2 Tesalonica 2

1 Ngayon ipinamamanhik namin sa inyo, mga kapatid, ¹tungkol sa ²pagparito ng ating Panginoong Hesu-Kristo, at sa ating ³pagkakatipon sa Kanya,

2 Upang huwag kayong madaling matigatig ¹sa inyong kaisipan, at huwag din naman kayong mabagabag maging ²sa pamamagitan man ng espiritu, o sa pamamagitan ng salita, o sa pamamagitan ng sulat na waring mula sa amin, na tila dumating na ang ³kaarawan ng Panginoon;

3 Huwag kayong ¹padaya kanino man sa anumang paraan; sapagkat ito ay hindi darating, malibang dumating muna ang ²apostasia, at mahayag ang ³tao ng ⁴katiwalian, ang anak ng kapahamakan,

4 Na sumasalansang at ¹nagmamataas laban sa lahat ng tinatawag na Diyos o sinasamba; anupa’t siya ay uupo sa ²templo ng Diyos, magtatanyag ng kanyang sarili na siya ay Diyos.

5 Hindi ba ninyo naaalaala nang ako ay kasama pa ninyo ay sinabi ko sa inyo ang mga bagay na ito?

6 At ngayon nalalaman ninyo ang ¹nakapipigil, upang siya ay mahayag sa kanyang sariling ²panahon.

7 Sapagkat ang ¹hiwaga ng ²katiwalian ay gumagawa na; lamang ay may pumipigil ngayon, hanggang sa ³alisin siya.

8 At kung magkagayon ay mahahayag yaong tiwali (na ¹papatayin ng Panginoong Hesus sa pamamagitan ng ²hininga ng Kanyang bibig, at lilipulin sa pamamagitan ng ³pagkahayag ng Kanyang ⁴pagparito),

9 Na ang kanyang pagparito ay ¹ayon sa paggawa ni Satanas, na may buong kapangyarihan at mga tanda at mga kamangha-manghang ²kasinungalingan,

10 At may buong daya ng kalikuan sa nangapapahamak, sapagkat hindi nila tinanggap ang pag-ibig ukol sa katotohanan, upang sila ay mangaligtas.

11 At dahil ¹dito, ipinadadala sa kanila ng Diyos ang paggawa ng kamalian, upang magsipaniwala sila sa kasinungalingan,

12 Upang mangahatulan silang lahat na hindi nagsisampalataya sa katotohanan, kundi ¹nangalugod sa kalikuan.

13 Ngunit kami ay dapat magpasalamat sa Diyos tuwina para sa inyo, mga kapatid na minamahal ng Panginoon, sa ¹pagkakahirang sa inyo ng Diyos ²buhat noong pasimula sa inyong ikaliligtas sa pamamagitan ng ³pagpapabanal ng Espiritu at ng inyong ⁴pananampalataya sa katotohanan,

14 ¹Sa kalagayan ding ito ay tinawag Niya kayo sa pamamagitan ng aming ebanghelyo, upang magkamit ng ²kaluwalhatian ng ating Panginoong Hesu-Kristo.

15 Kaya nga, mga kapatid, kayo ay tumayong matibay, at inyong panghawakan ang mga ¹aral na sa inyo ay itinuro, maging sa pamamagitan ng salita, o ng aming sulat.

16 Ngayon ang ating ¹Panginoong Hesu-Kristo Mismo, at ang Diyos na ating Ama na sa amin ay umibig at sa amin ay nagbigay ng ²walang hanggang kaaliwan at ³mabuting pag-asa sa loob ng ⁴biyaya,

17 Ay magbigay-aliw nawa sa inyong mga puso, at patatagin kayo sa bawat mabuting gawa at salita.