Efeso 1

1 ¹Si Pablo, isang apostol ni Kristo Hesus sa pamamagitan ng ²kalooban ng Diyos, sa mga ³banal na ⁴nangasa Efeso, at sa mga ⁵tapat kay Kristo Hesus:

2 Sumainyo nawa ang ¹biyaya at ²kapayapaang mula sa ³Diyos na ating Ama at sa ⁴Panginoong Hesu-Kristo.

3 ¹Pagpalain ang ²Diyos at Ama ng ³ating Panginoon Hesu-Kristo, na Siyang ⁴nagpala sa atin ⁵ng bawa’t ⁶espirituwal na ⁷pagpapapala sa ⁸sangkalangitan ⁹sa loob ni Kristo,

4 Ayon sa ¹pagkahirang Niya sa atin sa loob Niya ²bago itinatag ang sanlibutan, upang tayo ay maging ³banal at ⁴walang dungis ⁵sa harapan Niya, ⁶sa loob ng ⁷pag-ibig,

5 Na tayo ay ¹itinalaga Niya noong una pa sa ²pagka-anak ³sa pamamagitan ni Hesu-Kristo sa ganang Kanya, ayon sa ⁴mabuting kaluguran ng Kanyang kalooban,

6 ¹Sa ikapupuri ng ²kalulwalhatian ng Kanyang biyaya, na Kanyang ³ipinangbiyaya sa atin sa loob ng ⁴sinisinta;

7 Na sa Kanya ay mayroon tayong ¹katubusan sa pamamagitan ng Kanyang dugo, ng ²kapatawaran ng ating mga pagsasalansang, ayon sa mga kayamanan ng Kanyang biyaya,

8 Na ¹pinasagana Niya sa atin, sa buong ²karunungan at sa maingat na katalinuhan,

9 ¹Na ipinakilala Niya sa atin ang ²hiwaga ng Kanyang kalooban, ³ayon sa Kanyang mabuting kaluguran na ⁴nilayon Niya sa Kanyang

10 Tungo sa ¹ekonomiya ng ²kaganapan ng mga panahon, upang ³ipasailalim sa isang ulo ang lahat ng mga bagay kay ⁴Kristo, ang mga bagay na nangasasangkalangitan at ang mga bagay na nangasaibabaw ng lupa, sa Kanya,

11 Na tayo rin naman sa Kanya ay ¹ginawang mana, na ²itinalaga na Niya tayo noong una pa ayon sa ³layon Niyaong gumagawa ng lahat ng mga bagay ayon sa ³pasiya ng Kanyang kalooban,

12 Upang tayo ay maging ¹sa ikapupuri ng Kanyang kaluwalhatian, tayo na nagsiasa ²noong una kay Kristo;

13 Na sa Kanya kayo rin naman, pagkarinig ng salita ng katotohanan, ang ebanghelyo ng inyong kaligtasan, na sa Kanya rin naman, kayo ay nagsisampalataya, kayo ay ¹tinatakan ng Espiritu Santo ²na ipinangako,

14 Na Siyang ¹prenda ng ating ²mana, ³hanggang sa ⁴ikatutubos ng ⁵natamong pag-aari ng Diyos sa ⁶ikapupuri ng Kanyang kaluwalhatian.

15 Dahil dito ako rin naman, pagkarinig sa pananampalataya sa Panginoong Hesus na nasa inyo, at sa inyong ¹pag-ibig sa lahat ng mga banal,

16 Ay hindi tumitigil ang pagpapasalamat para sa inyo, na aking binabanggit kayo sa aking mga panalangin,

17 Upang ipagkaloob sa inyo ng ¹Diyos ng ating Panginoong Hesu-Kristo, ng ²Ama ng kaluwalhatian, ang ³espiritu ng ⁴karunungan at ng pahayag sa lubos na pagkakilala sa Kanya,

18 Yamang ang mga ¹mata ng inyong puso ay ²naliwanagan, upang malaman ninyo kung ano ang ³pag-asa ng Kanyang ⁴pagtawag,

19 At kung ano ang humihigit na kadakilaan ng Kanyang ¹kapangyarihan tungo sa ating nagsisisampalataya, ²ayon sa paggawa ng ³kapangyarihan ng Kanyang kalakasan,

20 Na Kanyang naisagawa kay Kristo, nang Siya ay Kanyang ¹ibinangon mula sa mga patay, at nang Siya ay ²pinaupo sa Kanyang ³kanan sa ⁴sangkalangitan,

21 Sa kaiba-ibabawan ng lahat ng ¹pamunuan, at awtoridad, at kapangyarihan, at pagkapanginoon, at ng bawa’t ²pangalan na ipinangalan, hindi lamang sa kapanahunang ito, bagkus maging sa darating;

22 At ang lahat ng mga bagay ay ¹pinasuko Niya sa ilalim ng Kanyang mga paa, at Siyang ²pinagkaloobang maging Ulo ng lahat ng mga bagay ³sa ⁴ekklesia,

23 Na siyang ¹Katawan Niya, ang ²kapuspusan Niyaong ³pumupuspos ng lahat sa lahat.