1 Corinto 11

1 ¹Maging tagatulad kayo sa ²akin, na gaya ko naman kay Kristo.

2 Kayo nga ay aking pinupuri, na sa lahat ng mga bagay ay naaalaala ninyo ako, at naiingatan ninyong matibay ang ¹mga turo, na gaya ng pagkakabigay ko sa inyo.

3 Datapuwa’t ibig kong malaman ninyo na ang ¹Ulo ng bawa’t lalake ay si Kristo, at ang ²ulo ng babae ay ang lalake, at ang ³Ulo ni Kristo ay ang Diyos.

4 Ang bawa’t lalakeng nananalangin o ¹nagpopropesiya na may takip ang ulo ay ²naglalagay ng kanyang ulo sa kahihiyan.

5 Datapuwa’t ang bawa’t babaeng nananalangin o nagpopropesiya na ¹walang takip ang ulo ay naglalagay ng kanyang ulo sa kahihiyan; sapagka’t ito ay iisang bagay at parehong bagay ng gaya sa isang ²inahitan.

6 Sapagka’t kung ang babae ay hindi natatakpan, ay pagupit naman; nguni’t kung kahiya-hiya sa babae ang pagupit o paahit ay ¹magtakip siya.

7 Sapagka’t katotohanang ang lalake ay hindi dapat magtakip sa kanyang ulo, palibhasa ay ¹larawan siya at kaluwalhatian ng Diyos; nguni’t ang babae ay siyang ²kaluwalhatian ng lalake.

8 Sapagka’t ang lalake ay hindi mula sa babae, kundi ang ¹babae ay mula sa lalake;

9 Sapagka’t hindi rin ¹nilalang ang lalake dahil sa babae kundi ang ²babae dahil sa lalake.

10 Dahil dito, nararapat na ang babae ay magkaroon ng tanda ng ¹awtoridad sa kanyang ulo ²dahil sa mga anghel.

11 Gayunman, ¹sa loob ng Panginoon, ang babae ay hindi maaaring wala ang lalake at ang lalake ay hindi maaaring wala ang babae.

12 Sapagka’t kung paanong ang babae ay mula sa lalake, gayundin naman ang lalake ay ¹sa pamamagitan ng babae; datapuwa’t ang lahat ng mga bagay ay mula sa Diyos.

13 Kayu-kayo ang humatol: Nararapat bang manalangin ang babae sa Diyos nang walang takip?

14 Hindi ba ang ¹kalikasan din ang nagtuturo sa inyo, na kung ang lalake ay may mahabang buhok, ito ay isang kahihiyan sa kanya;

15 Datapuwa’t kung ang babae ang may mahabang buhok, ito ba ay isang kaluwalhatian sa kanya? Sapagka’t ang buhok ay ibinigay sa kanya na pantakip

16 Datapuwa’t kung tila mapagtalu-talo ang sinuman, wala kaming ¹gayong ugali ni ang ²mga ekklesia man ng Diyos.

17 ¹Datapuwa’ t sa ²pagtatagubilin nito sa inyo ay hindi ko kayo pinupuri, sapagka’t kayo ay nangagkakatipon hindi sa lalong ikabubuti kundi sa lalong ikasasama.

18 Sapagka’t unang-una, nababalitaan ko na kung nangagkakatipon kayo ¹sa ekklesia, mayroon sa inyong mga pagkakabaha-bahagi, at may kaunting paniniwala ako.

19 Sapagka’t tunay na sa inyo ay may mga ¹pagkakabukud-bukod, upang yaong mga ²aprubado na ay ³mangahayag sa inyo.

20 Kung kayo nga ay nangagkakatipon, ay hindi upang kayo ay magsikain ng ¹hapunan ng Panginoon;

21 Sapagka’t sa inyong pagkain, ang bawa’t isa ay kumukuha ng kaniyang sariling ¹hapunan na nagpapauna sa iba; at ang isa ay gutom, at ang isa pa ay lasing.

22 Ano! Wala ba kayong mga bahay na inyong makakainan at maiinuman? O winawalang halaga ba ninyo ang ekklesia ng Diyos at hinihiya ninyo ang mga wala? Ano ang aking sasabihin sa inyo? Kayo ba ay aking pupurihin? Sa bagay na ito ay hindi ko kayo pinupuri.

23 Sapagka’t tinanggap ko sa Panginoon ang ibinigay ko naman sa inyo, na ang Panginoong Hesus nang gabing Siya ay ¹ipagkanulo ay dumampot ng tinapay,

24 At nang Siya ay makapagpasalamat ay Kanyang ¹pinira-piraso, at sinabi, Ito ay Aking katawan na para sa inyo; gawin ninyo ito ²sa ³pag-aalaala sa Akin.

25 At gayundin naman Kanyang hinawakan ang saro pagkatapos na makapaghapunan, na nagsasabi, Ang ¹sarong ito ay ang bagong tipan sa Aking dugo; gawin ninyo ito sa tuwing kayo ay ²magsisiinom, ³sa pag-aalaala sa Akin.

26 Sapagka’t sa tuwing kakanin ninyo ang tinapay na ito, at iinumin ang saro, ay ¹inihahayag ninyo ang pagkamatay ng Panginoon ²hanggang sa dumating Siya.

27 Kaya’t ang sinumang kumain ng tinapay, o uminom sa saro ng Panginoon, na ¹di-nararapat, ay ²magkakasala sa katawan at sa dugo ng Panginoon.

28 Datapuwa’t ¹siyasatin ng tao ang kanyang sarili, at saka kumain ng tinapay at uminom sa saro.

29 Sapagka’t ang kumakain at umiinom ay kumakain at umiinom ng ¹kahatulan sa kanyang sarili kung hindi niya ²kinikilala ³ang katawan.

30 Dahil ¹dito ay marami sa inyo ang ²mahihina at masasakitin, at hindi kakaunti ang ³nangatutulog.

31 Datapuwa’t kung ating ¹kikilalanin ang ating sarili, ay hindi tayo hahatulan;

32 Datapuwa’t kung tayo ay ¹hinahatulan ng Panginoon ay dinidisiplina tayo upang huwag tayong ²mahatulang kasama ng sanlibutan.

33 Dahil dito, mga kapatid ko, kung kayo ay mangagsasalu-salo sa pagkain, ay ¹mangaghintayan kayo.

34 Kung ang sinuman ay nagugutom, kumain siya sa bahay, upang ang inyong pagtitipun-tipon ay huwag maging sa paghahatol. At ang ¹mga natitirang bagay ay aking aayusin pagpariyan ko.