2 Juan

1 Ang ¹matanda, sa hirang na ²ginang at sa kanyang mga anak, na aking iniibig sa loob ng ³katotohanan, at hindi lamang ako, bagkus pati na ng lahat ng mga ⁴nakakikilala ng ⁵katotohanan,

2 ¹Dahil sa ²katotohanang nananahan sa atin at sasa atin magpakailanman.

3 Ang biyaya, awa, at, kapayapaang mula sa Diyos Ama at mula kay Hesu-Kristo, ang Anak ng Ama, ay sasa ¹atin, sa loob ng ²katotohanan at pag-ibig.

4 Ako ay ¹lubhang nagagalak na aking nasumpungan, ang ilan, sa iyong mga anak na nagsisilakad sa loob ng ²katotohanan, ayon sa ating tinanggap na ³utos sa Ama.

5 At ngayon ipinamamanhik ko sa iyo, ginang, na hindi sa sinusulatan kita ng isang bagong utos, kundi ¹yaong ating tinanggap ²buhat nang pasimula, na tayo ay mangag-ibigan sa isa’t isa.

6 At ito ang pag-ibig, na tayo ay magsilakad ayon sa Kanyang mga utos. Ito ang utos, na tayo ay magsilakad sa loob ng pag-ibig, gaya ng inyong narinig buhat nang pasimula.

7 Sapagka’t maraming ¹manlilinlang na lumabas patungo sa sanlibutan, na mga ²hindi nagpapahayag na si Hesu-Kristo ay napariritong ³nasa laman. Ito ang manlilinlang at ang ⁴antikristo.

8 ¹Mag-ingat kayo sa inyong sarili, upang huwag ²mawala sa inyo ang ³mga bagay na aming naisagawa, kundi, upang makatanggap kayo ng isang buong ⁴gantimpala.

9 Ang sinumang ¹lumalabis at hindi nananahan sa ²pagtuturo ni Kristo, ay walang Diyos; siya na nananahan sa pagtuturo, ang isang ito ay ³mayroong kapwa ng Ama at ng Anak.

10 Kung ang sinuman ay dumating sa inyo at hindi ¹dala ang pagtuturong ito, huwag ninyo ²siyang tanggapin sa inyong bahay, at huwag ninyong sasabihin sa kanya, ³Magalak ka!

11 Sapagka’t ang nagsasabi sa kanyang, Magalak ka, ay nakikibahagi sa kanyang ¹masasamang gawa.

12 Yamang maraming bagay pa na isusulat sa inyo, hindi ko ibig na isulat, sa pamamagitan ng papel at tinta, datapuwa’t ¹inaasahan kong pumariyan sa inyo at makipag-usap nang ²mukhaan, upang malubos ang ³ating kagalakan.

13 Ang ¹mga anak ng iyong hirang na ²kapatid-na-babae ay bumabati sa iyo.