1 Timoteo 4

1 ¹Nguni’t hayag na sinasabi ng ²Espiritu, na sa mga ³huling panahon ang iba ay lilisan sa ⁴pananampalataya, at makikinig sa mga ⁵espiritung mapanlinlang at sa mga aral ng mga ⁶demonyo,

2 ¹Sa pamamagitan ng pagpapaimbabaw ng mga tao na nagsisipagsalita ng mga kasinungalingan, na ²naherohan sa kanilang mga sariling budhi ng waring ³bakal na nagbabaga,

3 Na nagbabawal ng ¹pag-aasawa, at nag-uutos na lumayo sa mga ¹pagkain, na ²nilikha ng Diyos upang tanggapin na may pasasalamat ng mga ³nagsisisampalataya at ⁴lubusang nangakaaalam ng katotohanan.

4 Sapagka’t ang ¹bawa’t nilikha ng Diyos ay mabuti, at walang anumang nararapat na itakwil, kung tinatanggap nang may pasasalamat;

5 Sapagka’t ¹pinabanal ito sa pamamagitan ng ²salita ng Diyos at ng ³panalangin.

6 Kung ¹ipaaalala mo sa mga kapatid ang mga bagay na ito, ikaw ay magiging isang mabuting ²tagapaghain ni Kristo Hesus, na ³kinandili sa mga salita ng ⁴pananampalataya at ng ⁵mabuting aral na ⁶mahigpit mong sinusunod hanggang ngayon.

7 Subali’t ¹tanggihan mo ang mga ²di-banal at mga walang kabuluhang ³sabi-sabi ng mga matandang kababaihan. At ⁴magsanay ka tungo sa pagkamakadiyos.

8 Sapagka’t sa ehersisyo ng katawan ay may ¹kaunting pakinabang, nguni’t ang pagkamakadiyos sa ²lahat ng mga bagay ay pinakikinabangan, na may ³pangako sa buhay na ito, at sa darating.

9 Tapat ang salita, at karapat-dapat na tanggapin ng lahat;

10 Sapagka’t dahil dito ay nagsisipagpagal kami at nagsisipagsikap, sapagka’t inilagak namin ang aming pag-asa sa ¹buháy na Diyos, na Siyang Tagapagligtas ng lahat ng mga tao, lalung-lalo na ng mga yaong nagsisisampalataya.

11 Ang mga bagay na ito ay iyong iutos at ituro.

12 Huwag hayaang hamakin ng sinuman ang iyong ¹kabataan, kundi ikaw ay maging huwaran ng mga mananampalataya, sa ²pananalita, sa ugali, sa pag-ibig, sa pananampalataya, sa ³kadalisayan.

13 Hanggang sa ako ay pumariyan ay bigyan mo ng pansin ang ¹pagbabasa, ang panghihikayat, ang pagtuturo.

14 Huwag mong pabayaan ang ¹kaloob na ²nasa loob mo, na ibinigay sa iyo sa pamamagitan ng ³propesiya, na may ⁴pagpapatong ng mga kamay ng mga ⁵matanda.

15 Magsipag ka sa pagsasagawa ng mga bagay na ito; lubos mong ¹italaga sa mga ito ang iyong sarili, upang ang iyong ²pagsulong ay mahayag sa lahat.

16 ¹Pag-ingatan mo ang iyong sarili, at ang iyong pagtuturo. Manatili ka sa mga bagay na ito; sapagka’t sa paggawa ng ganito ay ililigtas mo kapwa ang iyong sarili at ang mga nagsisipakinig sa iyo.