2 Timoteo 3

1 ¹Datapuwa’t alamin mo ito, na sa mga ²huling araw ay ³darating ang ⁴mahihirap na panahon;

2 Sapagkat ang mga ¹tao ay magiging mga ²mangingibig ng kanilang sarili, mangingibig ng salapi, mayayabang, mga ³mapagmalaki, ⁴manlalait, masuwayin sa mga magulang, mga ⁵walang utang na loob, mga walang kabanalan,

3 Walang katutubong pag-ibig, mga ¹hindi mapagpatawad, mga palabintang, mga walang pagpipigil sa sarili, mababangis, mga di-mangingibig ng mabuti,

4 Mga ¹traydor, mga ²walang taros, mga ³binulag ng kapalaluan, mga ⁴mangingibig ng kalayawan kaysa mga mangingibig ng Diyos;

5 Na may ¹anyo ng pagkamakadiyos, datapuwa’t tinanggihan ang ²kapangyarihan nito; lumayo ka rin naman sa mga ito.

6 Sapagkat sa mga ito ang nanganggagapang sa mga bahay, at nangangbibihag ng babaeng haling na lipos ng mga kasalanan, hinihila ng iba’t ibang pita,

7 Na laging nagsisipag-aral, at kailanman ay hindi nakararating sa ¹lubos na pagkaalam ng katotohanan.

8 At kung paanong si ¹Janes at si Jambres ay nagsilaban kay Moises, gayundin naman ang mga ito ay nagsisisalungat sa ²katotohanan, mga taong masasama ang kaisipan, mga ³itinakwil hinggil sa ⁴pananampalataya.

9 Ngunit sila ay hindi makapagpapatuloy, sapagkat mahahayag nang lubusan sa lahat ng mga tao ang kanilang ¹kamangmangan, gaya naman ng pagkahayag ng kamangmangan ng mga ²yaon.

10 Ngunit mahigpit mong sinunod ang aking aral, ¹pag-uugali, ²layunin, pananampalataya, pagpapahinuhod, pag-ibig, pagtitiis,

11 Mga pag-uusig, mga pagbabatá, anumang bagay na nangyari sa akin sa Antioquia, sa Iconio, sa ¹Listra; anumang mga pag-uusig na tiniis ko; at sa lahat ng yaon ay iniligtas ako ng Panginoon.

12 Oo, at lahat ng ¹nagnanais ²mabuhay nang maka-diyos sa loob ni Kristo Hesus ay uusigin.

13 Datapuwa’t ang masasamang tao at mga ¹mandaraya ay lalong sasama nang sasama, na nandaraya, at nadaraya.

14 Datapuwa’t ¹manatili ka sa mga ²bagay na iyong natutuhan at sa pinagkaroonan mo ng katiyakan, yamang nalalaman mo kung kanino ka natuto;

15 ¹At mula sa pagkasanggol ay iyong nalalaman ang mga banal na kasulatan na makapagpaparunong sa iyo sa ikaliligtas sa pamamagitan ng ²pananampalatayang nasa loob ni Kristo Hesus.

16 ¹Ang lahat ng Kasulatan ay ²inihinga ng Diyos at kapaki-pakinabang sa pagtuturo, sa ³pagsasansala, sa ⁴pagwawasto, sa ⁵ikatututo na nasa katuwiran,

17 Upang ang ¹tao ng Diyos ay maging ²kumpleto, ³nasangkapang lubos sa bawat gawang mabuti.