Apocalipsis 20

1 At nakita ko ang isang anghel na nananaog mula sa langit, na may susi ng kailalimang-walang-hanggan at isang malaking tanikala sa kanyang kamay.

2 At sinunggaban niya ang dragon, ang antigong ahas, na siyang Diyablo at Satanas, at ¹iginapos sa loob ng isang libong taon,

3 At siya ay ibinulid sa kailalimang-walang-hanggan, at sinarhan at tinatakan ito sa ibabaw niya, upang hindi na niya malinlang pa ang mga bansa, hanggang sa maganap ang isang libong taon. Pagkatapos nito ay kailangan siyang pakawalan nang kaunting panahon.

4 At nakita ko ang mga trono at ang ¹mga nagsisiluklok sa mga ito, at pinagkalooban sila ng paghatol. At nakita ko ang mga ²kaluluwa ng mga pinugutan ng ulo dahil sa patotoo ni Hesus, at dahil sa salita ng Diyos, at ang ³mga hindi sumamba sa halimaw, ni sa kanyang larawan man, at hindi tumanggap ng marka sa kanilang noo at sa kanilang kamay; at sila ay ⁴nangabuhay, at nagsipagharing kasama ni ⁵Kristo sa loob ng isang libong taon.

5 At ang ¹natitira pa sa mga patay ay hindi nangabuhay hanggang sa maganap ang isang libong taon. Ito ang ²unang pagkabuhay-na-muli.

6 ¹Pinagpala at banal ang ²may bahagi sa unang pagkabuhay-na-muli: sa mga ito ay walang awtoridad ang ³ikalawang kamatayan; kundi sila ay magiging mga ⁴saserdote ng Diyos at ni ⁵Kristo, at mangaghaharing kasama Niya sa loob ng ⁶isang libong taon.

7 At kung maganap na ang isang libong taon, si Satanas ay kakalagan sa kanyang ¹bilangguan,

8 At lalabas upang ang mga bansa na nasa na sulok ng lupa, ang ¹Gog at Magog, upang tipunin sila sa ²pagdirigma, na ang bilang nila ay gaya ng buhangin sa dagat.

9 At nangagsipanhik sila sa kalaparan ng lupa, at pinaligiran ang ¹kampamento ng mga banal at ang iniibig na ¹lunsod; at bumaba ang ²mula sa langit, at sila ay nilamon.

10 At ang ^aDiyablo na dumaya sa kanila ay ibinulid sa ¹dagat-dagatang apoy at asupre, na kinaroroonan din naman ng halimaw at ng bulaang propeta; at sila ay pahihirapan araw at gabi magpakailan kailanman.

11 At nakita ko ang isang malaking ¹puting trono, at ²Siyang nakaluklok doon, na sa Kanyang harapan ang lupa at ang ³langit ay tumakas, at walang nasumpungang kalalagyan nila.

12 At nakita ko ang mga , ang malalaki at ang maliliit, na ¹nangakatayo sa harapan ng trono, at nangabuksan ang mga ²aklat; at nabuksan ang isa pang ³aklat, na siyang aklat ng buhay. At ang mga patay ay hinatulan ayon sa mga bagay na nasusulat sa mga ²aklat, ayon sa kanilang mga gawa.

13 At ibinigay ng ¹dagat ang mga patay na nasa kanya, at ibinigay ng kamatayan at ng Hades ang mga patay na nasa kanila; at sila ay hinatulan bawa’t isa ayon sa kani-kaniyang mga gawa.

14 At ang ¹kamatayan at ang Hades ay ibinulid sa dagat-dagatang apoy. Ito ang ²ikalawang kamatayan, samakatuwid ay, ang dagat-dagatang apoy.

15 At kung ang sinuman ay ¹hindi nasumpungang nakasulat sa ²aklat ng buhay, siya ay ibinulid sa ³dagat-dagatang apoy.