1 Timoteo 6

1 Ituring ng lahat ng mga alipin, na nangasa ilalim ng pamatok, ang kanilang mga sariling panginoon na karapat-dapat sa buong kapurihan, upang ang pangalan ng Diyos at ang ¹pagtuturo ay huwag ²malapastangan.

2 At yaong mga may panginoong nagsisisampalataya, huwag mong hayaang hamakin nila sila, sapagkat sila ay mga kapatid; manapa ay paglingkuran nila sila bilang mga alipin, sapagkat mga mananampalataya at mga minamahal ang mga nakikinabang sa kanilang paglilingkod. Iyong ituro at ipanghikayat ang mga bagay na ito.

3 Kung ang sinuman ay nagtuturo ¹nang naiiba, at hindi sumasang-ayon sa ²malulusog na salita, samakatwid ay sa mga salita ng ating Panginoong Hesu-Kristo, at sa aral na ayon sa ³pagkamakadiyos,

4 Siya ay ¹nabulag ng kapalaluan, walang nalalamang anuman, kundi ²sakit na niya ang mga pagtatanong at mga pagtatalo tungkol sa mga salitang pinagmumulan ng kapanaghilian, mga pagkakaalit, mga ³pag-aalipusta, mga masasamang akala,

5 Mga ¹walang katapusang pagtataltalan ng mga taong masasama ang kaisipan at ²salat sa ³katotohanan, na ⁴nagsisipag-akala na ang pagkamakadiyos ay paraan ng kapakinabangan.

6 Datapuwa’t ang pagkamakadiyos na may ¹kasiyahan ay ²malaking kapakinabangan;

7 Sapagkat ¹wala tayong dinalang anuman sa sanlibutan, at wala rin naman tayong mailalabas na anuman.

8 Ngunit kung tayo ay may pagkain at ¹pananamit ay ²masiyahan na tayo roon.

9 Datapuwa’t ang mga ¹nagsisipagpasiyang yumaman ay nangahuhulog sa tukso at sa ²silo at sa maraming ³pitang hangal at nakasasama, na siyang ⁴naglulubog sa mga tao sa ⁵pagkasira at pagkawasak.

10 Sapagkat ang pag-ibig sa salapi ay ¹isang ugat ng lahat ng uri ng kasamaan, na sa ²pagnanasa ng ilan ay ³nangasinsay sa ⁴pananampalataya, at tinuhog ang kanilang sarili ng maraming kalumbayan.

11 Datapuwa’t ikaw, O ¹tao ng Diyos, tumakas ka sa mga bagay na ito, at habulin mo ang ²katuwiran, ang ³pagkamakadiyos, ang ⁴pananampalataya, ang ⁵pag-ibig, ang ⁶pagtitiis, ang ⁷kaamuan.

12 Makipagbaka ka ng mabuting pakikipagbaka ng pananampalataya; manangan ka sa ¹buhay na walang hanggan kung ²saan ka tinawag, at ³nagpahayag ng mabuting pagpapahayag sa harapan ng maraming saksi.

13 Ipinagbibilin ko sa iyo sa harapan ng Diyos, na ¹nagbibigay ng buhay sa lahat ng mga bagay, at sa harapan ni Kristo Hesus, na sumaksi sa mabuting pagpapahayag sa harapan ni Poncio Pilato,

14 Na tuparin mo ang ¹utos nang walang dungis, walang kapintasan, hanggang sa ²pagpapakita ng ating Panginoong Hesu-Kristo,

15 ¹Na sa sariling kapanahunan ²nito ay ipahahayag ³Niya, na pinagpala at tanging Makapangyarihan, ⁴Hari ng mga hari, at Panginoon ng mga panginoon,

16 Na Siya lamang ang walang kamatayan, na nananahan sa liwanag na di-malapitan; na hindi nakita o makikita ninuman, suma Kanya nawa ang karangalan at ¹kapangyarihang walang hanggan. Amen.

17 Pagbilinan mo ang mayayaman sa kasalukuyang kapanahunan na huwag magsipagmataas-sa-kaisipan, ni maglagak ng kanilang pag-asa sa mga kayamanang di-mananatili, kundi sa Diyos na siyang nagbibigay nang sagana sa atin ng lahat ng mga bagay para sa ating katamasahan;

18 Na sila ay magsigawa ng ¹mabuti, na sila ay ²magsiyaman sa mabubuting gawa, na sila ay maging handa sa pamimigay, maibigin sa pamamahagi,

19 Na magtipon bilang kayamanan para sa kanilang sarili ng isang mabuting ¹pundasyon para sa hinaharap, upang sila ay makapanangan sa ²buhay na tunay na buhay.

20 O Timoteo, ingatan mo ang ¹ipinagkatiwala sa iyo, umiwas ka sa mga usapang di-banal na walang kabuluhan at sa mga pagsalungat ng ²huwad na tinatawag na kaalaman,

21 Na palibhasa ay pinaniniwalaan ng ilan ay ¹nangamintis hinggil sa pananampalataya.

^cAng biyaya ay ay sumainyo nawa.