2 Corinto 7

1 ¹Yamang taglay natin ang mga ²pangakong ito, mga minamahal, magsipaglinis tayo mula sa lahat ng ³karumihan ng laman at ng espiritu, na ⁴pinasasakdal ang kabanalan sa ⁵takot sa Diyos.

2 ¹Buksan ninyo sa amin ang inyong mga puso; hindi namin ²ginawan ng mali ang sinuman, hindi namin pinasamâ ang sinuman, hindi kami nanamantala kaninuman.

3 Hindi ko sinasabi ito upang kayo ay hatulan, sapagka’t nasabi ko na noong una, na kayo ay ¹nasa aming mga puso upang magkasamang mamatay at magkasamang mabuhay.

4 Lubos ang katapangan ko sa inyo, lubos ang pagmamapuri ko dahil sa inyo; ako ay napuspos ng ¹kaaliwan, nag-uumapaw ako sa ¹kagalakan sa lahat ng aming kapighatian.

5 Sapagka’t nang magsidating kami sa Macedonia ang aming ¹laman ay hindi nagkaroon ng kapahingahan bagkus kami ay napighati sa lahat ng paraan; sa labas ay mga pagbabaka, sa loob ay mga pagkatakot.

6 Gayunman ang Diyos na umaaliw sa mga ¹inilulugmok ang ²umaliw sa amin sa pamamagitan ng ³pagdating ni Tito;

7 At hindi lamang sa kanyang ¹pagdating, bagkus maging sa kaaliwan na inialiw sa kanya dahil sa inyo, nang sa amin ay ibalita niya ang inyong pananabik, ang inyong pagdadalamhati, ang inyong kasigasigan para sa akin, anupa’t ako ay lubha pang nagalak.

8 Sapagka’t kung ako ay nakapagpalumbay sa inyo sa aking ¹sulat, hindi ako nagsisisi, bagama’t ²aking ikinalungkot sapagka’t akin ngang talastas na ang sulat na yaon ay ³nakapagpalumbay sa inyo, bagama’t sa maikling panahon lamang.

9 Ngayon ay nagagalak ako, hindi dahil sa kayo ay napalumbay, kundi dahil sa kayo ay napalumbay sa ¹ikapagsisisi; sapagka’t kayo ay ²napalumbay sa paraang ukol sa Diyos, upang sa anuman ay huwag kayong magkaroon ng kalugihan dahil sa amin.

10 Sapagka’t ang kalumbayang ayon sa Diyos ay gumagawa ng pagsisisi tungo sa ¹ikaliligtas, hindi sa ²ikalulungkot; datapuwa’t ang kalumbayang ayon sa sanlibutan ay ²gumagawa ng kamatayan.

11 Narito nga, itong inyong ikinalulumbay nang ayon sa Diyos, anong ¹masikap na pag-iingat ang sa inyo ay ²ginawa, ³oo’ t anong ⁴pagtatanggol ng inyong sarili, oo’t anong ⁵pagkagalit, oo’t anong ⁶pagkatakot, oo’t anong ⁷pananabik, oo’t anong ⁸kasigasigan, oo’t anong ⁹paghihiganti! Sa lahat ng panig ipinagkakapuri ninyo ang inyong mga sarili na kayo ay dalisay sa ¹⁰bagay na yaon.

12 Kaya nga, bagama’t ako ay sumulat sa inyo, ito ay hindi dahil doon sa ¹gumawa ng kamalian, ni dahil doon sa ²nagbata ng kamalian, kundi upang ³maihayag sa inyo ang inyong ⁴masikap na pag-iingat sa amin sa harapan ng Diyos.

13 Kaya’t kami ay pawang nangaaliw. At sa aming pagkaaliw ay ¹bagkus pang nangagalak kami dahil sa kagalakan ni ²Tito, sapagka’t ang kanyang ³espiritu ay pinanariwa ninyong lahat.

14 Sapagka’t kung ako ay nagmapuri ng anuman sa kanya dahil sa inyo, hindi ako napahiya; datapuwa’t kung paanong sinabi namin ang lahat ng mga bagay sa inyo sa katotohanan, gayundin naman ang aming pagmamapuri na ginawa sa harap ni Tito ay nasumpungang totoo.

15 At ang kanyang ¹pag-ibig ay lubha pang nananagana sa inyo, samantalang naaalaala niya ang pagtalima ninyong lahat, kung paanong siya ay tinanggap ninyo na may takot at panginginig.

16 Ako ay nagagalak na sa lahat ng mga bagay ay mayroon akong ¹lubos na pagtitiwala sa inyo.