Apocalipsis 21

1 At nakita ko ang isang ¹bagong langit at ang isang bagong lupa; sapagka’t ang ²unang langit at ang unang lupa ay lumipas na, at ang ³dagat ay wala na.

2 At nakita ko ang banal na lunsod, ang ¹Bagong Herusalem, na ²bumababa mula sa langit buhat sa Diyos, na nahahandang gaya ng isang ³kasintahang babaeng nagagayakan para sa kanyang asawa.

3 At narinig ko ang isang malakas na tinig na nagmula sa trono, na nagsasabi, Narito, ang ¹tabernakulo ng Diyos ay nasa mga tao, at Siya ay ²mananahan sa kanila, at sila ay magiging mga bayan Niya, at ang Diyos Mismo ay sasakanila, at magiging Diyos nila.

4 At ¹papahirin Niya ang bawa’t luha sa kanilang mga mata; at ²hindi na magkakaroon ng kamatayan; ni ng dalamhati, ni ng pananambitan, ni ng hirap pa man; sapagka’t ang mga ³naunang bagay ay lumipas na.

5 At Siyang nakaluklok sa trono ay nagsabi, Narito, ginagawa kong bago ang lahat ng bagay. At sinabi Niya, Isulat mo, sapagka’t ang mga salitang ito ay tapat at totoo.

6 At sinabi Niya sa akin, Nangyari na ang ¹mga ito. Ako ang Alpha at ang Omega, ang Pasimula at ang Wakas. Ang nauuhaw ay Aking paiinumin nang walang bayad sa bukal ng tubig ng buhay.

7 Ang ¹magtagumpay ay magmamana ng mga bagay na ito, at Ako ay magiging Diyos sa kanya, at siya ay magiging ²anak-na-lalake sa Akin.

8 Nguni’t sa mga duwag, at sa mga di-mananampalataya, at sa mga kasuklam-suklam, at sa mga mamamatay-tao, at sa mga mapakiapid, at sa mga mangkukulam, at sa mga mapagsamba sa diyus-diyusan, at sa lahat ng mga sinungaling, ang kanilang bahagi ay sa ¹dagat-dagatang nagniningas ng apoy at asupre, na siyang ikalawang kamatayan.

9 At dumating ang ¹isa sa pitong anghel na may pitong mangkok, na puno ng pitong huling salot, at nagsalita sa akin, na nagsasabi, Halika, ipakikita ko sa iyo ang ²kasintahang babae, ang asawa ng Kordero.

10 At dinala niya akong palayo na loob ng espiritu sa isang ¹malaki at mataas na bundok, at ipinakita sa akin ang na lunsod, ang Herusalem, na bumababa mula sa langit buhat sa Diyos,

11 Na may ¹kaluwalhatian ng Diyos. Ang Kanyang ²ilaw ay katulad ng isang napaka ³mahalagang bato, na gaya ng batong ⁴jaspe, na malinaw na gaya ng ;

12 Na may isang ¹malaki at mataas na pader; na may ²labindalawang pintuan, at sa mga pintuan ay labindalawang ³anghel, at may mga pangalang nakasulat sa mga yaon, na siyang mga pangalan ng labindalawang lipi ng mga anak ni ⁴Israel:

13 ¹Sa silangan ay may tatlong pintuan, at ¹sa hilaga ay may tatlong pintuan, at ¹sa timog ay may tatlong pintuan, at ¹sa kanluran ay may tatlong pintuan.

14 At ang pader ng lunsod ay may labindalawang ¹pundasyon, at sa mga ito ay ang labindalawang pangalan ng ²apostol ng Kordero.

15 At ang nakipag-usap sa akin ay may panukat na ¹tambong ginto upang sukatin ang lunsod at ang mga pintuan nito, at ang pader nito.

16 At ang pagkatayo ng lunsod ay ¹parisukat, at ang haba nito ay gaya ng luwang nito. At sinukat niya ng tambo ang lunsod at may ²labindalawang libong ³estadio; ang haba at ang luwang at ang taas nito ay ⁴magkakasingsukat.

17 At sinukat niya ang pader nito, na may ¹isang daan at apatnapu’t apat na siko, na sukat ng isang ²tao, samakatuwid ay, ng isang ²anghel.

18 At ang materyal na ginamit sa pagtatayo ng pader nito ay ¹jaspe; at ang lunsod ay ²dalisay na ³ginto, na katulad ng ²dalisay na salamin.

19 Ang mga ¹pundasyon ng pader ng lunsod ay napapalamutian ng bawa’t uri ng mahahalagang bato: ang unang pundasyon ay ²jaspe; ang ikalawa ay zafiro; ang ikatlo ay calcedonia; ang ikaapat ay esmeralda;

20 Ang ikalima ay sardonica; ang ikaanim ay sardio; ang ikapito ay crisolito; ang ikawalo ay berilo; ang ikasiyam ay topacio; ang ikasampu ay crisopasio; ang ikalabing-isa ay jacinto; ang ikalabindalawa ay amatista.

21 At ang labindalawang pintuan ay labindalawang ¹perlas; bawa’t pinto ay ²isang perlas. At ang ³lansangan ng lunsod ay dalisay na ginto, na gaya ng ⁴naaaninag na salamin.

22 At ¹wala akong nakitang ²templo sa loob nito, sapagka’t ang ^bPanginoong Diyos na Makapangyarihan-sa-lahat at ang Kordero ang siyang ²templo nito.

23 At ang lunsod ay ¹hindi nangangailangan ng araw, ni ng buwan man upang lumiwanag dito, sapagka’t nililiwanagan ng kaluwalhatian ng Diyos, at ang ²ilawan nito ay ang Kordero.

24 At ang mga ¹bansa ay lalakad sa pamamagitan ng ²liwanag nito; at ang mga ³hari sa lupa ay mangagdadala ng kanilang ⁴kaluwalhatian sa loob niyaon.

25 At ang mga pintuan niyaon anumang paraan ay hindi ¹isasara sa araw, sapagka’t ²hindi magkakaroon doon ng ²gabi.

26 At dadalhin nila sa loob niyaon ang ¹kaluwalhatian at ang ²karangalan ng mga bansa.

27 At hindi papasok doon sa anumang paraan ang anumang bagay na karumal-dumal, o siyang gumagawa ng <> at ng kasinungalingan, kundi ¹yaon lamang mga nakasulat sa ²aklat ng buhay ng Kordero.