1 Corinto 12

1 Ngayon tungkol sa ¹mga espiritwal na kaloob, mga kapatid, hindi ko ibig na hindi kayo mangakaalam.

2 Nalalaman ninyo na nang kayo ay mga Hentil pa, kayo ay ¹dinala sa mga piping diyos-diyosan, maging anuman ang paraan ng pagkadala sa inyo.

3 Kaya’t ipinatatalastas ko sa inyo na walang sinumang ¹nagsasalita sa loob ng Espiritu ng Diyos ang nagsasabi, ²Si Hesus ay isinumpa; at ³walang sinumang makapagsasabi, Panginoong Hesus, maliban sa loob ng Espiritu Santo.

4 ¹Bagama’ t may ²iba’ t ibang ³kaloob, datapuwa’t iisa rin namang Espiritu;

5 At may iba’t ibang ¹ministeryo, datapuwa’t iisa rin namang Panginoon;

6 At may iba’t ibang ¹kinalabasan ng paggawa, datapuwa’t iisa rin namang ²Diyos na gumagawa ng lahat ng mga bagay sa lahat.

7 Datapuwa’t sa bawa’ t isa ay ibinibigay ang ¹kahayagan ng Espiritu, ²upang pakinabangan naman.

8 Sapagka’t sa isa, sa pamamagitan ng Espiritu, ay ibinibigay ang isang ¹salita ng karunungan, at sa iba ay isang ¹salita ng kaalaman, ayon din naman sa iisang Espiritu;

9 Sa iba ay ang ¹pananampalataya sa gayunding Espiritu, at sa iba ay ang mga ²kaloob ng pagpapagaling sa iisang Espiritu;

10 At sa iba ay ang mga kinalabasan ng paggawa ng mga ¹gawa ng kapangyarihan, at sa iba ay ²propesiya, at sa iba ay ang ³pagkilala sa mga espiritu; at sa iba ay ang iba’t ibang ⁴wika, at sa iba ay ang ⁵pagpapaliwanag ng mga wika.

11 Datapuwa’t ang lahat ng ito ay ginagawa ng iisa at ng gayunding Espiritu, na ibinabahagi sa bawa’t isa ayon sa kanyang paglalayon.

12 ¹Sapagka’t kung paanong ang katawan ay iisa at may maraming sangkap, at ang lahat ng mga sangkap ng katawan bagama’t marami ay iisang katawan, gayundin naman si ²Kristo;

13 Sapagka’t sa ¹iisang Espiritu ay binautismuhan tayong lahat sa ²iisang Katawan, maging tayo ay ³Hudyo o Griyego, maging mga ⁴alipin o mga laya, at tayong lahat ay ⁵pinainom sa iisang Espiritu.

14 Sapagka’t ang katawan din ay hindi iisang sangkap kundi marami.

15 Kung sasabihin ng paa, Sapagka’t hindi ako kamay ay hindi ako sa katawan, hindi ng dahil dito ay hindi sa katawan.

16 At kung sasabihin ng tainga, Sapagka’t hindi ako mata ay hindi ako sa katawan, hindi ng dahil dito ay hindi sa katawan.

17 Kung ang buong katawan ay pawang mata, saan naroroon ang pakinig? Kung ang kabuuan ay pawang pakinig, saan naroroon ang pang-amoy?

18 Datapuwa’t ngayon ay inilagay ng Diyos ang mga sangkap, ang bawa’t isa sa kanila, sa katawan, ayon sa Kanyang minagaling.

19 At kung ang lahat nga ay pawang isang sangkap, saan naroroon ang katawan?

20 Datapuwa’t maraming sangkap nga, nguni’t iisa ang katawan.

21 At hindi makapagsasabi ang mata sa kamay, Hindi kita kailangan; at gayundin naman ang ulo sa mga paa, Hindi ko kayo kailangan.

22 Hindi, kundi lalo pang kailangan yaong mga sangkap ng katawan na wari ay lalong mahihina.

23 At yaong mga sangkap ng katawan na inaakala nating kakaunti ang kapurihan, sa mga ito ay ibinibihis natin ang lalong saganang kapurihan, at sa mga sangkap nating walang kagandahan ay may lalong saganang kagandahan;

24 Yamang ang mga sangkap nating magaganda ay walang kailangan. Datapuwa’t ¹hinusay ng Diyos ang katawan nang sama-sama, binigyan ng lalong saganang puri yaong sangkap na may kakulangan,

25 Upang huwag magkaroon ng ¹pagkakabaha-bahagi sa katawan, kundi ang mga sangkap ay mangagkaroon ng ²magkakatulad na pangangalaga sa isa’t isa.

26 At kung ang isang sangkap ay nagdurusa, ang lahat ng mga sangkap ay nangagdurusang kasama niya; o kung ang isang sangkap ay naluluwalhati, ang lahat ng mga sangkap ay nangagagalak na kasama niya.

27 Kayo nga ang Katawan ni Kristo, at bawa’t isa ay sangkap Niya.

28 At ang Diyos ay naglagay ng ilan sa ¹ekklesia: unang-una ay ²mga apostol, ikalawa ay ³mga propeta, ikatlo ay ⁴mga guro; saka ⁵mga gawa ng kapangyarihan, saka mga ⁶kaloob ng pagpapagaling, ⁷mga pagtulong, ⁸mga pamamahala, at iba’t ibang ⁹wika.

29 Lahat ba ay mga apostol? Lahat ba ay mga propeta? Lahat ba ay mga guro? Lahat ba ay mga manggagawa ng mga kapangyarihan?

30 Lahat ba ay may mga kaloob na pagpapagaling? Lahat ba ay nangagsasalita ng ¹mga wika? ²Lahat ba ay nangagpapaliwanag?

31 Datapuwa’t nasain ninyo nang ¹masidhi ang ²mga lalong dakilang kaloob. At itinuturo ko sa inyo ang isang ³daang ekselente.