang kapootan, at sino ang makatatayo?