1 Timoteo 2

1 Akin ka ngang hinihikayat, unang-una sa lahat ng mga bagay na ¹manaing, manalangin, ²mamagitan, at magpasalamat patungkol sa lahat ng mga tao;

2 Patungkol sa mga hari at sa lahat ng nangasa mataas na katungkulan, upang tayo ay makapamuhay nang ¹panatag at tahimik sa loob ng buong ²pagka-makadiyos at ³kahinahunan ng pagiging kagalang-galang.

3 Ito ay mabuti at katanggap-tanggap sa paningin ng ating Tagapagligtas na Diyos,

4 Na Siyang may ibig na ang ¹lahat ng mga tao ay maligtas at ²lubos na makaalam ng katotohanan.

5 Sapagka’t may ¹isang Diyos at may isang ²Tagapamagitan sa Diyos at sa mga tao, ang ³Taong si Kristo Hesus,

6 Na ¹nagbigay ng Kanyang Sarili na ²pantubos sa lahat, na ³patotoong mahahayag sa sariling kapanahunan nito;

7 Na dito ay itinalaga akong ¹tagapagbalita at apostol (sinasabi ko ang katotohanan, hindi ako nagsisinungaling), guro ng mga Hentil sa ²pananampalataya at katotohanan.

8 Ibig ko ngang ang mga kalalakihan ay ¹manalangin sa bawa’t dako, na nagtataas ng mga ²kamay na ³banal, na walang ⁴galit at ⁵pakikipagtalo.

9 ¹Gayundin naman, gayakan ng mga babae ang kanilang sarili ng ²maayos na pananamit na may ³kahinhinan at ⁴kahinahunan, hindi nang may nakatirintas na buhok at ginto o mga perlas o mamahaling damit;

10 Kundi, ng yaong umaangkop sa mga babae na nagpapahayag ng ¹makadiyos na pagpipitagan, sa pamamagitan ng mabubuting gawa.

11 Ang babae ay mag-aral sa loob ng ¹katahimikan na may buong ²pagpapasakop;

12 Nguni’t hindi ko ipinahihintulot na ang babae ay ¹magturo, ni magkaroon ng awtoridad sa lalake, kundi ²manahimik.

13 Sapagka’t si ¹Adam ang siyang unang ²nilalang, saka si Eva;

14 At si ¹Adam ay hindi nadaya, kundi ang ²babae sa pagiging nadaya ay nahulog sa pagsalansang.

15 Nguni’t maliligtas siya sa pamamagitan ng ¹panganganak, kung sila ay mananatili sa ²pananampalataya at pag-ibig at sa kabanalan na may ³kahinahunan.