2 Pedro 1

1 Si ¹Simon Pedro, isang ²alipin at apostol ni Hesu-Kristo, sa ³mga ⁴inukulan ng ⁵magkakatulad na mahalagang ⁶pananampalataya na kasama ⁷namin ⁸sa ⁹katuwiran ng ating ¹⁰Diyos at Tagapagligtas na Hesu-Kristo:

2 Biyaya at kapayapaan ang sa inyo ay ¹maparami ²sa loob ng lubos na ³pagkakilala sa Diyos at kay ⁴Hesus na ating Panginoon;

3 Yamang ¹ipinagkaloob sa atin ng Kanyang ²dibinong kapangyarihan ang ³lahat ng bagay na may kaugnayan sa ⁴buhay at ⁵pagkamakadiyos, ⁶sa pamamagitan ng ⁷lubos na pagkakilala sa ⁸Kanya na tumawag sa atin ⁹sa Kanyang Sariling ¹⁰kaluwalhatian at ¹¹kagalingan,

4 Na ¹sa pamamagitan ng ²mga ito ay ipinagkaloob Niya sa atin ang Kanyang mga mahalaga at ³napakadakilang pangako, upang sa pamamagitan ng ⁴mga ito ay makabahagi kayo sa dibinong kalikasan, ⁵yamang nakatakas sa nasa sanlibutan na ⁶kabulukang ⁷mula sa masamang pita.

5 At dahil din dito, sa ¹pagkaragdag sa ganang inyo ng buong sipag, ay ²magtustos kayo nang masagana sa inyong ³pananampalataya ng ⁴kagalingan, at sa kagalingan, ng ⁵kaalaman,

6 At sa kaalaman, ng ¹pagpipigil-sa-sarili, at sa pagpipigil-sa-sarili, ng ²pagtitiis, at sa pagtitiis, ng ³pagkamakadiyos,

7 At sa pagkamakadiyos, ng ¹pag-ibig sa mga kapatid, at sa pag-ibig sa mga kapatid, ng ²pag-ibig.

8 Sapagka’t kung ¹nasa inyo ²ang mga bagay na ito at ³nananagana, ay hindi kayo ⁴mabubuuang mga ⁵tamad o mga ⁶walang bunga ⁷tungo sa lubos na ⁸pagkakilala sa ating Panginoong Hesu-Kristo;

9 Sapagka’t yaong wala ng ¹mga bagay na ito ay bulag, na ang ²nakikita lamang ay ang nasa malapit, na ³nakalimot na sa paglilinis ng kanyang dating mga kasalanan.

10 ¹Kaya, mga kapatid, lalo ninyong pagsikapang ²magpakatatag sa pagkatawag at pagkapili sa inyo, sapagka’t sa paggawa ninyo ng ³mga bagay na ito ay hindi kayo matitisod kailanman.

11 Sapagka’t sa gayon ay ¹itutustos sa inyo nang mayaman at masagana ang pagpasok sa ²walang hanggang kaharian ng ating Panginoon at Tagapagligtas na si Hesu-Kristo.

12 Kaya’t magiging handa akong lagi na ipaalala sa inyo ang mga bagay na ito, bagama’t inyong nalalaman, at napatitibay kayo sa katotohanang ¹nasa inyo.

13 At itinuturing kong matuwid, hanggang ako ay nasa ¹tabernakulong ito, na gisingin ko kayo sa pamamagitan ng isang paalala,

14 Yamang aking nalalaman na dumarating nang madali ang ¹paghuhubad ko ng aking tabernakulo, na gaya ²rin ng ginawang malinaw sa akin ng ating Panginoong Hesu-Kristo.

15 At ako ay magsusumikap din upang pagkaraan ng aking ¹exodo ay lagi ninyong magunita ang mga bagay na ito;

16 Sapagka’t kami ay hindi ¹nagsisunod sa mga ²kathang ginawa nang may katusuhan, noong aming ipinakilala sa inyo ang kapangyarihan at ³pagparito ng ating Panginoong Hesu-Kristo, kundi kami ay naging mga ⁴saksing nakakita ng Kanyang ⁵kamaharlikahan.

17 Sapagka’t Siya ay tumanggap sa Diyos Ama ng karangalan at kaluwalhatian, nang dumating sa Kanya ang isang tinig mula sa ¹maringal na kaluwalhatian: Ito ang Aking sinisintang Anak, na Siya Kong kinalulugdan.

18 At ang tinig na ito ay aming narinig na nagmumula sa langit, nang kami ay kasama Niya sa banal na bundok.

19 ¹At kami ay mayroong lalong matatag na salita ng mga propeta, na kung inyong sinusundan ay mabuti ang inyong ginagawa, na gaya ng isang ²ilawang nagliliwanag sa isang ³dakong madilim, hanggang sa ⁴pagbubukang-liwayway at ang tala sa umaga ay sumisilang sa inyong mga puso;

20 Na maalaman muna ito, na walang propesiya ng Kasulatan ang nagbuhat sa ¹sariling ²pagpapaliwanag;

21 ¹Sapagka’t kailanman ay walang propesiya na ²dinala ng kalooban ng tao, kundi ang mga tao ay nagsalita buhat sa Diyos, na ²dinadala ng Espiritu Santo.