1 Tesalonica 5

1 Datapuwa’t tungkol sa mga ¹kapanahunan at mga bahagi ng panahon, mga kapatid, hindi ninyo kailangan na isulat ko pa sa inyo ang anuman,

2 Sapagkat kayo mismo ay mga lubos na nangakaaalam, na ang pagdating ng ¹kaarawan ng Panginoon ay ²gaya ng isang magnanakaw sa gabi.

3 Kapag sinabi nila, Kapayapaan at katiwasayan, pagkagayon ay darating sa kanila ang biglang pagkawasak na gaya ng pagdaramdam sa panganganak ng babaeng nagdadalang-tao, at sila ay hindi makatatakas sa anumang paraan.

4 Ngunit kayo, mga kapatid, ay wala sa kadiliman, upang abutan kayo ng araw na yaon nang gaya ng isang magnanakaw;

5 Sapagkat kayong lahat ay pawang mga anak ng liwanag at mga anak ng araw. Tayo ay hindi nabibilang sa gabi, ni sa kadiliman man.

6 Kaya nga, huwag tayong ¹mangatulog na gaya ng iba, kundi tayo ay ²mangagbantay at maging mapagtimpi;

7 Sapagkat ang nangatutulog ay nangatutulog sa gabi, at ang ¹nangaglalasing ay nangaglalasing sa gabi;

8 Datapuwa’t mga anak tayo ng araw, maging mapagtimpi tayo, isinusuot ang ¹baluti ng pananampalataya at pag-ibig, at ang ¹turbante na ²pag-asa ng ³kaligtasan;

9 Sapagkat tayo ay ¹hindi itinalaga ng Diyos sa kapootan, kundi sa pagtatamo ng ²kaligtasan sa pamamagitan ng ating Panginoong Hesu-Kristo,

10 Na ¹namatay para sa atin, upang tayo, maging ²gising o ³tulog man, ay mangabuhay ⁴kasama Niya.

11 Kaya palakasin ninyo ang loob ng isa’t isa, at itayo ng bawat isa ang iba, gaya ng inyong ginagawa.

12 Datapuwa’t ipinakikiusap namin sa inyo, mga kapatid, na inyong ¹kilalanin ²ang nangagpapagal sa inyo, at ³nangangunguna sa inyo sa Panginoon, at nangagpapaalala sa inyo;

13 At inyong lubos na ¹igalang sila sa pag-ibig dahil sa kanilang gawa. Magsama-sama kayong ²mapayapa.

14 At aming ipinamamanhik sa inyo, mga kapatid, na inyong paalalahanan ang mga ¹magugulo, palakasin ang mga ²mahihinang-loob, alalayan ang mga ³mahihina, at maging ⁴mapagpahinuhod kayo sa lahat.

15 Tingnan nga ninyo na walang gaganti kaninuman ng masama sa masama, ngunit ¹habulin ninyong lagi ang mabuti, para sa isa’t isa at para sa lahat.

16 ¹Mangagalak kayong lagi;

17 ¹Magsipanalangin kayo nang walang patid;

18 ¹Sa lahat ng mga bagay ay magpasalamat kayo; ²sapagkat ito ang kalooban ng Diyos kay Kristo Hesus para sa inyo.

19 ¹Huwag ninyong patayin ang ningas ng Espiritu;

20 Huwag ninyong ¹hamakin ang mga ²pagpopropesiya;

21 Kundi ¹subukin ninyo ang lahat ng mga bagay; panghawakan ninyo nang matibay ang mabuti.

22 Layuan ninyo ang bawa’t ¹anyo ng masama.

23 ¹At ²pakabanalin kayong ³lubos ng ⁴Diyos Mismo ng kapayapaan, at ang inyong ⁵espiritu at kaluluwa at katawan ay ingatang ⁶buo, na walang kapintasan, ⁷sa ⁸pagparito ng ating Panginoong Hesu-Kristo.

24 Tapat Yaong sa inyo ay tumatawag, na gagawa ¹rin naman nito.

25 Mga kapatid, ipanalangin ninyo kami.

26 Batiin ninyo ang lahat ng mga kapatid ng banal na halik.

27 Ipinagtatagubilin ko sa inyo sa pamamagitan ng Panginoon na basahin sa lahat ng mga ¹kapatid ang sulat na ito.

28 Ang ¹biyaya ng ating Panginoong Hesu-Kristo ay sumainyo nawa.