1 Timoteo 3

1 Tapat ang salita: Kung ang sinuman ay ¹nagnanais na ²mangasiwa, nagnanasa siya ng isang mabuting gawa.

2 Dapat nga na ang ¹episkopo ay ²walang kapintasan, ³asawa ng isang babae lamang, ⁴mapagpigil, ⁵mahinahon ang kaisipan, ⁶maayos, ⁷bukas ang tahanan sa mga panauhin, ⁸makapagtuturo,

3 ¹Hindi malabis na manginginom, ²hindi mapagbuhat ng kamay kundi ³may pagtitimpi, ⁴hindi mapakipagtalo, ⁵hindi maibigin sa salapi;

4 ¹Namamahalang mahusay sa kanyang sariling sambahayan, na napasusunod ang kanyang mga anak nang may buong ²kahinahunan ng pagiging-kagalang-galang;

5 (Nguni’t kung ang sinuman nga ay hindi marunong mamahala sa kanyang sariling sambahayan, paano nga siyang makapamamahala sa ekklesia ng Diyos?

6 Hindi isang ¹bago pa lamang nananampalataya, baka sa ²pagkabulag sa kapalaluan ay mahulog siya sa ³kahatulan ng Diyablo.

7 Bukod dito ay dapat din naman siyang magkaroon ng ¹mabuting patotoo sa mga ²nangasa labas, upang hindi siya ³mahulog sa pagdudusta at silo ng ⁴Diyablo.

8 Gayundin naman, ang mga ¹diyakono ay dapat na maging ²mahinahon sa pagiging-kagalang-galang, ³hindi nagdadalawang-dila, ⁴hindi sugapa sa maraming alak, ⁵hindi mga sakim sa mahahalay na kapakinabangan,

9 Na iniingatan ang ¹hiwaga ng pananampalataya sa isang ²dalisay na budhi.

10 At ang mga ito rin naman ay ¹subukin muna; kung ²walang kapintasan ay hayaan silang ³maglingkod.

11 Gayundin naman, ang mga ¹babae ay dapat na maging ²mahinahon sa pagiging-kagalang-galang, ³hindi mapanirang-puri, ⁴mapagpigil, ⁵tapat sa lahat ng mga bagay.

12 Ang mga diyakono ay dapat na may ¹iisang asawa lamang, na ²pinamamahalaang mabuti ang kanilang mga anak at ang kanilang mga sariling sambahayan.

13 Sapagka’t ang nangaglilingkod nang mabuti ay nangagtatamo para sa kanilang sarili ng isang ¹mabuting katayuan, at ²ibayong katapangan sa ³pananampalataya na nasa loob ni Kristo Hesus.

14 Ang mga bagay na ito ay isinusulat ko sa inyo, na umaasang makararating ako sa inyo nang madali;

15 Nguni’t kung ako ay magluwat nang mahabang panahon, ay upang maalaman mo kung ¹paano ang dapat na ugaliin ng isa sa ²bahay ng Diyos, na siyang ekklesia ng ³Diyos na buháy, at ⁴haligi at ⁵saligan ng ⁶katotohanan.

16 At walang pagtatalo, dakila ang ¹hiwaga ng pagkamakadiyos! ²Siya ay ³nahayag sa laman, ⁴inaring-matuwid sa loob ng Espiritu, ⁵nakita ng mga anghel, ⁶ipinangaral sa mga bansa, ⁷sinampalatayanan sa sanlibutan, ⁸tinanggap sa itaas sa kaluwalhatian.