2 Pedro 2

1 ¹Nguni’t may nagsilitaw rin naman sa bayan na mga ^abulaang propeta, na gaya rin naman sa inyo na magkakaroon ng mga ^bbulaang guro, na ^2clihim na magpapasok ng mga ³nakapapahamak na ⁴erehiya na ^dmagtatatwa pati sa ^5ePanginoon na ^fbumili sa kanila, na magdadala sa kanilang sarili ng madaling ⁶pagkapuksa.

2 At maraming ¹magsisisunod sa kanilang mga kahalayan, na dahil sa kanila ay aalipustahin ang ²daan ng katotohanan.

3 At dahil sa kasakiman gagamitin nila ang mga pakunwaring salita upang kayo ay ipangalakal, na ang ¹hatol nga sa kanila mula ²noong una ay hindi nagluluwag, at ang kanilang ³pagkapuksa ay hindi umiidlip.

4 Sapagka’t kung ang Diyos ay hindi nagpatawad sa mga ¹anghel na nagkasala, kundi sila ay ibinigay sa mga hukay ng kadiliman, at itinapong paibaba sa ²Tartaro, upang itaan ³para sa ⁴paghuhukom,

5 At ang sinaunang sanlibutan ay hindi pinatawad, datapuwa’t iningatan si Noe, ang ¹ikawalo, isang tagapangaral ng ²katuwiran, noong Kanyang dalhin ang isang baha sa sanlibutan ng mga di-makadiyos;

6 At ang mga lunsod ng Sodoma at Gomorra ay hinatulan Niya ng ¹pagkalipol at Kanyang pinapaging-abo, upang maging halimbawa sa mga naglalayong ²mamuhay ng di-makadiyos na buhay;

7 At iniligtas ang matuwid na si Lot, na ¹nahahapis sa mahahalay na ²paraan ng pamumuhay ng mga ³tiwali

8 (Sapagka’t ang matuwid na ito na namamayang kasama nila, ay pinahihirapan araw-araw ang kanyang matuwid na kaluluwa sa pagkakita at pagkarinig niya sa kanilang mga gawang laban sa kautusan);

9 Ang Panginoon ay marunong magligtas sa ¹mga makadiyos sa pagsubok at magtaan sa ²mga di-matuwid sa ilalim ng kaparusahan ³para sa ⁴araw ng ⁵paghuhukom;

10 At lalung-lalo na ang ¹mga nagsisilakad nang ayon sa laman sa nakarurungis na pitang masama, at nangapopoot sa ²pagkapanginoon. Mga pangahas, ³mapagsariling-kalooban, hindi sila natatakot na magsialipusta sa mga ⁴maykapangyarihan,

11 Samantalang ang mga ¹anghel, bagama’t lalong dakila sa lakas at kapangyarihan, ay ²hindi nagdadala ng paghahatol na may alipusta laban ¹sa kanila sa harapan ng Panginoon.

12 Datapuwa’t ang mga ito, na gaya ng mga ¹hayop na ²walang bait, na talagang ipinanganak ³upang hulihin at ⁴lipulin, na nagsisialipusta sa mga bagay na hindi nila nalalaman, sa kanila ring ⁵pagpapasamâ ay malilipol sila;

13 ¹Na nagbabatá ng ²kalikuan na ^akabayaran ng ²gawang liko, inaaring isang ^bkasayahan ang magpakalayaw kung araw; mga ^3cdungis at kapintasan, na nagpapakalayaw sa kanilang mga daya, samantalang sila ay ^dnakikipagpiging sa inyo;

14 Na ¹may mga matang puspos ng pangangalunya at hindi tumitigil sa pagkakasala, na nagrarahuyo sa mga kaluluwang hindi matatag, na may pusong sanay sa kasakiman, mga anak ng sumpa;

15 Na pagkaalis sa ¹matuwid na daan ay naligaw sila, palibhasa ay ²nagsisunod sa daan ni ³Balaam na anak ni Beor, na umibig sa kabayaran ng kalikuan,

16 Datapuwa’t siya ay sinaway dahil sa kanyang sariling pagsalangsang isang ¹asnong pipi ang nagsalita sa tinig ng tao at pinigil ang kaululan ng propeta.

17 Ang mga ito ay mga ¹bukal na walang tubig at mga ulap na tinangay ng unos, na sa kanila ay itinaan ang ²kapusikitan ng kadiliman.

18 Sapagka’t sa pagsasalita ng mga kapalaluang walang kabuluhan, ay nirarahuyo nila sa pamamagitan ng masasamang pita ng laman, sa ¹kahalayan, yaong mga bahagyang nagsisitakas sa mga ²namumuhay sa kamalian,

19 Na kanilang pinangangakuan ng kalayaan, samantalang sila mismo ay mga alipin ng ¹kabulukan; sapagka’t ang nadaig ninuman ay naging alipin din naman niyaon.

20 Sapagka’t kung pagkatapos na sila ay makatakas sa mga pagkahawa sa sanlibutan sa pamamagitan ng lubos na pagkakilala sa Panginoon at Tagapagligtas na si Hesu-Kristo, at muling masala-salabid ng mga ito, sila ay nadaig, ang huling kalagayan nila ay sumamâ kaysa noong una.

21 Sapagka’t magaling pa kung hindi nila nakilala nang lubos ang ¹daan ng katuwiran, kaysa, pagkatapos na makilala ito nang lubos ay tumalikod sa banal na utos na ibinigay sa kanila.

22 Nangyari sa kanila ang ayon sa kawikaang tunay: Nagbabalik na muli ang ¹aso sa kanyang sariling suka, at ang babaeng baboy, na nahugasan, sa paglulubalob sa putik.