Apocalipsis 22

1 At ipinakita ¹niya sa akin ang isang ²ilog ng ³tubig ng buhay, na maningning na gaya ng ⁴kristal, na mula sa ⁵trono ng Diyos at ng Kordero, sa ⁶gitna ng lansangan nito.

2 At sa dako rito ng ilog, at sa ibayo nito, naroon ang ¹punong-kahoy ng buhay, na namumunga ng labindalawang uri ng ²bunga, na namumunga sa ³bawa’ t ⁴buwan, at ang mga ⁵dahon ng punong-kahoy ay pampagaling sa mga bansa.

3 At hindi na magkakaroon pa ng ¹anumang sumpa. At ang ²trono ng Diyos at ng Kordero ay duroon, at ³paglilingkuran ⁴Siya ng Kanyang mga alipin;

4 At ¹makikita nila ang Kanyang mukha, at ang Kanyang pangalan ay sasa kanilang noo.

5 At ¹hindi na magkakaroon pa ng gabi at sila ay hindi na mangangailangan ng ²liwanag ng ilawan, at ng liwanag ng araw, sapagka’t ³liliwanagan sila ng ³Panginoong Diyos; at sila ay ⁴maghahari magpakailanman.

6 At sinabi ¹niya sa akin, Ang mga salitang ito ay tapat at totoo; at ang ²Panginoon, ang Diyos ng mga ³espiritu ng mga propeta, ay nagsugo ng Kanyang anghel upang ipakita sa Kanyang mga alipin ang mga bagay na kinakailangang mangyari nang madali.

7 At narito, Ako ay ¹madaling pumaparito. Pinagpala ang tumutupad ng mga salita ng propesiya ng ²aklat na ito.

8 At akong si Juan, ang siyang nakarinig at nakakita ng mga bagay na ito. At nang aking marinig at makita, ay nagpatirapa ako upang sumamba sa harapan ng mga paa ng anghel na nagpakita sa akin ng mga bagay na ito.

9 At sinabi niya sa akin, ¹Huwag mong gawin iyan! Ako ay kapwa mo alipin at ng iyong mga kapatid na mga propeta, at ng mga tumutupad ng mga salita ng aklat na ito. Sumamba ka sa Diyos.

10 At sinabi niya sa akin, ¹Huwag mong tatakan ang mga salita ng propesiya ng aklat na ito, sapagka’t malapit na ang panahon.

11 ¹Ang gumagawa ng kalikuan, hayaan siyang magpakaliko pa; at ang marumi, ay magpakarumi pa; at ang matuwid, ay magpakatuwid pa; at ang banal, ay magpakabanal pa.

12 Narito, Ako ay ¹madaling pumaparito, at ang Aking ²gantimpala ay nasa Akin upang gawaran ang bawa’t isa ayon sa kanyang gawa.

13 ¹Ako ang Alpha at ang Omega, ²ang Una at ang Huli, ang Pasimula at ang Wakas.

14 ¹Pinagpala ang ²nangaghuhugas ng kanilang mga balabal, upang ³sila ay magkaroon ng ⁴karapatan sa punong-kahoy ng buhay, at sa lunsod ⁵sa pamamagitan ng mga pintuan.

15 Nangasa ¹labas ang mga aso, at ang mga mangkukulam, at ang mga mapakiapid, at ang mga mamamatay-tao, at ang mga mapagsamba sa diyus-diyusan, at ang bawa’t umiibig at gumagawa ng kasinungalingan.

16 Akong si Hesus ay nagsugo ng Aking anghel upang sa inyo ay magpatotoo ng mga bagay na ito ¹para sa mga ²ekklesia. Ako ang ³Ugat at ang Supling ni David, ang maningning na ⁴Tala sa umaga.

17 At ang ¹Espiritu at ang kasintahang-babae ay nagsasabi, ²Halika! At ang nakikinig ay magsabi rin, ²Halika! At ang nauuhaw ay ³pumarito rin; ⁴ang may ibig, hayaan siyang kumuha ng tubig ng buhay nang walang bayad.

18 ¹Aking pinatototohanan sa bawa’t taong nakikinig sa mga salita ng propesiya ng aklat na ito: Kung ang sinuman ay magdagdag sa mga ito, idaragdag sa kanya ng Diyos ang mga ²salot na nakasulat sa aklat na ito;

19 At kung ang sinuman ay mag-alis sa mga salita ng aklat ng propesiyang ito, ay aalisin ng Diyos ang kanyang bahagi sa ¹punong-kahoy ng buhay, at sa banal na lunsod na nangakasulat sa aklat na ito.

20 Siya na nagpapatotoo sa mga bagay na ito ay nagsasabi, Oo, Ako ay ¹madaling pumaparito, Amen. ²Pumarito Ka, Panginoong Hesus!

21 Ang ¹biyaya ng Panginoong Hesus ²ay mapasa lahat ng mga ³banal. Amen.