2 Corinto 5

1 ¹Sapagka’t nalalaman namin na kung ang aming ²panlupang bahay na ³tabernakulo ay masira, kami ay may isang ⁴gusaling mula sa Diyos, isang ⁵bahay na hindi gawa sa pamamagitan ng mga kamay, walang hanggan, ⁶sa sangkalangitan.

2 Sapagka’t tunay na sa ¹ganito kami ay nagsisihibik, umaasam na ²mabihisan ng aming ³tahanang mula sa langit,

3 Na kung mabihisan nga niyaon ay hindi kami masusumpungang ¹hubad.

4 Sapagka’t tunay na kaming nangasa tabernakulong ito ay nangagsisihibik, na ¹nangabibigatan; ²hindi sa ninanasa naming maging hubad, kundi ninanasa naming kami ay mabihisan, upang ³ang may kamatayan ay ⁴lulunin ng buhay.

5 Ngayon Siya na ¹gumawa sa amin para sa mismong bagay ring ito ay ang Diyos, na nagbigay sa amin ng ²prenda ng Espiritu.

6 Kaya nga kami ay laging malakas ang loob, at nalalaman namin na samantalang kami ay ¹nangasatahanan sa katawan, kami ay ¹wala sa tahanan, hiwalay sa Panginoon.

7 (Sapagka’t ¹nagsisilakad kami sa pamamagitan ng pananampalataya, hindi sa pamamagitan ng ²paningin);

8 Na malakas ang loob namin, ang sabi ko, at ibig pa nga namin ang ¹maging wala sa tahanan sa labas ng katawan, at mapasatahanan na kasama ng Panginoon.

9 Kaya’t kami naman ay ¹masidhing-nagnanasa, maging ²sa tahanan man o wala man sa tahanan, na maging kalugud-lugod sa Kanya.

10 ¹Sapagka’t tayong lahat ay kinakailangang mahayag sa ²luklukan ng paghahatol ni Kristo, upang ³tumanggap ng kaukulang ganti ang bawa’t isa para sa mga bagay na ginawa ⁴sa pamamagitan ng katawan, ayon sa ginawa niya, maging mabuti o ⁵masama.

11 ¹Yamang nalalaman nga ang ²pagkatakot sa Panginoon, aming ³hinihikayat ang mga tao, nguni’t kami ay nangahayag sa Diyos; at inaasahan ko na kami ay nangahayag din naman sa inyong mga budhi.

12 Hindi namin muling ipinagkakapuri ang aming sarili sa inyo, kundi binibigyan namin kayo ng pagkakataong magmapuri dahil sa amin, upang kayo ay mangagkaroon ng maisasagot sa mga nagmamapuri sa panlabas na ¹anyo, at hindi sa ²puso.

13 Sapagka’t kung kami ay maging mga ¹hibang, ito ay para sa Diyos; o kung kami ay maging ²matino sa kaisipan, ito ay para sa inyo.

14 Sapagka’t ang ¹pag-ibig ni Kristo ay ²pumipilit sa amin, na ³ipinasiya namin ang ganito, na ang ⁴Isa ay namatay dahil sa lahat; ⁵kung gayon ang lahat ay nangamatay;

15 At Siya ay namatay dahil sa lahat, upang ang nangabubuhay ay ¹huwag nang mabuhay pa tungo sa kanilang sarili, kundi ²tungo sa Kanya na namatay dahil sa kanila at muling binuhay.

16 ¹Kaya nga mula ngayon ay hindi namin ²nakikilala ang sinumang ayon sa laman; bagama’t ²nakilala namin si Kristo ayon sa laman, nguni’t sa ngayon ay hindi na namin Siya ²nakikilala nang gayon.

17 ¹Kaya’t kung ang sinuman ay ²nasa loob ni Kristo, siya ay isang ³bagong nilalang; ang mga ⁴dating bagay ay nagsilipas na; ⁵narito, ⁶ang mga ito ay pawang naging mga bago.

18 Datapuwa’t ang ¹lahat ng mga bagay ay pawang ²sa Diyos, na ipinakipagkasundo tayo sa Kanya rin sa pamamagitan ni Kristo, at nagbigay sa amin ng ministeryo ng pakikipagkasundo;

19 Samakatwid, ang Diyos sa loob ni Kristo ay ipinakipagkasundo ang sanlibutan sa Kanya rin, hindi ibinibilang sa kanila ang kanilang mga pagsasalangsang, at ²ipinagkakatiwala sa amin ang ¹salita ng pakikipagkasundo.

20 Kami nga ng dahil kay Kristo ay mga ¹embahador, na waring namamanhik ang Diyos sa pamamagitan namin; kami ay namamanhikan sa inyo sa pangalan ni Kristo, na kayo ay ²makipagkasundo sa Diyos.

21 Yaong ¹hindi nakakilala ng kasalanan ay Kanyang ginawang ²kasalanan dahil sa atin, upang tayo ay maging ³katuwiran ng Diyos ⁴sa loob Niya.