1 Tesalonica 4

1 ¹Katapus-tapusan nga, mga kapatid, kayo ay aming hinihilingan at hinihikayat sa Panginoong Hesus, na ayon sa tinanggap ninyo sa amin, kung paanong kayo ay dapat magsilakad at mangagbigay-lugod sa Diyos, na gaya nga ng inyong paglakad, ay lalo kayong magsipanagana.

2 Sapagkat talastas ninyo kung anong mga tagubilin ang ibinigay namin sa inyo sa pamamagitan ng Panginoong Hesus.

3 Sapagkat ito ang kalooban ng Diyos, samakatwid ay ang inyong ¹pagpapakabanal; na kayo ay magpigil sa ²pakikiapid;

4 Na ang bawat isa sa inyo ay makaalam kung paano ¹taglayin ang kanyang sariling ²sisidlan sa ³pagpapakabanal at kapurihan,

5 Hindi sa pita ng kahalayan, na gaya ng mga Hentil na ¹hindi nakakikilala sa Diyos;

6 Na sinuman ay huwag ¹lumapastangan at ²mandaya sa kanyang kapatid sa ³bagay na ito, sapagkat ang Panginoon ay ⁴mapaghiganti sa lahat ng mga ⁵bagay na ito, na gaya naman ng aming sinabi na noong una sa inyo at mahigpit naming ipinagtagubilin.

7 Sapagkat tayo ay tinawag ng Diyos hindi ¹sa ²karumihan kundi ³sa ⁴pagpapakabanal.

8 ¹Kaya ang ²nagtatakwil ay hindi nagtatakwil sa tao, kundi sa Diyos, na nagbibigay rin sa inyo ng Kanyang ³Espiritu Santo.

9 Datapuwa’t tungkol sa ¹pangkapatirang pag-ibig ay hindi ninyo kailangan na kayo ay sulatan ko, sapagkat kayo mismo ay naturuan ng Diyos na ²mag-ibigan sa isa’t isa;

10 Sapagkat katotohanang ginagawa ninyo ang gayon sa lahat ng kapatid na nasa buong Macedonia. Ngunit aming ipinamamanhik sa inyo, mga kapatid, na kayo ay lalong magsipanagana,

11 At ¹nasain ninyo nang masidhi na maging tahimik, at gawin ang inyong sariling gawain, at mangagpagal sa pamamagitan ng inyong sariling mga kamay, na gaya ng aming ipinagbilin sa inyo;

12 Upang kayo ay magsilakad nang nararapat tungo sa mga nasa labas, at kayo ay hindi mangailangan ng anuman.

13 Ngunit hindi namin ibig na kayo ay di-makaalam, mga kapatid, tungkol sa mga ¹natutulog, upang kayo ay huwag malumbay na gaya ng iba na walang pag-asa.

14 Sapagkat kung tayo ay nagsisisampalatayang si Hesus ay namatay at nabuhay na muli, gayundin naman ang mga natutulog, sa pamamagitan ni Hesus, ay dadalhin ng Diyos kasama Niya.

15 Sapagkat ito ay sinasabi namin sa inyo sa pamamagitan ng salita ng Panginoon, na tayong nabubuhay, na natitira hanggang sa ¹pagparito ng Panginoon, ay hindi mauuna sa anumang paraan sa nangatutulog;

16 Sapagkat ang Panginoon Mismo ay bababa mula sa langit na may isang ¹sigaw ng pag-uutos, may tinig ng arkanghel, at may ²trumpeta ng Diyos, at ang nangamatay kay Kristo ay unang mangabubuhay na muli;

17 Pagkagayon, tayong nabubuhay, na natitira, ay ¹aagawing kasabay nila sa mga alapaap, upang salubungin ang Panginoon ²sa himpapawid; at sa ganito ay makakapiling natin ang Panginoon magpakailanman.

18 Sa gayon, palakasin ninyo ang loob ng isa’ t isa sa pamamagitan ng mga salitang ito.