1 Pedro 5

1 ¹Kaya nga sa ²mga matanda sa inyo, ako ay namamanhikan, akong ³kasamang matanda ninyo at isang ⁴saksi sa mga pagdurusa ni Kristo, na ⁵may bahagi rin sa kaluwalhatiang malapit nang mahayag:

2 Na ¹pastulin ninyo ang ²kawan ng Diyos na nasa inyo, na ³pangasiwaan ito hindi sa paraang napipilitan, kundi kusang-loob, ayon sa ⁴Diyos; ni hindi dahil sa paghahangad ng mahalay na kapakinabangan, kundi sa karubduban,

3 Ni hindi rin gaya ng ¹nagpapapanginoon sa ²ipinagtagubiling bahagi sa inyo, kundi kayo ay ³maging mga tularan ng ⁴kawan.

4 At pagkahayag sa Pangulong Pastol, magsisitanggap kayo ng ¹di-kumukupas na putong ng kaluwalhatian.

5 Gayundin naman, kayong mga kabataan ay magpasakop sa ¹matatanda, at kayong lahat ay ²magbigkis ng ³kapakumbabaan sa pakikitungo sa isa’t isa; sapagka’t ⁴sinasalansang ng Diyos ang mga palalo, subali’t binibigyan Niya ng ⁶biyaya ang mga ⁷mapagpakumbaba.

6 Kaya’t kayo ay mag ¹pakumbaba sa ilalim ng makapangyarihang kamay ng Diyos, upang kayo ay Kanyang ²itaas sa takdang panahon,

7 Na inyong ¹ilagak sa Kanya ang ²lahat ng inyong ³kabalisahan, sapagka’t ⁴Siya ay nagmamalasakit sa inyo.

8 Kayo ay maging ¹mahinahon; ²magbantay kayo. Ang inyong ³katunggali, ang ⁴Diyablo, na gaya ng leong ⁵umuungal ay ⁶gumagala, na ⁷naghahanap ng masisila niya;

9 Na siya ay ¹labanan ninyong matatag sa inyong ²pananampalataya, yamang inyong nalalaman na ang mga gayunding ³pagdurusa ay nagaganap sa inyong ⁴mga kapatid na nasa sanlibutan.

10 ¹Datapuwa’ t ang Diyos ng ²buong biyaya, na sa inyo ay tumawag ³tungo sa Kanyang walang hanggang kaluwalhatian ⁴kay Kristo, pagkatapos na kayo ay makapagbatá nang sandaling panahon, ang ⁵Siya Mismong ⁶magpapasakdal, ⁷magpapatibay, ⁸magpapalakas at ⁹magtatatag-ng-saligan sa inyo.

11 Suma Kanya nawa ang ¹kaluwalhatian at ang kapangyarihan magpakailanman. Amen.

12 Sa pamamagitan ni Silvano, ang tapat na kapatid, ayon sa aking palagay sa kanya, ay sinulatan ko kayo nang maikli, na aking ipinamamanhik at lubos na ¹sinasaksihan na ito ang ²tunay na biyaya ng Diyos; na magsitibay kayo rito.

13 Binabati kayo ng mga ¹kasamang-hinirang na nasa ²Babilonia at ni ³Marcos na aking anak.

14 Magbatian kayo ng halik ng pag-ibig. ¹Kapayapaan nawa ang sumainyong lahat na ²nasa loob ni Kristo.