2 Corinto 3

1 ¹Sinisimulan ba naming muling ipagkapuri ang aming sarili? O kami ba ay nangangailangan, gaya ng iba, ng mga sulat ng papuri sa inyo, o mula sa inyo?

2 Kayo ay ang ¹aming sulat, na nasusulat sa ²aming mga puso, nakikilala at nababasa ng lahat ng mga tao;

3 Yamang nahahayag na kayo ay isang ¹sulat ni Kristo na ²inihain namin, hindi isinulat ng tinta, kundi ³ng Espiritu ng Diyos na buháy; hindi sa mga tapyas ng bato, kundi sa mga tapyas ng ⁴pusong laman.

4 At ang gayong pagtitiwala sa Diyos ay taglay namin sa pamamagitan ni Kristo.

5 Hindi sa kami ay ¹sapat na sa aming sarili upang ibilang ang anuman na mula sa ganang aming sarili, kundi ang aming ¹kasapatan ay mula sa Diyos,

6 Na ¹ginagawa naman kaming sapat na mga ²tagapaglingkod ng bagong tipan, ³hindi ng ⁴titik, kundi ng ⁵Espiritu; sapagka’t ang ⁶titik ay pumapatay, datapuwa’t ang ⁷Espiritu ay nagbibigay ng buhay.

7 Ngayon kung ang ¹ministeryo ng kamatayan, na nasusulat at nauukit sa mga bato, ay nangyaring may ²kaluwalhatian, anupa’t ang mga anak ni Israel ay hindi makatitig sa mukha ni Moises dahil sa kaluwalhatian ng kanyang mukha, na ang kaluwalhatiang ito ay lumilipas,

8 Paanong hindi lalong magkakaroon ng ¹kaluwalhatian ang ²ministeryo ng Espiritu?

9 Sapagka’t kung ang ministeryo ng ¹kondenasyon ay may kaluwalhatian, bagkus pa ngang higit na ²sagana sa kaluwalhatian ang ministeryo ng ³katuwiran.

10 Sapagka’t katotohanang ang ¹naluwalhati ay ²hindi naluwalhati ³sa bagay na ito, nang dahil sa kaluwalhatiang nangingibabaw.

11 Sapagka’t kung ang ¹lumilipas ay dumating ²sa pamamagitan ng kaluwalhatian, lalo pa ang yaong nananatili ay ²nasa kaluwalhatian.

12 Yaman ngang may gayong ¹pag-asa, gumagamit kami nang buong ²katapangan,

13 At hindi gaya ni Moises, na nagtalukbong ng kanyang mukha, upang ang mga anak ni Israel ay huwag magsititig ¹sa katapusan niyaong lumilipas.

14 Datapuwa’t ang kanilang mga ¹kaisipan ay nagsitigas; sapagka’t hanggang sa araw na ito, kapag binabasa ang lumang tipan, ang talukbong ding yaon ay nananatili, na hindi pa sila nakatanggap ng pahayag na ²ito ay naalis na sa pamamagitan ni Kristo.

15 Datapuwa’t hanggang sa araw na ito, tuwing binabasa si ¹Moises, may isang talukbong na nakatakip sa kanilang puso;

16 Nguni’t tuwing bumabaling ¹ito sa Panginoon, ang talukbong ay naaalis.

17 ¹Nguni’ t ang ²Panginoon ang ³Espiritu, at kung saan naroroon ang ⁴Espiritu ng Panginoon, doon ay may ⁵kalayaan.

18 ¹Ngunit ²tayong lahat na ³walang talukbong ang mukha, na ⁴tumitingin at umaaninag gaya ng isang ⁵salamin sa ⁶kaluwalhatian ng Panginoon, ay ⁷natatransporma tungo sa ⁸gayunding larawan ⁹mula sa kaluwalhatian hanggang sa kaluwalhatian, na gaya ng ¹⁰mula sa ¹Panginoong Espiritu.