Apocalipsis 11

1 At binigyan ako ng isang ¹tambong katulad ng isang ¹pamalo, at siya ay nagsabi, Tumindig ka at ²sukatin mo ang ³templo ng Diyos, at ang ⁴dambana, at ang mga sumasamba roon.

2 At ang ¹loobang nasa labas ng ²templo ay pabayaan mo at huwag mong sukatin, sapagka’t ito ay ibinigay na sa mga bansa, at kanilang yuyurakan ang ³banal na lunsod nang ⁴apatnapu’ t dalawang buwan.

3 At pagkakalooban ko ng awtoridad ang Aking ¹dalawang saksi, at sila ay magsisipagpropesiya ng ²isang libo at dalawang daan at animnapung araw, na nararamtan ng ³magagaspang na kayo.

4 Ang mga ito ay ang dalawang ¹punong olibo at ang dalawang ²patungan-ng-ilawan na nakatayo sa harapan ng Panginoon ng lupa.

5 At kung nasain ng sinuman na sila ay saktan, may apoy na lumalabas sa kanilang bibig, at lumalamon sa kanilang mga kaaway. At kung nasain ng sinuman na sila ay saktan, sa ganitong paraan siya papatayin.

6 Ang mga ito ay may awtoridad na magsara ng langit upang huwag umulan sa loob ng mga araw ng kanilang propesiya; at may awtoridad sila sa mga tubig na mapaging dugo ang mga ito, at mapahirapan ang lupa ng bawa’t salot sa tuwing kanilang nasain.

7 At kapag natapos na nila ang kanilang ¹patotoo, ang ²halimaw na aahon mula sa kailalimang-walang-hanggan ay sa kanila, at pagtatagumpayan sila, at papatayin sila.

8 At ang kanilang mga bangkay ay mapapasa lansangan ng ¹dakilang lunsod na sa espirituwal na pagpapakahulugan ay tinatawag na ²Sodoma at Ehipto, na roon din naman ipinako-sa-krus ang Panginoon nila.

9 At tinitingnan ng mga taong mula sa gitna ng mga bayan at mga lipi at mga wika at mga bansa ang kanilang mga bangkay nang tatlong araw at kalahati, at hindi nila pahihintulutang ang kanilang mga bangkay ay mailagay sa nitso.

10 At ang mga nananahan sa ibabaw ng lupa ay mangagagalak tungkol sa kanila, at mangatutuwa; at sila ay mangagpapadalahan ng mga regalo, sapagka’t ang dalawang propetang ito ay nagpahirap sa mga nananahan sa ibabaw ng lupa.

11 At pagkatapos ng ¹tatlo at kalahating araw, ang ²hininga ng buhay na mula sa Diyos ay pumasok sa kanila, at sila ay ³tumayo sa kanilang mga paa; at dinatnan ng malaking takot ang mga tumitingin sa kanila.

12 At narinig nila ang isang ¹malakas na tinig mula sa langit na nagsasabi sa kanila, Umakyat kayo rito. At sila ay ²umakyat sa langit sa isang alapaap, at pinagmasdan sila ng kanilang mga kaaway.

13 At nang oras na iyon ay nagkaroon ng isang malakas na lindol, at nagiba ang ikasampung bahagi ng ¹lunsod; at ang mga ²pangalan ng mga taong namatay sa lindol ay pitong libo, at ang iba ay natakot, at nagbigay ng kaluwalhatian sa Diyos sa langit.

14 Nakaraan na ang ikalawang pighati; narito, nagmamadaling dumating ang ¹ikatlong pighati.

15 At ¹nagtrumpeta ang ²ikapitong anghel; at nagkaroon ng malalakas na tinig sa langit, na nagsasabi, Ang ³kaharian ng sanlibutan ay naging kaharian ng ating Panginoon at ng Kanyang Kristo, at Siya ay ⁴maghahari magpakailanman.

16 At ang dalawampu’t apat na matanda na nakaupo sa kani-kanilang trono sa harapan ng Diyos ay nagpatirapa, at nagsisamba sa Diyos,

17 Na nagsasabi, Pinasasalamatan Ka namin, O Panginoong Diyos na Makapangyarihan-sa-lahat, na Siyang ngayon, at Siyang nakaraan, sapagka’t hinawakan Mo ang Iyong dakilang kapangyarihan, at Ikaw ay naghari.

18 At nagalit ang mga bansa, at dumating ang Iyong ¹poot, at ang panahon upang ²mahatulan ang mga patay, at ang panahon upang bigyan Mo ng ³gantimpala ang Iyong mga aliping propeta, at ang mga banal, at ang mga ⁴natatakot sa Iyong pangalan, ang maliliit at malalaki, at upang ⁵puksain Mo ang mga mamumuksa ng lupa.

19 At nabuksan ang ¹templo ng Diyos na nasa langit, at nakita sa Kanyang ¹templo ang ng Kanyang tipan; at nagkaroon ng mga kidlat at mga tinig, at mga kulog at isang ²lindol at malaking granizo.