Juan 17

1 Ang mga bagay na ito ay sinalita ni Hesus, at nang tumingin Siya sa langit ay sinabi Niya, Ama, dumating na ang oras; ¹luwalhatiin Mo ang Iyong Anak upang Ikaw ay luwalhatiin ng Anak;

2 Gaya nang ibinigay ¹Mo sa Kanya ang awtoridad sa lahat ng laman, upang bigyan Niya ng ²buhay na walang hanggan ang lahat ng ibinigay Mo sa Kanya.

3 At ito ang ¹buhay na walang hanggan, na Ikaw ay makilala nila na iisang Diyos na tunay, at Siya na Iyong ²isinugo, samakatuwid ay si Hesu-Kristo.

4 ¹Niluwalhati na Kita sa lupa, pagkaganap Ko ng gawa na ipinagawa Mo sa Akin.

5 At ngayon, Ama, ¹luwalhatiin Mo Ako kasama ng Iyong Sarili, ng kaluwalhatian na Aking tinaglay ²kasama Mo bago pa ang sanlibutan

6 Ipinahayag Ko na ang Iyong ¹pangalan sa mga tao na ibinigay Mo sa Akin mula sa sanlibutan. Sila ay Iyo, at sila ay ibinigay Mo sa Akin, at tinupad nila ang Iyong ²salita.

7 Ngayon ay nangakilala nila na ang lahat ng bagay na sa Akin ay ibinigay Mo ay mula sa Iyo;

8 Sapagka’t ang ¹mga salitang sa Akin ay ibinigay Mo ay ibinigay Ko sa kanila, at kanilang tinanggap, at nangakilala nilang tunay na Ako ay nagbuhat ²mula sa Iyo, at sila ay nanampalataya na Ikaw ang nagsugo sa Akin.

9 Ako ay humihiling para sa kanila; Ako ay hindi humihiling para sa sanlibutan, kundi para sa mga yaong ibinigay Mo na sa Akin, sapagka’t sila ay Iyo;

10 At ang lahat ng Akin ay Iyo, at ang Iyo ay Akin; at Ako ay ¹naluwalhati na sa loob nila.

11 At wala na Ako sa sanlibutan, at sila ay nasa sanlibutan; at Ako ay paririyan sa Iyo. ¹Amang Banal, ingatan Mo sila ²sa Iyong pangalan, yaong mga ibinigay Mo na sa Akin, upang sila ay maging isa na gaya naman Natin.

12 Samantalang Ako ay kasama nila, iningatan Ko sila sa Iyong pangalan, yaong mga ibinigay Mo sa Akin, at sila ay binantayan Ko, at isa man sa kanila ay walang ¹napahamak, liban sa anak ng ¹kapahamakan, upang matupad ang Kasulatan.

13 Nguni’t ngayon ay napaririyan Ako sa Iyo, at sinasalita Ko ang mga bagay na ito sa sanlibutan upang matamo nila nang ganap ang Aking kagalakan sa loob nila.

14 Ibinigay Ko na sa kanila ang Iyong ¹salita, at kinamuhian sila ng ²sanlibutan, sapagka’t hindi sila ³sa ²sanlibutan, gaya Ko naman na hindi ³sa ²sanlibutan.

15 Hindi Ko isinasamo na alisin Mo sila sa sanlibutan, kundi ¹ingatan Mo sila mula sa ²masama.

16 Hindi sila ¹sa sanlibutan, na gaya Ko naman na hindi ¹sa sanlibutan.

17 ¹Pakabanalin Mo sila sa ²katotohanan; ang ³salita Mo ay ²katotohanan.

18 Kung paanong Ako ay Iyong ¹isinugo tungo sa sanlibutan, sila ay gayon ding ¹isinugo Ko tungo sa loob ng sanlibutan.

19 At dahil sa kanila ay ¹pinabanal Ko ang Aking Sarili, upang sila naman ay mapabanal sa katotohanan.

20 Hindi lamang sila ang isinasamo Ko, bagkus sila rin naman na mga nagsisisampalataya ¹sa Akin sa pamamagitan ng kanilang salita,

21 Upang silang lahat ay maging ¹isa; na gaya Mo, Ama, na nasa loob Ko at Ako ay nasa loob Mo, na sila naman ay mapasaloob Natin, upang ang sanlibutan ay sumampalataya na Ako ay isinugo Mo.

22 At ang ¹kaluwalhatiang ibinigay Mo na sa Akin ay ibinigay Ko na sa kanila, upang sila ay maging ²isa, na gaya naman Natin na iisa;

23 Ako ay nasa loob nila, at Ikaw ay nasa loob Ko, upang sila ay mapasakdal at maging isa, upang makilala ng sanlibutan na Ako ay isinugo Mo at sila ay Iyong ¹inibig, gaya ng Iyong pagkaibig sa Akin.

24 Ama, ibig Kong yaong mga ibinigay Mo na sa Akin ay ¹dumuong kasama Ko kung saan Ako naroroon, upang makita nila ang kaluwalhatian Ko na ibinigay Mo sa Akin, sapagka’t Ako ay Iyong inibig na bago ang pagkatatag ng sanlibutan.

25 O ¹Amang matuwid, hindi Ka ²nga nakikilala ng sanlibutan, nguni’t nakikilala Kita, at nakikilala ng mga ito na Ikaw ang nagsugo sa Akin;

26 At ipinakilala Ko sa kanila ang Iyong pangalan, at ipakikilala Ko, upang ang ¹pag-ibig na sa Akin ay ipinang-ibig Mo ay mapasaloob nila, at Ako ay mapasaloob nila.