Apocalipsis 10

1 ¹At nakita ko ang ²ibang malakas na Anghel na nananaog mula sa langit, na nabibihisan ng isang alapaap; at ang ³bahaghari ay nasa Kanyang ulo, at ang Kanyang mukha ay gaya ng ⁴araw, at ang Kanyang mga paa ay gaya ng mga ⁵haliging ⁶apoy;

2 At may isang ¹maliit na aklat na bukas sa Kanyang kamay. At ²itinuntong Niya ang Kanyang kanang paa sa dagat, at ang kaliwa sa lupa,

3 At sumigaw sa isang ¹malakas na tinig na gaya ng ²leon na umaatungal. At pagkasigaw Niya, ang ³pitong kulog ay ⁴umugong ng kanilang mga sariling tinig.

4 At pagkasalita ng pitong kulog ay pasulat na ako; at narinig ko ang isang tinig mula sa langit na nagsasabi, Tatakan mo ang mga bagay na sinalita ng pitong kulog, at huwag mong isulat.

5 At ang Anghel na nakita kong nakatayo sa ibabaw ng dagat at sa ibabaw ng lupa ay nagtaas ng Kanyang kanang kamay sa langit,

6 At ¹ipinanumpa Yaong nabubuhay magpakailanman, na ng langit at ng mga ²bagay na naroroon, at ng lupa at ng mga ³bagay na naririto, at ng dagat at ng mga bagay na ⁴naroroon, na hindi na ⁵magluluwat ang panahon;

7 Kundi sa ¹mga araw na ang tinig ng ikapitong anghel, kapag malapit na siyang magtrumpeta, kung magkagayon, ang ²hiwaga ³rin ng Diyos ay ⁴ganap na, ayon sa ⁵mabuting balita na Kanyang ipinahayag sa Kanyang mga Sariling aliping propeta.

8 At ang tinig na narinig kong mula sa langit ay muling nagsalita sa akin at nagsabi, Humayo ka, kunin mo ang maliit na aklat na bukas na nasa kamay ng Anghel na nakatayo sa ibabaw ng dagat at sa ibabaw ng lupa.

9 At pumaroon ako sa Anghel, na sinasabi ko sa Kanya na ibigay sa akin ang maliit na aklat. At sinabi Niya sa akin, Kunin mo ito, at ito ay kainin mo, at papapaitin nito ang iyong tiyan, datapuwa’t sa iyong bibig ay magiging ito na gaya ng pulot.

10 At kinuha ko ang maliit na aklat sa kamay ng Anghel, at ¹kinain ko ito, at sa aking bibig ay ²matamis itong gaya ng pulot; at nang aking makain, ay pumait ang aking tiyan.

11 At sinabi ¹nila sa akin, Dapat kang magpropesiyang ²muli sa maraming mga bayan at mga bansa at mga wika at mga hari.