2 Corinto 4

1 ¹Kaya nga, sa pagkakaroon namin ng ²ministeryong ito, ayon sa tinanggap naming ³kaawaan, ay hindi kami pinanghihinaan ng loob;

2 Bagkus tinanggihan namin ang mga kahiya-hiyang bagay na nangatatago, na hindi kami nagsisilakad sa katusuhan, ni ¹binabantuan ang mga salita ng Diyos, kundi sa paghahayag ng ²katotohanan ay ipinagkakapuri ang aming sarili sa bawa’t budhi ng tao sa harapan ng Diyos.

3 At kung ang aming ebanghelyo ay ¹natatalukbungan pa, ito ay may talukbong sa mga yaong napapahamak,

4 Na ¹binulag ng ²diyos ng kapanahunang ito ang mga ³kaisipan ng mga hindi nagsisisampalataya, upang sa kanila ay huwag ⁴sumilay ang ⁵liwanag ng ebanghelyo ng kaluwalhatian ni Kristo, na Siyang larawan ng Diyos.

5 ¹Sapagka’t hindi namin ipinangangaral ang aming sarili, kundi si Kristo Hesus bilang ²Panginoon, at kami ay gaya ng inyong mga ³alipin dahil kay Hesus.

6 ¹Sapagka’t ang Diyos na nagsabi, Sisilay ang ilaw mula sa kadiliman, ang Siyang sumilay ²sa ³aming mga puso, ⁴upang magbigay ng liwanag ng pagkakilala sa kaluwalhatian ng Diyos sa ⁵mukha ni Hesu-Kristo.

7 ¹Nguni’t taglay namin ang ²kayamanang ito sa mga sisidlang lupa, upang ang ³kahigtan ng kapangyarihan ay magmula sa Diyos, at hindi mula sa aming sarili.

8 Sa magkabi-kabila ay ¹nangagigipit kami, gayon man ay hindi ²nagsisikip; ³nangatitilihan, gayon man ay hindi ⁴nangawawalan ng pag-asa;

9 ¹Pinag-uusig, gayon man ay hindi ²pinababayaan; inilulugmok, gayon man ay hindi ³nangasisira;

10 Laging saanman ay tinataglay sa katawan ang ¹paglalagay sa kamatayan kay Hesus, ²upang ang ³buhay ni Hesus ay mahayag naman sa aming katawan.

11 Sapagka’t kaming nangabubuhay ay laging dinadala sa kamatayan dahil kay Hesus, upang ang buhay naman ni ¹Hesus ay mahayag sa aming ²lamang may kamatayan.

12 Kaya nga ang kamatayan ay gumagawa sa amin, datapuwa’t ang ¹buhay ay sa inyo.

13 At yamang may ¹gayunding ²espiritu ng pananampalataya, na ayon sa nasusulat, Sumampalataya ako, kaya nga ako ay nagsalita; kami naman ay nagsisisampalataya, kaya kami naman ay nangagsasalita;

14 Na aming nalalaman na ang nagbangon sa Panginoong Hesus ang ¹magbabangon din sa amin kasama ni Hesus, at ihaharap kaming kasama ninyo.

15 Sapagka’t ang lahat ng mga bagay ay para sa inyo, upang ang ¹biyaya, na pinananagana sa pamamagitan ng marami, ay makapagpasagana ng pagpapasalamat sa ikaluluwalhati ng Diyos.

16 Kaya nga hindi kami pinanghihinaan ng loob; bagama’t ang aming ¹panlabas na tao ay ²nasisira, ang aming ¹panloob na tao naman ay ³napapabago sa araw-araw.

17 Sapagka’t ang aming magaang ¹kapighatian na panandalian lamang ang siyang gumagawa sa amin ng ²lalu’t lalong bigat ng ³kaluwalhatiang ⁴walang hanggan,

18 Samantalang hindi namin isinasaalang-alang ang mga ¹bagay na nakikita, kundi ang mga ²bagay na hindi nakikita; sapagka’t ang mga bagay na nakikita ay pansamantala, datapuwa’t ang mga bagay na hindi nakikita ay walang hanggan.