3 Juan

1 Ang ¹matanda, kay ²Gayo na minamahal, na aking iniibig sa loob ng ³katotohanan.

2 Minamahal, aking ¹ninanais na hinggil sa ²lahat ng bagay ay ³umunlad ka at maging ⁴malusog sa iyong pangangatawan, na gaya ng ³pag-unlad ng iyong ⁵kaluluwa.

3 Sapagka’t ako ay labis na ¹nagalak sa pagdating ng mga kapatid at sa kanilang pagpapatotoo sa ²iyong katotohanan, yaon ay, sa ³paglakad mo sa loob ng ⁴katotohanan.

4 Sa ganang akin, wala nang higit pang malaking kagalakan kaysa mga bagay na ito, na marinig ko na ang aking mga anak ay nagsisilakad sa ¹katotohanan.

5 Minamahal, ginagawa mo nang may katapatan ang ¹anumang iyong nagawa para sa mga kapatid, at ito ay para sa mga ²estranghero,

6 Na nangagpatotoo sa iyong ¹pag-ibig sa harapan ng ²ekklesia, na ³magiging magaling ang iyong gagawin kung ⁴tutulungan mo sila ⁵nang nararapat sa Diyos, sa kanilang paglalakbay;

7 Sapagka’t dahil sa ¹Pangalan, ay nagsihayo sila na walang kinukuhang anuman mula sa mga ²Hentil.

8 Nararapat nga nating ¹tangkilikin ang mga gayon, upang tayo ay maging kamanggagawa sa loob ng ²katotohanan.

9 Ako ay sumulat ng ilang bagay sa ¹ekklesia, datapuwa’t si ²Diotrefes na ibig ³maging pangunahin sa kanila, ay hindi kami ⁴tinatanggap.

10 Kaya’t kung pumariyan ako, ipaaalala ko ang mga gawang kanyang ginagawa, na ¹nagngangawa ng ²masasamang salita laban sa amin; at hindi nasisiyahan sa ganito, ni hindi rin niya tinatanggap ang mga kapatid, at yaong mga ibig tumanggap ay pinagbabawalan niya at pinalalayas sila sa ekklesia.

11 Minamahal, huwag mong tularan ang ¹masama, kundi ang mabuti. Ang ²gumagawa ng mabuti ay ³sa Diyos; ang ⁴gumagawa ng masama ay ⁵hindi nakakita sa Diyos.

12 Si ¹Demetrio ay pinatotohanan ng ²lahat, at ng ³katotohanan mismo; at ⁴kami rin ay nagpapatotoo, at nalalaman mo na ang aming patotoo ay ⁵tunay.

13 Maraming bagay pa ang isusulat ko sa iyo, subali’t hindi ko ibig isulat sa iyo sa pamamagitan ng tinta at panulat;

14 Datapuwa’t ¹inaasahan kong makita kang madali, at tayo ay magkakausap ng ²mukhaan.

Sumaiyo nawa ang kapayapaan. Binabati ka ng mga kaibigan. Batiin mo sa pangalan ang mga kaibigan.