2 Corinto 6

1 ¹At yamang ²kasama Siyang gumagawa ay ³ipinamamanhik din namin sa inyo na huwag ninyong tanggapin ang ⁴biyaya ng Diyos nang walang kabuluhan;

2 Sapagka’t sinasabi Niya, Sa panahong kaaya-aya ay pinakinggan kita, at sa araw ng pagliligtas ay sinaklolohan kita; narito, ngayon ang panahong ¹lubhang katanggap-tanggap; narito, ngayon ang araw ng ²kaligtasan.

3 ¹Na hindi nagbibigay ng kadahilanang ikatitisod sa anuman, upang ang aming ²ministeryo ay huwag mapulaan;

4 Datapuwa’t sa lahat ng mga bagay ay ipinagkakapuri namin ang aming sarili bilang mga tagapaglingkod ng Diyos, sa maraming ¹pagtitiis, sa mga kapighatian, sa mga ²pangangailangan, sa mga paghihinagpis,

5 Sa mga latay, sa mga pagkakabilanggo, sa mga kaguluhan, sa mga pagpapagal, sa mga ¹pagpupuyat, sa mga ²pag-aayuno,

6 Sa kalinisan, sa ¹kaalaman, sa pagpapahinuhod, sa kagandahang-loob, sa isang banal na ²espiritu, sa ¹pag-ibig na hindi pakunwari,

7 Sa salita ng katotohanan, sa kapangyarihan ng Diyos; sa pamamagitan ng mga ¹sandata ng katuwiran ²sa kanan at sa kaliwa,

8 Sa pamamagitan ng ¹kaluwalhatian at ng kasiraang-puri, sa pamamagitan ng ²masamang ulat at ng mabuting ulat; gaya ng mga ³mandaraya gayunman ay mga tapat,

9 Waring ¹hindi mga kilala, gayon man ay mga kilalang-kilala, tulad sa ²nangaghihingalo, at narito, kami ay nangabubuhay, gaya ng mga ³dinidisiplina, nguni’t hindi pinapatay,

10 Tulad sa ¹nangalulungkot, gayon man ay laging nangagagalak, tulad sa mga ²dukha, gayon man ay nangagpapayaman sa marami, gaya ng ³walang anumang pag-aari, gayon man ay mayroon ng lahat ng mga bagay.

11 Ang aming bibig ay ¹bukás para sa inyo, O mga taga-Corinto, ang aming puso ay ¹napalawak;

12 ¹Sa amin ay hindi kayo nasisikipan, kundi ²nasisikipan kayo ¹sa inyong mga sariling ³panloob na bahagi;

13 Kaya nga bilang ¹ganti sa gayong bagay, nangungusap akong gaya sa mga ²anak, maging ³malawak naman kayo.

14 ¹Huwag kayong makipamatok ²nang kabilan sa mga di-mananampalataya; sapagka’t anong ³samahan mayroon ang katuwiran at kalikuan, o anong pakikisalamuha mayroon ang liwanag sa kadiliman?

15 At anong pakikipagkasundo mayroon si Kristo kay Belial, o anong bahagi mayroon ang mananampalataya sa di-mananampalataya?

16 At anong pakikipagkaisa mayroon ang templo ng Diyos sa mga diyos-diyosan? Sapagka’t tayo ang templo ng ¹Diyos na buháy; gaya ng sabi ng Diyos, Mananahan Ako sa kanila, at lalakad Ako sa kanila; at Ako ay magiging Diyos nila, at sila ay magiging bayan Ko.

17 Kaya nga, magsialis kayo sa kanila at ¹magsihiwalay kayo, sabi ng Panginoon, at huwag kayong magsihipo ng mga ²bagay na marumi, at kayo ay Aking ³tatanggapin;

18 At Ako ay magiging ¹isang Ama sa inyo, at kayo ay magiging mga anak na lalake at ²mga anak na babae sa Akin, sabi ng Panginoong Makapangyarihan sa lahat.